##Unicode##
တစ်လခန့်ကြာသော်...
ကြွေ တိကျတဲ့အဖြေတစ်ခုကိုရခဲ့ပြီ ။ ဒါကတော့ယုယကို ကြွေချစ်နေပြီ။ ယုယပိုက်ထွေးဆိုတဲ့ဖြစ်တည်မှုကို ကြွေလက်ခံနိုင်ပြီ။ဒါကြောင့် သူမလေးရှိတဲ့ ရှမ်းပြည်ကို ကြွေ လိုက်သွားခဲ့သည်။ သူမက ငယ့်အိမ်မက်တွေကို ဖြည့်ဆည်းဖို့ ရှမ်းပြည်မှာဇင်ဦးဖွင့်ထားတဲ့ ကော်ဖီဆိုင်လေးမှာ အလုပ်လုပ်နေသည်တဲ့။
ကြွေ သူမတို့ဆိုင်လေးကိုရောက်ခဲ့ြပီ။..
"ကျွန်မ ဒီဆိုင်က ယုယပိုက်ထွေး နဲ့တွေ့ချင်လို့ပါ။"
"ရှင် ဟို သူ့အခန်းထဲမှာရှိမယ်ထင်တယ်။ ဝင်သွားလိုက်နော်။"
ဆိုင်ကဝန်ထမ်းလေးလမ်းညွှန်ပြတဲ့အတိုင်း သူမအခန်းရှိရာသို့ရောက်လာခဲ့သည်။
ဒေါက်ဒေါက်!!.
ကြွေတံခါးခေါက်လိုက်တော့
"ဘယ်သူလဲ!!.."
ပြန်ထူးတဲ့အသံက သူမ အသံမဟုတ်
"တို့က ဒေါ်ကြွေဆင်းခပါ ဝင်ခဲ့လို့ရမလား.."
"ဟုတ် ဝင်ခဲ့လေ။"
ကြွေအထဲဝင်သွားတော့ ဇင်ဦးကိုတွေ့ရသည်။
"လာလေဆရာမကြွေ ထိုင်ပါအုံး။ ရောက်လာသေးသားဘဲနော်။"
"ယုယပိုက်ထွေးကော။"
ကြွေ ခုံတစ်ခုမှာဝင်ထိုင်လိုက်ပြီးမေးတော့
ဇင်ဦးကပြန်မဖြေသေးဘဲ ကြွေအတွက် ကော်ဖီတစ်ခွက်လာချပေးသည်။ ထို့နောက် ကြွေ့ရှေ့ကခုံမှာဝင်ထိုင်လိုက်သည်။
"ဒီကိုဘာအတွက်လာတာလဲ။"
"ယုယကိုလာရှာတာ။ "
"ဘာလဲထပ်ပြီး သတ်အုံးမလို့လား။ ရပ်ဝန်းငယ်လို ထပ်ပြီး သေခိုင်းအုံးမလို့လား။"
"မဟုတ် မဟုတ်ပါဘူးကွယ်။တို့က..."
"တော်စမ်းပါ။ ဒေါ်ကြွေဆင်းခရယ်။ ရှင်က ကျမဆရာမဖြစ်နေလို့တာပေါ့။ မဟုတ်ရင် ရှင့်ကို ဒီနေရာကနေ ကျမမောင်းထုတ်ပြစ်တယ်သိလား။"
"ဘာတွေဖြစ်နေကြတာလဲ ..။"
ယုယဆူညံသံကြားလို့ အိပ်ယာကထလာပြီး ဒေါ်ဒေါ်က လူတစ်ယောက်နဲ့ စကားပြောနေတာတွေ့လို့ မေးလိုက်တော့..။စောနက ကျောပေးထိုင်ထားတာမို့ သူမဘယ်သူမှန်းမသိပေမယ့် ရှေ့ကိုရောက်လာတော့ သူမ..သူမလား။
YOU ARE READING
ဆရာမကြွေ(သို့)အန်တီကျောင်းအုပ်
Short Storyအချစ်ဦးကသမီးငယ်ဖြစ်ပြီး အချစ်ဆုံးကတော့မောင်ပေါ့။ မောင်ဆိုတာကလဲ သမီးငယ်ဘဲလေ..။
