Unicode
သူက ညစ်ပေခြင်းကို အလွန်ကြောက်သူဖြစ်၏။
~~~ဝေါ~~~
မိုး သည်းကြီးမည်းကြီး ရွာနေသည့်အတွက် မှန်ပြတင်းပေါ် မိုးရေစက်များ စင်နေသည်။ ကောင်းကင်တစ်ခုလုံး မှောင်မဲစိုစွတ်နေ၏။ လမ်းတစ်လျှောက်တွင်တော့ လမ်းသွားလမ်းသူလာများ ထီးများဆောင်း၍ ဥဒဟို သွားလာနေသည်။ ကားများသည်လဲ မိုးရေသံများကြားတွင် ပြေးလွှားနေကြလေသည်။
ရေဒီယိုအသံလွှင့်ဌာနမှ ရာသီဥတုသတင်းတစ်ပုဒ်ကြေညာနေ၏။
" မနေ့ညမှစတင်၍ မိုးသက်မုန်တိုင်းများ အားကောင်းနေပါတယ်ရှင်.. ယခုလ၏ မိုးရွာသွန်းမှု ရာခိုင်နှုန်းမှာ သမိုင်းတစ်လျှောက် အမြင့်ဆုံး ဖြစ်နေပြီး လမ်းများပေါ်တွင် ရေလွှမ်းလျှက်ရှိတာကြောင့် အများပြည်သူများအနေဖြင့် ဂရုတစိုက် သွားလာကြပါရန် သတိပေးအပ်ပါတယ်ရှင်"" အရှေ့မှာ မတော်တဆဖြစ်နေတယ်လို့တော့ မပြောနဲ့နော်"
ကားဆရာက သူ့ရှေ့တွင် လှုပ်ရှားနေသော ကားဝိုက်ပါကို ငေးကြည့်နေရာမှ မိုးလေဝသ သတင်းအဆုံး စိတ်မရှည်စွာ ထပြောလိုက်၏။
" မိုးက ဘယ်လောက်ထိတောင် ရွာနေမှာလဲ မသိဘူး.. လမ်းပေါ်မှာလဲ ရေအပြည့်ပဲ"ထို့နောက် ခေါင်းတစ်ချက်စောင်း၍ ကားအနောက်တွင် ထိုင်နေသော ပုံရိပ်ကို မေးလိုက်သည်။
" ခင်ဗျား အခုသွားမှာက... ရဲစခန်း ဟုတ်လား"မှောင်မဲနေသော တိမ်တိုက်တို့က နေမင်းကို ဖုံးကွယ်ထားသည့်အတွက် ကားအတွင်းဘက်တွင် မီးသီးမှိန်မှိန်လေး ထွန်းထားရ၏။
ကားနောက်တွင် ထိုင်နေသော ပုံရိပ် ရုတ်တရက် လှုပ်ရှားလာသည်။ ခေါင်းထောင်ကာ လက်နှစ်ဖက်ကို ယှက်၍ ပေါင်ပေါ်တင်လိုက်သည်။ ချိတ်ထိုင်ထားသော ခြေထောက်နှစ်ဖက်တွင် ဂျင်းဘောင်းဘီအနက်နှင့် သားရေဘွတ်ဖိနပ်တစ်ရံကို ဝတ်ဆင်ထား၏။ ရိုးရှင်းပြတ်သားလွန်းသော ဘွတ်ဖိနပ်ပေါ်တွင် မိုးရေစက်တချို့ စိုစွတ်နေသည်။
အဆိုပါလူမှာ ကားထဲဝင်ပြီးချိန်မှ စ၍ စကားတစ်ခွန်းမှ မဟသေး။ သူ သွားမည့်နေရာကို ကားဆရာကြီး သိနေခြင်းမှာ တက္ကစီခေါ်စဉ်က အွန်လိုင်းဘွတ်ကင်တွင် သွားလို့သည့်နေရာကို ထည့်သွင်းထားသောကြောင့်သာ ဖြစ်လေသည်။
YOU ARE READING
အန္တရာယ်ရှိသော စရိုက် - ဘာသာပြန်
Mystery / ThrillerTitle - Dangerous Personality Author - Mu Gua Huang MC- Xie Lin x Chi Qing Chapter 161 + 2 extras ထူးဆန်းသည့် ပြန်ပေးဆွဲမှုတစ်ခုအပြီးတွင် ချီချင်းတစ်ယောက် မမျှော်လင့်ပဲ တစ်ပါးသူစိတ်ကို ဖတ်နိုင်သည့် စွမ်းရည်တစ်ခုကို ရရှိခဲ့သည်။ ထိုအချိန်မှစ၍ သူ့ပုံစံ...