Unicode
အခုရက်ပိုင်း ရာသီဥတုထိုင်းမှိုင်းနေ၍ မိုးများဆက်တိုက်ရွာနေသဖြင့် လမ်းသွားလမ်းလာများ စိတ်အခြေအနေမကောင်း။ ကျိမင်ရွေ့က ဦးထုပ်ဆောင်း၍ မိုးကာနေသည်။ လက်ထဲမှ အချက်အလက်တချို့ကို ပိုက်၍ ဖုန်းထဲ စာတချို့ရိုက်ရင်း Anjia ရုံးထဲ ဝင်လိုက်သည်။
ထို့နောက် ဖုန်းဆက်၍ ပြောနေသည်။
" ခင်ဗျားပြောပြတဲ့ အချက်အလက်တွေအတိုင်း ကျွန်တော် Anjia ကုမ္ပဏီကို စစ်ဆေးခိုင်းထားတယ်... စိတ်မပူပါနဲ့ လူသတ်မှုအကြောင်းတော့ မပြောထားဘူး.. တကယ်လို့ အမှုနှစ်ခုနဲ့ ပတ်သက်နေတယ်ဆိုရင် သေချာပေါက် အသိပေးမှာပါ"" ကျွန်တော် တခြားတစ်ခုပြောင်းပြောထားတယ်.. ပွဲစားနဲ့ အိမ်ရှင်နဲ့ပေါင်းပြီး အိမ်လခတိုးတောင်းထားတယ်လို့ အိမ်ငှားတစ်ယောက် တိုင်ချက်ဖွင့်ထားတယ်လို့.. အခု အဲ့ဒီ့ပွဲစားကိုလဲ ဆက်သွယ်မရဘူး.. အဲ့ဒါကြောင့် ရှောင်တခင်ဝင်စစ်ရတာလို့"
အဆိုပါပွဲစား၏ ပုံစံကိုတော့ ရှဲ့လင်ပြောသည့်အတိုင်းသာ ပြောထားလိုက်သည်။
ကျိမင်ရွေ့မှ ရဲကတ်ပြားကို ထုတ်ပြလိုက်သည့်အခါ Anjia ကုမ္ပဏီ၏ HR ဝန်ထမ်းက အတော်လေး အမိန့်နာခံသည်။ သူ မေးသမျှကို ဘာမှမစဉ်းစားပဲ ပြန်ဖြေ၏။
" ကောင်းပါပြီ ကောင်းပါပြီ.. ကျွန်တော် အပြည့်အဝ ပါဝင်ပါ့မယ်.. ကျွန်တော်တို့ကုမ္ပဏီက အမြဲတမ်း တရားဥပဒေကို လိုက်နာလာတာပါ.. သူ့လုပ်ရပ်က ကုမ္ပဏီရဲ့ စည်းမျဉ်းစည်းကမ်းတွေကိုလဲ ချိုးဖောက်ရာကျတယ်.. ကုမ္ပဏီက ဒီလိုလုပ်ရပ်မျိုးကို အရမ်းမုန်းပါတယ်.. တကယ်လို့ အဲ့ဒီ့ကိစ္စသာ အမှန်ဆိုရင် သူ့ကို ကျွန်တော်တို့ဘက်ကလဲ ပြင်းပြင်းထန်ထန် အပြစ်ပေးမှာပါ"ကျိမင်ရွေ့လဲ ခပ်သွက်သွက် လျှောက်လာကာ ကားထဲဝင်၍ ကိုယ်ပေါ်မှ မိုးရေစက်များကို ခါချနေသည်။
" Anjia ကုမ္ပဏီအောက်မှာ ပွဲစားတွေ ရာနဲ့ချီရှိတယ်.. တစ်ယောက်ချင်းစီကို သေချာမစစ်နိုင်ဘူး.. ယွီထင်းရပ်ကွက်မှာ အိမ်လိုက်ပြပေးတဲ့ ပွဲစားကတင် နည်းတာမဟုတ်ဘူး...အဲ့ဒါနဲ့ မနေ့က ယွီထင်းမှာ အိမ်လိုက်ပြတဲ့သူတွေကိုပဲ စစ်ခဲ့တယ်.. နောက်ဆုံး ခင်ဗျားတို့ပြောတဲ့အချက်နဲ့ ကိုက်ညီတဲ့ ပွဲစားသုံးယောက်ကိုတွေ့တယ်.. နှစ်ယောက်က တိုက်တိုက်ဆိုင်ဆိုင် ဒီနေ့ ခွင့်ယူထားတယ် သူတို့ ကိုယ်ရေးအကျဉ်းနဲ့ လိပ်စာတွေ ပို့ပေးလိုက်မယ်"
YOU ARE READING
အန္တရာယ်ရှိသော စရိုက် - ဘာသာပြန်
Mystery / ThrillerTitle - Dangerous Personality Author - Mu Gua Huang MC- Xie Lin x Chi Qing Chapter 161 + 2 extras ထူးဆန်းသည့် ပြန်ပေးဆွဲမှုတစ်ခုအပြီးတွင် ချီချင်းတစ်ယောက် မမျှော်လင့်ပဲ တစ်ပါးသူစိတ်ကို ဖတ်နိုင်သည့် စွမ်းရည်တစ်ခုကို ရရှိခဲ့သည်။ ထိုအချိန်မှစ၍ သူ့ပုံစံ...