Secretly In Love With My Bestfriend | ✓ [COMPLETED]

Chapter Twenty-six

PAGKATUNOG pa lang ng bell na senyales ng lunch time ay maligalig akong tumayo at nag-ayos ng gamit.

“Woah! Kalma lang Amethyst, okay? Hindi naman aalis si Seven sa kanila. Hindi ka tatakbuhan non kaya chill ka lang.” natatawang panunudyo sa akin ni Nadia habang aliw na aliw na pinapanood akong mag-ayos ng gamit.

Napanguso naman ako dahil doon.

“Nag-aalala na talaga kasi ako, e. Gusto ko ng makita at malaman kung okay na ba siya.” sagot ko bago isara ang zipper ng bag ko at isukbit iyon sa balikat ko.

“Magiging ayos ka lang ba mag-isa rito?” nag-aalalang tanong ko sa kaniya na ikinatango naman nito bago ako ngitian.

“Sasabay na lang ako kay Hiro na kumain. Huwag ka nang mag-alala sa akin.” nakangiting sabi nito na ikinaginhaw ang dibdib ko.

Nakakagulat man na isiping kasabay niya si Hiro mag-lunch ay hindi na ako umimik pa. Wala naman kasing malisya iyon dahil magkamag-anak naman ang dalawa. Second cousin yata sila kung tama ang pagkakatanda ko. Nagulat pa nga ako nong nai-kwento sa akin ni Nadia na magkamag-anak silang dalawa, e.

“Sige, mauna na ako, ah? Hihinto pa ako sa bending machine para bumili ng Banana milk, e.” paalam ko sa kaniya bago siya pukulan ng isang ngiti na ikina-tango naman niya.

“Sige, gorabells ka na. Ingat, Amethyst! Balitaan mo ko sa magiging happenings ah?” anito at saka pilya akong nginitian na ikinatango ko bago ikina-ngiti.

“Sige, bukas na lang.” ani ko at kumaway na sa kaniya bago magmartiya palabas ng classroom.

Payapa pa akong naglakad papunta sa hagdan upang bumaba sa first floor ngunit napahinto rin kaagad dahil nasalubong ko si Ma'am Aliaga, ang art teacher ng school.

Ngumiti ako at bahagyang yumukod bago bumati sa kaniya.

“Good afternoon po, Ma'am Aliaga.” magaling na bati ko na ikina-ngiti naman nito.

“Magandang tanghali rin naman, Miss Esquivel. Tamang-tama ang timing dahil may hihibgin ako pabor sayo.” nakangiting bati rin nito na ikina-kunot naman ng noo ko.

“Ano po iyon?” Puno ng pagtataka at kuryosidad na tanong ko rito.

“Maari mo bang ibigay ang liham na ito kay Seven? Ikaw kasi ang pinaka matalik niyang kaibigan kaya ikaw na lang ang naisipan kong pagdalhin nito.” nakangiting paghingi nito ng pabor sabay lahad sa akin ng isang kulay puting parihabang envelope letter na siyang tinanggap ko naman kaagad.

“Sige po. Dadalhin ko na lang po sa kaniya mamaya.” ngiti ko na ikinalawak naman ng ngiti nito.

“Thank you, Miss Esquivel. Mauna na ako dahil may kakausapin pa akong isang estudyante. Bye, happy lunch!” masiglang anito at saka magiliw akong nilagpasan na ikina-kurap-kurap ko naman.

Nakatitig ako sa envelope na ibinigay niya sa akin. Ano kaya ito? Hindi ko na kasi itinanong at baka sabihin naman niya ay chismosa ako.

Napakibit-balikat na lang ako at saka nagpatuloy na sa pagbaba sa hagdan. Siguro ay related ito sa pagiging Ssg president ni Seven.

Malalaman ko rin naman ang laman niyon kapag binasa na iyon ni Seven, e.

Dahil don ay nagpatuloy na lang ako sa paglalakad.

Ngunit kakababa ko lang sa  sa first floor ng building namin ay napatigil kaagad ako dahil maraming nakaharang sa hallway sa baba ng hagdan  na mga kababaihan.

Napakunot ang noo ko habang nakatingin sa kanila ng nagtataka pero kaagad ding napalitan ng blanko ang muka ko ng makilala kung sino sila.

Sila lang naman ang mga lunatic na admirer ni Seven. Nandito ba sila para awayin ako kasi wala si Seven?