အခန်း ၆၄ မျက်လှည့်ဆန်သော
လုယန်က ရှင်းပြတယ်။ "သစ်သားအိမ်မှာ ထောင့်သုံးထောင့် ရှိတယ်။ ထောင့်တစ်ခုစီမှာ အပူခုခံတဲ့ ဖန်အပိုင်းအစတစ်ခုစီကို အထူးပစ္စည်းအဖြစ် တွဲချည်ထားတယ်။ သူတို့က ပုံစံအမျိုးမျိုးရှိပြီးတော့ သီးခြားခွဲထုတ်နိုင်ပြီး အတူတကွထားနိုင်တယ်"
"သူတိုကို အတူတူထားလိုက်ရင် ဘာဖြစ်လာမှာလဲ" ဝမ်ကျန်းမေးတယ်။
ကျိုးမော့လီ ဖြေတယ်။ "ရေဆူပွက်စေပြီး ရေငွေ့နဲ့လွှမ်းစေရမယ်။ အပူခုခံတဲ့ပစ္စည်းက အပူချိန်တိုးလာတာနဲ့ ငါတို့သိချင်တာကို ထုတ်လုပ်ပေးလိမ့်မယ်"
NPC ရဲ့အမူအရာက ကြက်သေသေနေပြီး သူတွေးလိုက်မိတယ်။ "NPC ထပ်လုပ်ဖို့ ဘယ်သူမှ ငါ့ကို မဖိတ်ခေါ်တော့မှာ ငါ ကြောက်မိပါတယ်။ မဟုတ်ဘူး။ ဒီလိုမဖြစ်နိုင်ဘူး။ ငါ ကယ်တင်နိုင်သေးတယ်လို့ ထင်တယ်"
တည်ရှိမနေတဲ့ NPC က ဧည့်သည်တွေရှေ့မှာ သူရှိရမဲ့ အလေးပေးမှုကို ကယ်တင်ဖို့ဆုံးဖြတ်လိုက်တယ်။
သူက သူ့ရဲ့ သားမွှေးကုတ်ထဲက တစ်ခုခုကို ထုတ်ယူပြီး လုယန်ကို လက်နှစ်ဖက်နဲ့ ကမ်းပေးတယ်။ သူက ဆရာရဲ့ မေးခွန်းကို ဖြေနေတဲ့ ကျောင်းသားကောင်း တစ်ယောက်ထက်တောင် ပိုပြီး စိတ်အားထက်သန်နေတယ်။
"အစ်မကြီး ကျွန်တော့်မှာ မီးခြစ်ရှိတယ်"
လင်းရှင်းမုန့်နဲ့ ကျိုးမော့လီက ဆွံ့အသွားတယ်။
ဝမ်ကျန်းနဲ့ ချင်ယိထန်လဲ ဆွံ့အနေတယ်။
ပရိသတ်တွေနဲ့ ပရိုဂရမ်အဖွဲ့ရောပါပဲ။
"ဟားဟားဟား ငါ ရယ်ရတာ သေတော့မယ်။ လုယန်က NPC ကို သိမ်းသွင်းလိုက်တာလား"
"NPC က သင်္ဘောသား မဟုတ်တာ သနားစရာပဲ။ သူက လေနဲ့အတူ ရွက်လွှင့်လို့ အရမ်းကောင်းမှာ။ ပရိုဂရမ်အဖွဲ့က ဒါမြင်ရင် သွေးအန်ပြီး သေနေလောက်ပြီ"
"ငါ့မှာ ရှိတဲ့ မီးခြစ်ကလဲ ဒါနဲ့စတိုင်တူတယ်။ အရမ်းဈေးပေါတယ်။ တစ်ခုမှ တစ်ဒေါ်လာ ပြီးတော့ သုံးရတာ အရမ်းကောင်းတယ်"
YOU ARE READING
အစ်ကိုကြီးနဲ့အတူတူ ရှင်သန်ရေးဂိမ်းထဲ ဝင်ကစားမယ်
Actionဘာသာပြန်သူ - စွဲညို့အသင်း လုယန်က ကမ္ဘာပျက်ကပ်မှာတုန်းက ဘော့စ်ကြီးတစ်ယောက်။ နောက်တော့ သူ့ မူလကမ္ဘာကို ပြန်ရောက်လာတယ်။ မူလကမ္ဘာက ရှိုးအပေါ် အခြေပြုရေးသားထားတဲ့ ဝတ္ထုတစ်ပုဒ်မှန်း သိလိုက်ရတော့ သူ့အစ်ကိုကို ကယ်တင်ပေးဖို့ ဆုံးဖြတ်လိုက်ပြီး ရှိုးပွဲမှာ ပါဝ...
