I Need A Girl (Completed)

Chapter 51: Hold on to me

Inilapag nya ako sa sa isang mahabang kahoy na upuan. Tahimik syang tumayo. Akmang aalis na sya nang hawakan ko ang braso nya.

"Sandali.."

Halos pabulong lang iyon. Hindi ko magawang tumingin sa kanya. Nakita ko nalang na lumuhod ito upang makita ang mukha ko. Dahan dahan nyang inalis ang pakakapit ko sa braso nya at hinaplos ang mukha ko.

"I'll be back, I'll prepare the water para makaligo ka na. It's cold, baby. You'll get cold."

Napalunok ako. Naroon pa rin ang mahihina kong paghikbi dahil sa naging pag-iyak ko. Bago sya tuluyang tumayo ay hinalikan muna ako nito sa noo. Ilang sandali pa ay bumalik na ito dala ang isang tuwalya. Nanatili akong tahimik habang ipinupulupot nya iyon sa katawan ko. Inangat nya ako para akayin at alalayan tumayo.

Dinala nya ako sa banyo sa loob ng kwarto. Pumasok ako sa banyo at napansin kong mukhang susunod sya kaya pinigilan ko na.

"Ako na."

Tumango naman sya at lumayo.

Habang nasa loob ng banyo ay napansin kong handa na nga ang pampaligo ko. Mabilis akong naligo. Naalala kong wala nga pala akong dalang damit. Kaya lumabas ako ng banyo nang tanging tuwalya lang ang tapis. Nilapitan ko ang pinto ay mabilis iyon nilock. Nagbihis na rin ako kaagad. Basang basa pa ang buhok ko nang lumabas ako ng kwarto. Pagkabukas ko palang ng pinto ay naamoy ko agad ang mabangong amoy ng kape.

Nakita ko si Callie na lumalabas galing sa kusina hawak ang dalawang mug ng kape. Bihis na rin ito at mukhang nakaligo na. May tuwalya pang nakasabit sa balikat nya. Inilapag nya ang mug sa center table saka ako nilapitan.

"It's cold. Come on."

Napatingin ako sa kamay nyang humawak sa akin. Wala naman syang naging reaksyon at nagtuloy tuloy lang. Nakaramdam ako ng hiya sa di malamang dahilan. Siguro dahil kanina pa ako parang tanga na hindi nagsasalita. Pinaupos nya ako sa couch. Nagulat pa ako sa makapal na balabal na bigla nyang ipinatong sa likod ko. Inibot nya sa akin yung isang mug. Akala ko kanina ay parehong kape iyon pero mukhang tsokolate ang tinimpla nya para sa akin.

Humigop ako ng kaunti. Masarap iyon at talagang nakakakalma sa pakiramdam lalo na't malamig. Nakita kong umupo sya sa tabi ko.

"Are you feeling better?"

Nag-angat ako ng tingin sa kanya at tumango. Binaba ko ang tingin ko sa hawak kong mug. Muli kong napansin ang kumikinang na singsing sa daliri ko. Sumilip ako sa kamay ni Callie at nakita kong suot nya rin ang kapares ng suot ko.

"Bakit tayo nandito?"

Nakita ko pang bumukas ang bibig nya pero mabilis ko na itong naunahan. Bahagya syang pinanlakihan ng mga mata sa sinabi ko at nag-iwas ng tingin. Napailing ako at inilapag sa mesa ang mug ko. Napahawak ako nang mahigpit sa balabal.

"Bakit mo ako dinala dito?"

Inulit kong muli ang tanong ko at sa pagkakataong iyon ay may diin ang bawat salita ko. Bumalik ang tingin ng mga mata nya sa akin.

"Because it's my only choice."

"Hindi ba't tapos na, umalis ka na."