My Mystery Girl

The Prom

KAYZER’S POV

4:00pm pumasok ako sa dance studio kung saan nagaganap ang shooting ng VTR ng grupo nina Kiten. Inabutan ko pa si Jea na sumasayaw sa harap ng camera, sina Max at Toffy naman nakatayo sa gilid at pinapanuod sya.

“Okay lang kayo?”           nilapitan ko sina Max at Toffy.

“Oo naman hyung.”                        Sagot nila pero bakas pa din sa mga mukha nila ang pagod at pagkadismaya nang dahil sa nangyaring data loss.

Imagine sa halip na nagpapahinga na sila ngayon, heto sila nagrerecord ulit ng backing tracks at VTR.

Ano kasing kamalasan ang dumapo sa grupo nila at mga files pa nila ang nawala? That’s unlikely for the company na mawalan ng files. Yung mga recordings nga in the past years hanggang ngayon nasa database pa. And most of the time may mga back up files naman na prepared in case nga na may mga ganitong situations.

“Si Kiten?”          

Si Max ang nagturo sa akin ng direksyon kung nasaan sya.

There she is in the corner of the room. She’s sitting on the floor at nakatingin kay Jea but I bet lumilipad ang isip nya. Maya’t maya din nyang tinitingnan ang oras sa relo nya, halatang halata na hindi sya mapakali.

“Prom nila kasi mamaya hyung.”               Max.

“Prom?”

“Oo hyung, at kung hindi pa sya aalis ngayon baka hindi na sya umabot.”

Tumayo si Kiten and pick up her phone. Siguro si Jung ang kausap nya at hinahanap na sya nito. Obviously sya ang magiging date nya kasi sya ang boyfriend nya.

Hinahawi nya ang buhok nya nang paulit ulit habang nakikipagusap. Mannerism pa din talaga nya yun sa tuwing kinakabahan sya. Naupo syang muli at naihilamos ang mga kamay nya sa mukha nya. I can see how frustatred she is. No.I can’t bear seeing her like ths.

No matter how much I oppose the fact that she’s dating Zac, I have to help her be with him. I'm here to protect her di ba, hindi sya dapat nasasaktan or nahihirapan.

Pumunta ako sa multimedia room para icheck ang progress ng recording. Sakaling konti na lang ang kailangan gawin, ipapakiusap ko na bukas na lang ituloy. Gabi pa naman ang live show, may oras pa sila sa umaga para tapusin ang mga dapat tapusin.

Wala akong naabutang staff sa loob pero nakabukas ng mga pc. Naupo ako harap ng isa nito. Wala naman akong balak pakialaman ito pero nahagip ng paningin ko ang isa sa mga folder sa desktop. ‘JKTM W1 @ WE (for deletion)’ ang folder name. Initials yun ng grupo nina Kiten di ba?

I opened the folder and played one of the files. Teka, eto yung VTR ng grupo nina Kristen, the one they told us na nawala. It’s the final version already pati nga mga individual VTRs nila nandito rin. Lumipat ako ng computer and found the said lost backing tracks.