Aya's Confusion(Book 1)[Gxg]

48. The Sound of Defeat

“Ugh…” Aya groaned. Napatakip siya ng mukha habang ang nasa tabi naman niyang si Ivy ay napahagikhik.

Nakaupo sila sa sofa at parehong may nakapatong na pillow sa mga hita. Sa kamay ng kaibigan ay ang cellphone nito at may pinapanood na video.

“Aw…” Ivy cooed, “ain’t she sweet?”

Aya scoffed at her friend. Nag-trending lang naman kasi ang video nila ni Yuna sa social media. Halos hindi na tuloy siya makalabas ng bahay dahil sa embarrassment.

“Sweet?” yamot na turan ni Aya, “matinding kahihiyan ‘kamo ang binigay niya sa’kin.”

“Oh come on… aminin mo na lang na kinilig ka din sa ginawa niya,” ani Ivy na ibinaba na ang cellphone at nangalumbaba, “una, hinarana ka niya… tapos ito, nag-profess siya ng love sa harapan ng maraming tao… ano naman kaya ang susunod?”

“I don’t even want to know!” asar na asik ni Aya, “kahit kailan hindi na talaga ako lalabas ng bahay at magpapauto kay Mama.”  Pati pala ang magaling niyang ina ay kasabwat din nina Yuna. Paano pa ba naman malalaman ng mga ito kung nasaan siya.

“Wala na rin namang mawawala sa’yo, ‘di ba? Nalaman na din ng buong mundo ang tungkol sa inyong dalawa…” ang wika naman ni Ivy.

“Kahit pa!”

“Hindi mo pa rin talaga siya mapatawad?” tanong ni Ivy sa kaibigan.

“I don’t know,” Aya answered with a sigh.

“Pero ang haba ng hair mo ha… imagine, napagawa mo ‘yon kay Yuna? si Yuna? I still couldn’t believe it,” Ivy stated in amazement, “kung si Alexa siguro ang gagawa no’n hindi na ‘ko magtataka, pero si Yuna… hindi ko lubos-maisip.”

Bahagyang natigilan si Ivy nang biglang kumulimlim ang mga mata ni Aya. Na-guilty tuloy siya. She sighed. “She’s gone, Aya… tanggapin mo na.”

Napailing ng pagtutol si Aya. “Hindi ko pa rin… hindi ko pa rin talaga matanggap,” hirap niyang wika.

Hinaplos ni Ivy ang balikat ng kaibigan. “There’s nothing you can do about it. You should move on. Ibaling mo na ang atensyon mo sa mga bagay at mga taong nandito pa. Kung masyado mong ibabaon ang sarili mo diyan… baka hindi mo mamalayan, wala na pala silang lahat.”

Napatingin si Aya sa kaibigan. A sudden fear crossed her eyes but there was still some hesitation.

Tinapik ni Ivy ang mga kamay sa sariling mga hita. “Alam mo, kumain na lang tayo. Ubusin natin ‘tong mga dala-dala kong pagkain. Madami ‘to ah… pulos mga paborito mo lahat. Sabi kasi ni Tita Bel hindi ka raw nagkakakain,” aniyang binuksan na ang box ng pizza na nakapatong sa center table. Marami din siyang streetfoods na dala. Halos lahat yata ng klase ay binili niya. Maayos na nakasilid ang mga iyon sa mga paper-boxes.

Binuksan ni Aya ang isa sa mga box at biglang natigilan.

“Oh...” sambit ni Ivy. Ang nabuksan ni Aya ay box ng isaw. Nakalimutan niyang marami nga palang alaala ni Alexa ang nakakabit sa pagkaing iyon.