TILL FATE DO US PART (Fate Series #1)

KABANATA 50

-Is this the end of us?-

Hindi ko alam kung anong dapat kong maramdaman matapos ko makita ang litratong iyon. Litrato ng mahal ko na walang saplot kasama ang Eunice na iyon. Bigla na lang akong nanlambot at nanlamig sa mga nakita ko. Hindi ko rin namalayan ang pagtulo ng luha ko. Para akong paralisado na hindi na makagalaw sa kinauupuan ko habang nakatitig sa litratong iyon.

Hindi ko matanggap na kaya nyang gawin sa akin to. Mahal ko sya eh. Mahal na mahal. Dahil sa litratong yun, gumuho lahat ng mga pangarap ko para sa amin.

Lubha niya akong sinaktan dahil doon.

"Honey, bakit mo nagawa sakin to?" paulit ulit kong sambit habang patuloy na tumutulo ang mga luha sa aking mata.

Hindi ko kayang makita si Vaughn na may kasamang iba. Sumumpa kami sa isa't isa na kami ang magsasama habang buhay. Sya na ang dahilan kung bakit pinipili ko pa ring mabuhay sa mundong ito kasi sya na ang buhay ko.

***************FLASHBACK***************

1ST MONTHSARY

"Kapag ba dumating ang araw na nagsawa kana sa akin, iiwan mo ba ako?" tanong ko sa kanya habang nakasandal sa dibdib niya, nakayakap naman siya sa akin.

"Ha? Bakit naman ako magsasawa?" halatang nagulat siya sa naitanong ko.

"What if lang naman"

"Liligawan kita ulit"

"Eh nagsawa kana nga. Pili ka, iiwan mo ako o maghahanap ka nalang nang iba kahit na tayo pa" hindi ko rin alam kung bakit ko natanong ito.

"Ano ba naman yan, honey?"

"Ano nga?"

"Iiwan nalang kita"

"Bakit?"

"Kaysa naman saktan pa kita lalo" narinig ko sa boses niya ang konting inis.

Nanahimik ako, hindi ko kasi alam ang pakiramdam ng maiwan..kasi niloko ako noon pero ako nang-iwan. Masakit ata ang maiwan?

"Huwag mo nang iisipin ulit yan, dahil hinding-hindi kita lolokohin. At tandaan mo na hindi ako magsasawa sayo"

Niyakap ko sya ng mahigpit at bigla kong narinig muli ang malambing nyang boses makalipas ang ilang minutong katahimikan.

"This day, sumusumpa ako saksi ang buwan at ang mga bituin, na ikaw lamang ang mamahalin ko at makakasama ko habang buhay. Kaya honey..."

"Hmm?"

"W-Will.."

"Will?"

"Uuhmm. Hehe" napakamot sya sa ulo sabay ngiti.

"Ano yun honey? Hiya ka pa eh"

"Will you spend the rest of your life with me?" habang hawak ang kamay ko at humarap sa akin.

O______O

Bumilis ang tibok ng puso ko sa mga tanong nya. Nararamdaman ko rin na umiinit ang mukha ko. Lalong bumilis ang tibok ng puso ko sa mga titig nya.

"YES!" sambit ko sabay titig sa mga mata nya

"Talaga?" halatang hindi sya makapaniwala