ဆရာဝန်ပေါက်စတစ်သိုက်ရဲ့သတင်းဖြန့်မှု့ မြန်ဆန်ခြင်းကြောင့် မဟာနဲ့အတူယွန်းလေးပါလာကြောင်းအကုန်သိသွားကြကာ ၊ မဟာ့ရုံးခန်းတွင် ယွန်းလေးအတွက်ဝယ်လာပေးသော မုန့်များနှင့်ပြည့်နေသည် ။
အရင်က ထွန်းအောင်နဲ့လည်းလာဖူးပေမယ့် ထွန်းအောင်က ယွန်းလေးအနားဘယ်သူ့ကိုမှအကပ်မခံတာကြောင့် ယွန်းလေးလည်း ရုံးခန်းထဲထိုင်ပဲထိုင်နေခဲ့ရသလို ၊ ယွန်းလေးကို ချစ်လို့ တွေ့ချင်နေတဲ့ဝန်ထမ်းတွေလည်းမတွေ့ကြရ ။
"ဝါး များကြီးပဲရော"
စာပွဲပေါ်ရှိ မုန့်ထုပ်များကိုကြည့်ရင်းယွန်းလေးက အံ့သြစွာဆိုလာသည် ။
"ဟုတ်ပါ့နော် daddyတို့အပြန်ကျရင် ကားပေါ်အပြည့်ဖြစ်နေတော့မှာ"
"ဖေဖေကဆူတော့မှာပဲ"
"ဘာလို့လဲ"
"ဖေဖေကသူများပေးတာ မစားရဘူးတဲ့ ၊ မုန့်တွေကများကြီး ယွန်းနဲ့မတည့်တာပါလာရင် ဖေဖေကဆူမှာ"
တုနှိုင်းမောင်ဆူမှာစိုးလို့ပြောနေသည့်ပုံစံလေးက အသဲယားစရာကောင်းတာမလို့ မဟာ ယွန်းလေးရဲ့ပါးလေးအားကိုင်လျက် ။
"ဖေဖေကို အဒီလောက်တောင်ကြောက်တာလား"
"ကြောက်တယ် ၊ ယွန်းကြောင့်ဖေဖေစိတ်ရှုပ်ရမှာကိုကြောက်တာ"
"ယွန်းက သမီးလိမ္မာလေးပဲနော်အကို"
"အင်း"
ချိန်းက မဟာနဲ့ယွန်းလေးပြောနေတာကို နားထောင်ရင်း ဝင်ပြောတော့ ၊ မဟာက ယွန်းလေးကိုကြည့်နေလျက်ပင် ခေါင်းငြိမ့်ပြသည် ။
"ယွန်းလေး ဗိုက်ဆာပြီလား"
"daddyရော"
"1နာရီတောင်ထိုးတော့မယ် daddyတို့သွားစားကြရအောင်လေ"
"ဟုတ်"
"အာ ချိန်း မင်းလည်းမစားရသေးဘူးမလား လိုက်ခဲ့မလား"
"ဟုတ်အကို ကောင်းသားပဲ ၊ ဦးလိုက်ခဲ့လို့ရတယ်မလား ယွန်း"
မဟာ့ကိုဖြေပြီး ချိန်းက ယွန်းလေးကိုလှည့်မေးတော့ ယွန်းလေးက မဟာ့ကိုတစ်လှည့် ချိန်းကိုတစ်လှည့်ကြည့်ကာ ခေါင်းငြိမ့်ပြသည် ။
YOU ARE READING
Inversely Proportional(ပြောင်းပြန်အချိုးကျခဲ့သော)-Complete
Romanceယံုၾကည္မႈကလည္းအခ်စ္ နားလည္မႈကလည္းအခ်စ္ ေပးဆပ္မႈကလည္းအခ်စ္ ခြင့္လြတ္မႈကလည္းအခ်စ္ ဟု ဆိုခဲ့ေသာ္ ေျပာင္းျပန္အခ်ိဳးက်ခဲ့တဲ့ခ်စ္ျခင္းတစ္ခုရဲ႕ အဆံုးသတ္က ဘယ္လိုျဖစ္မလဲ? . . . . . ယုံကြည်မှုကလည်းအချစ် နားလည်မှုကလည်းအချစ် ပေးဆပ်မှုကလည်းအချစ် ခွင့်လွတ်မှုကလည်...