မဟာအိမ်ပြန်ရောက်တော့ အိမ်ထဲဝင်ဝင်ချင်းချင်း ကြားလိုက်ရတဲ့ ကလေးငယ်ရဲ့ ရယ်သံလေး ၊ ထိုအသံလေးကြောင့် မဟာနှုတ်ခမ်းလေးလှုပ်ရုံပြုံးလိုက်မိသည် ။
ဘာတွေသဘောကျနေပြန်လဲမသိ? ။
အထဲဝင်ရင်း အသံလာရာ ဧည့်ခန်းထဲဘက်လှမ်းကြည့်လိုက်တော့ တုနှိုင်းမောင်ပြန်ရောက်နေလေပြီ ။ ကလေးငယ်လေးနဲ့အတူဆော့နေကြပြီး ရယ်နေကြတာ ။
"ဖေဖေ ယွန်းနိုင်ပြန်ပြီ"
"သဲငယ်လေးက တော်တာကို"
ဆိုဖာခုံရှည်ထက် ကလေးငယ်သည် တုနှိုင်းမောင်ရင်ခွင်ထဲထိုင်ကာ အတူဂိမ်းဆော့နေကြတာထင်သည် ။
"ခ်ခ် ဖေဖေရှုံးပြန်ပြီ"
"ဟုတ်ပါ့ဗျာ"
မဟာ အပေါ်မတက်မိသေးဘဲ ထိုနားလေးမှာပင်ရပ်လျက် ကြည့်နေခဲ့မိသည် ။
"ယွန်းလေးရေ ထမင်းစားရအောင်"
ထမင်းစားခန်းထဲမှ အော်ကာထွက်လာသော ထွန်းအောင်သည် မဟာကိုမြင်တော့ ရပ်သွားကာ
"ပြန်လာတာစောသားပဲ"
"အင်း.."
"ညစာစားပြီးပြီလား"
"မစားရသေးဘူး"
"တစ်ခါထဲဝင်စားမလား"
"ငါ."
"ယွန်းလာပြီ..."
မဟာပြန်ဖြေမလို့ရှိသေး အခန်းထဲမှပြေးထွက်လာသော ယွန်းလေးကိုမြင်တော့ စကားတို့တန့်သွားရသည် ။ ယွန်းလေးကတော့ မဟာ့ကို မြင်တာနဲ့ ပြုံးရယ်သွားပြီး မဟာ့လက်ကလေးကိုလာကိုင်ကာ
"daddy ပြန်လာပြီ "
နှုတ်ဆက်လာသော ကလေးငယ်လေးအား မဟာခေါင်းအသာပြန်ငြိမ့်ပြလိုက်သည် ။ တုနှိုင်းမောင်ကတော့ ယွန်းလေးနောက်နားမှာရပ်နေပြီး မည်သည့်စကားမှဝင်မပြော ။
"daddy ထမင်းစားပြီးပြီလား"
ကလေးငယ်လေးထပ်မေးတော့ မဟာခေါင်းရမ်းပြလိုက်ကာ ၊ အပေါ်သွားတော့မည်ဟုပြောမလို့တွေးလိုက်ရုံရှိသေး ။
"daddy ယွန်းတို့နဲ့အတူထမင်းစားမလား"
"ဟမ်"
YOU ARE READING
Inversely Proportional(ပြောင်းပြန်အချိုးကျခဲ့သော)-Complete
Romanceယံုၾကည္မႈကလည္းအခ်စ္ နားလည္မႈကလည္းအခ်စ္ ေပးဆပ္မႈကလည္းအခ်စ္ ခြင့္လြတ္မႈကလည္းအခ်စ္ ဟု ဆိုခဲ့ေသာ္ ေျပာင္းျပန္အခ်ိဳးက်ခဲ့တဲ့ခ်စ္ျခင္းတစ္ခုရဲ႕ အဆံုးသတ္က ဘယ္လိုျဖစ္မလဲ? . . . . . ယုံကြည်မှုကလည်းအချစ် နားလည်မှုကလည်းအချစ် ပေးဆပ်မှုကလည်းအချစ် ခွင့်လွတ်မှုကလည်...