မဟာရေချိုးပြီးအဝတ်စားလဲပြီးသည်အထိ ကလေးငယ်လေးက အိပ်ယာထက်ကမထသေး ၊ မဟာထားပေးထားတဲ့ ခေါင်းအုံးလေးကို ပိုတိုးလို့ဖက်အိပ်နေလေရဲ့ ။
8နာရီပင် ထိုးတော့မည်မလို့ ကျောင်းသွားရန် နှိုးရမည်ဟုသိသော်လည်း ၊ နှစ်ခြိုက်စွာ အိပ်ပျော်နေသည်မလို့ မနှိုးရက်ဘူး ။
မဟာကုတင်ဘေးထိုင်နေရင်း ရဲထက်ဆီသို့ အလုပ်ကိစ္စအတွက် massage ပို့နေလိုက်သည် ။ ခါးထက်သွယ်ယှက်လာတဲ့လက်သေးသေးလေးကြောင့် လန့်သွားရုံရှိသေး ၊ သူ၏ပေါင်အားခေါင်းအုံသဖွယ်ပြုလာပြန်တဲ့ ကလေးငယ်လေးကြောင့် မဟာသဘောကျစွာ ပြုံးရယ်မိသွားသည် ။
မှတ်မိသလောက် ပြီးခဲ့တဲ့နှစ်တွေမှာ ဒီလိုပြုံးရယ်ခြင်းမျိုး မရှိခဲ့တာ အတော်ကြာပြီပဲ ။
"ဝါး...daddyရယ်လိုက်တာ ချစ်စရာလေး"
"ဟင်"
ပြန်အိပ်ဦးမလို့တွေးထားတဲ့ ယွန်းငယ်သည် ၊ အမှတ်မထင်မြင်လိုက်ရတဲ့ မဟာ့အပြုံးလေးကြောင့် မျက်ဝန်းလေးတွေ တောက်ပသွားရသည် ။
"အိပ်ရေးမဝသေးဘူးလား"
"ဝပြီ"
"အဒါဘာလို့မထသေးတာလဲ"
"daddyနဲ့အတူရှိချင်လို့ သဘောကျလို့"
"ကျောင်းသွားရမှာမလား"
"ဟုတ် ၊ အာ မနက်ရောက်ပြီဆိုတော့ ဖေဖေပြန်ရောက်နေပြီထင်တယ်"
ပြောရင်းနဲ့ ထကာထွက်သွားဖို့ပြင်လိုက်တဲ့ ကလေးငယ်ရဲ့လက်ကလေးအား လှမ်းဆွဲထားလျက် ။
"ဟို ဖေဖေက အလုပ်သွားပြီ"
"အလုပ်သွားပြီ?"
"အင်း အလုပ်များနေလို့တဲ့"
"ယွန်းနိုးတာကိုတောင် မစောင့်ဘဲလား"
အစောကတင်ပြုံးရယ်နေခဲ့တဲ့ကလေးငယ်လေးက ယခုမျက်နှာလေးညိုးကျသွားတာကြောင့် ၊ မဟာအလျင်အမြန်ပင် ကလေးငယ်ရှေ့ ဒူးထောက်ထိုင်လိုက်ပြီး ။
"မငိုနဲ့နော် ဖေဖေကတကယ်ကိုအလုပ်များနေလို့ပါ"
"ဖေဖေက ယွန်းကိုမထားခဲ့ဖူးဘူး"
YOU ARE READING
Inversely Proportional(ပြောင်းပြန်အချိုးကျခဲ့သော)-Complete
Romanceယံုၾကည္မႈကလည္းအခ်စ္ နားလည္မႈကလည္းအခ်စ္ ေပးဆပ္မႈကလည္းအခ်စ္ ခြင့္လြတ္မႈကလည္းအခ်စ္ ဟု ဆိုခဲ့ေသာ္ ေျပာင္းျပန္အခ်ိဳးက်ခဲ့တဲ့ခ်စ္ျခင္းတစ္ခုရဲ႕ အဆံုးသတ္က ဘယ္လိုျဖစ္မလဲ? . . . . . ယုံကြည်မှုကလည်းအချစ် နားလည်မှုကလည်းအချစ် ပေးဆပ်မှုကလည်းအချစ် ခွင့်လွတ်မှုကလည်...
