တိတ်ဆိတ်လှသောအခန်းလေးထဲ မွေ့ရာထက်လှဲလှောင်းနေရင်း ၊ မဟာ အပြင်ဘက်က တဖွဲဖွဲကျနေသော မိုးစက်တို့ကိုကြည့်နေသည် ။
ဒီနေ့နဲ့ဆို ဆေးရုံကဆင်းလာတာတစ်ပတ်ကျော်ပင်ရှိပြီ ၊ ထို့အတူ အခန်းအပြင်မထွက်တာလည်း တစ်ပတ်ကျော်ပင် ။
ဒေါက် ဒေါက်
အခန်းတံခါးခေါက်သံကြောင့် မဟာ ထထိုင်လိုက်ရင်း ။
"ဝင်ခဲ့"
စာအိတ်ကြီးတစ်ခုကို ကိုင်လျက်ဝင်လာသော အန်တီမြ
"အကိုလေးနာမည်နဲ့ ဒါလေးရောက်လို့"
"အော် အင်း ပေး"
မဟာ အန်တီမြကမ်းပေးလာသော စာအိတ်ကိုလှမ်းယူလျက် ချက်ချင်းဖောက်လိုက်သည် ။ အန်တီမြကတော့ ထွက်သွားလေပြီ ။
သူ Australia သွားရန် သဘောတူစာချုပ်နဲ့ အချက်အလက်တွေ ၊ အနည်းဆုံး ၃ နှစ် ၊ စာရွက်တို့ကို သေချာစစ်ဖတ်ပြီးတော့ မဟာဖုန်းနံပါတ်တစ်ခုကိုခေါ်ကာ ။
"အေး ငါ"
"ဟုတ်ကဲ့ CEO"
"အကုန်ပြီးဖို့ ဘယ်လောက်လိုလဲ"
"တစ်ပတ်လောက်ပါပဲဗျ"
"Ok"
ဖုန်းချလိုက်ရင်း မဟာသူဆွဲလက်စပန်းချီကားနားကို ထသွားလိုက်သည် ။ ကလေးကိုခွဲစိတ်ပေးတဲ့ဆရာဝန်တွေရဲ့ ထက်မြတ်မှုကြောင့် နာကျင်မှုသိပ်မရှိ ၊ တစ်ခါတစ်ခါအနည်းငယ်သာနာတတ်သည် ။
ပိတ်စအဖြူနှင့်အုပ်ထားသော ပန်းချီကားချပ်လေးမှ ပိတ်စကိုဖယ်ချရင်း ခုံပေါ်မှာထိုင်လိုက်သည် ၊ ဒါလေးလက်စသတ်ဖို့လိုတယ် ။
မည်သည့်ဆေးသားမှမသုံးပဲ ခဲသားသက်သက်ကြည့်နဲ့သာဆွဲထားသောပုံလေးသည် လူတစ်ယောက်ရဲ့ပုံစံ ၊ ဆွဲနေသည်မှာလည်း ခေါင်းအစခြေအဆုံးမလို့ အသေးစိတ်ကျလွန်းသည် ၊ တစ်ခုပဲ ထိုပုံမှာ မျက်နှာမပါဘူး ။
ပျက်ဆီးသွားတဲ့ယုံကြည်မှုတွေနဲ့ နာကျင်စေတဲ့ချစ်ခြင်းမေတ္တာကို ၊ သူအပြည့်အဝ ဥပေက္ခပြုပြုနိုင်ဖို့ ကြိုးစားနေသည် ။
တစ်ချက်တစ်ချက်ကြားရတဲ့ ကလေးငိုသံလေးတွေမှာ သူနားကြပ်နဲ့သီချင်းနားထောင်နေလိုက်သည် ။ ဒါသည်လည်း သူ့ကလေးပဲဆိုတာ မသိစိတ်က သိနေသော်လည်း ၊ စွဲနေတဲ့စိတ်ထဲမှာ သူ့ကလေးဆိုတဲ့ ယွန်းလေးသည် ၊ အဖြူရောင် carnation ပန်းပင်လေးတွေ ကြားပျောက်ဆုံး သေဆုံးသွားပြီ ။
YOU ARE READING
Inversely Proportional(ပြောင်းပြန်အချိုးကျခဲ့သော)-Complete
Romanceယံုၾကည္မႈကလည္းအခ်စ္ နားလည္မႈကလည္းအခ်စ္ ေပးဆပ္မႈကလည္းအခ်စ္ ခြင့္လြတ္မႈကလည္းအခ်စ္ ဟု ဆိုခဲ့ေသာ္ ေျပာင္းျပန္အခ်ိဳးက်ခဲ့တဲ့ခ်စ္ျခင္းတစ္ခုရဲ႕ အဆံုးသတ္က ဘယ္လိုျဖစ္မလဲ? . . . . . ယုံကြည်မှုကလည်းအချစ် နားလည်မှုကလည်းအချစ် ပေးဆပ်မှုကလည်းအချစ် ခွင့်လွတ်မှုကလည်...