နေ့ရက်တွေက တိတ်ဆိတ်လွန်းနေတယ်
အချိန်တွေက နှေးလွန်းနေတယ်
တစ်မိနစ်မှာ စက္ကန့်ခြောက်ဆယ်ထက်ပိုကြာနေတာလား ။
တစ်နာရီကို မိနစ်ခြောက်ဆယ်ထက် ပိုနေခဲ့တာလား ။ကားချပ်ပေါ်ပြေးလွှားနေတဲ့လက်ကလေးတွေက စိတ်ရဲ့စေလိုရာတဲ့ ၊ အဲ့ဒါဆို အရောင်တွေကြည့်သာ စပ်ဆွဲနေခဲ့တာ ကျွန်တော်ရဲ့စိတ်ပေါ့ ထူးဆန်းလှပါဘိ ။
ကားချပ်တစ်ခုကို အဆုံးသတ်လိုက်ရင်း အတွေးက ကျွန်တော့်ကို တစ်ပတ်လုံး မဆက်သွယ်ခဲ့တဲ့ ထွန်းအောင်ကို သတိရသွားတာကြောင့် ဘေးမှာချထားတဲ့ ဖုန်းကိုယူပြီး ဆက်လိုက်တော့ သုံးကြိမ်မြောက်မှဖုန်းကိုက်သည် ။
"မင်းအလုပ်များနေတာလား"
"ဟို...ကိုမဟာမြတ်သူလားရှင့်"
ဖုန်းကိုင်တာ ထွန်းအောင်မဟုတ်ဘဲ မိန်းကလေးတစ်ဦးအသံဖြစ်တာကြောင့် အံ့သြသွားတာထက် စိုးရိမ်သွားကာ
"ဟုတ်ကဲ့"
"Drထွန်းအောင်က အိပ်နေလို့ရှင့်"
"နေမကောင်းဘူးလား"
"ဟုတ် ကိုမဟာမြတ်သူဖုန်းလာရင် နှိုးပေးပါလို့ပြောပေမယ့် အစောကမှဂျူတီပြီးလို့ နားတာမလို့"
"ရတယ် မနှိုးနဲ့ သူအခုဘယ်မှာလဲ"
"ဆေးရုံမှာပဲ"
"အင်း ဟုတ်ပြီ"
"ဟုတ်ကဲ့ရှင့်"
ဖုန်းချလိုက်ပြီးတာနဲ့ ဒေါသဖြစ်လာရသည် ။ အဒီကောင်ကလေ ကျွန်တော်ဖျားလို့သူ့ကိုမပြောရင်စိတ်ဆိုးတယ် ၊ သူဖျားရင်တော့ဘယ်တော့မှ အသိမပေးဘူး ။
သူ့မှာစောင့်ရှောက်ပေးမယ့်သူပေါတယ်တဲ့လေ တအားကြွားတာပဲ ၊ မဟုတ်ဘူး ။ တကယ်ကသူကြွားတာမဟုတ်ဘူး ၊ အမှန်ပြောနေတာ အမှန်တရားကနာကျင်ရတာမလို့ သူ့ကိုကြွားတယ်လို့ပြန်ရန်တွေ့နေခဲ့တာ ။
ထွန်းအောင်အတွက် စားစရာပြင်ဆင်ကာ အဝတ်စားလဲပြီး Taxi ခေါ်ကာထွန်းအောင်ရှိတဲ့ဆေးရုံဆီထွက်ခဲ့လိုက်သည် ။
မောင် အိမ်ပြန်မလာတာ ၂ ရက်ရှိပြီဆိုတော့ ခရီးသွားတာပဲထင်ပါရဲ့ ။ အခုတစ်လော မောင်ဘယ်သွားလဲဆိုတာကိုလည်း ကျွန်တော် ကိုမင်းထိုက်ဆီမမေးမိတော့ဘူး ၊ ဒီအတိုင်းပဲနေတက်လာခဲ့တယ် သူဘယ်သွားလဲဆိုတာသိတော့ရော ကျွန်တော်အတွက်ဘာထူးသွားမှာမလို့လဲ ။
YOU ARE READING
Inversely Proportional(ပြောင်းပြန်အချိုးကျခဲ့သော)-Complete
Romanceယံုၾကည္မႈကလည္းအခ်စ္ နားလည္မႈကလည္းအခ်စ္ ေပးဆပ္မႈကလည္းအခ်စ္ ခြင့္လြတ္မႈကလည္းအခ်စ္ ဟု ဆိုခဲ့ေသာ္ ေျပာင္းျပန္အခ်ိဳးက်ခဲ့တဲ့ခ်စ္ျခင္းတစ္ခုရဲ႕ အဆံုးသတ္က ဘယ္လိုျဖစ္မလဲ? . . . . . ယုံကြည်မှုကလည်းအချစ် နားလည်မှုကလည်းအချစ် ပေးဆပ်မှုကလည်းအချစ် ခွင့်လွတ်မှုကလည်...