အချိန်အားဖြင့် နေ့လည် ၁၁ နာရီကျော်
ရာသီဥတုက အနည်းငယ် အုံ့မိုင်းမိုင်းလေးဖြစ်နေပေမယ့် သာယာနေသလိုပင် ။ ဒီနေ့သမီးလေးလည်းကျောင်းနားရက် ။
နေ့လည်စာစားပြီး သူမကိုအဝတ်စားလဲ ပြင်ဆင်ပေးနေသော ဖခင်ကို သူမသေချာလိုက်ကြည့်နေပေမယ့် ၊ ညကထပ်တလဲလဲပေးထားရတဲ့ကတိတွေအတိုင်းမလို့ ဘာမှမမေးဘဲငြိမ်နေသည် ။
ယွန်းလေးသည် ပန်းရောင်ဂါဝန်လေးဝတ်ထားပြီး ဂုတ်ထိဝဲကျနေသော ဆံပင်လေးကို ထိုအတိုင်းလေးပင်ချလျက် ၊ ခေါင်းမှာ ဖဲပြားဆံကုပ်ပန်းရောင်လေးသာတပ်ထားသည် ။ ထို့အတူကြိုးသိုင်းဖိနပ်ပန်းရောင်လေးက ဂါဝန်နဲ့လိုက်ဖက်စွာ ။
"ပြီးပြီ လာ ဖေဖေချီမယ်"
"ဖေဖေ ယွန်းလှလား"
"ဖေဖေ့ယွန်းလေးက လှတာတင်ဘယ်ကမလဲ ချစ်စရာပါကောင်းတာ"
"ချချ"
"မွှေးနေတာပဲကွာ"
တုနှိုင်းမောင်က သနပ်ခါးပါးပါးလေးနဲ့ ပါးလေးကို မွှေးကြူလိုက်ရင်း ပြောတော့ ၊ ယွန်းလေးရဲ့လက်သေးသေးလေးတွေက တုနှိုင်းမောင်ပခုံးကိုဖက်လျက် ပါးထက်နှုတ်ခမ်းသေးသေးလေးနဲ့ဖိကပ်လာသည် ။
"မွ"
"တစ်ခါထဲလား ဒီဘက်ပါးရော"
"ဖေဖေ လူလည် မွ"
"နဖူးလေးကျန်သေးတယ်"
"နဖူးလေးကိုလည်း မွ"
"Ok အားရှိသွားပြီ"
"ယွန်းကအားဆေးလေး"
"ဒါပေါ့ ဖေ့ဖေ့ရဲ့ အောင်စီဂျင်လေး"
တုနှိုင်းမောင်က သမီးလေးကိုဧည့်ခန်းထဲထိချီလာရင်းမှ ခုံလေးပေါ်ချကာ ထိုင်စေသည် ။ တစ်ဖက်က ခုံမှာသူတို့ကိုစောင့်နေဟန်ရှိတဲ့ ထွန်းအောင်ကတော့ တုနှိုင်းမောင်ကိုမေးချင်နေတဲ့မေးခွန်းတွေကို အောင့်အီးထားရပုံ ။
"ခဏလေးစောင့် နောက်ငါးမိနစ်လောက်ပဲ"
"ဘာလဲကွာ"
"နှိုင်း!"
သူတို့ပြောနေရင်းမှာပင် ဝင်လာတဲ့ မင်းထိုက်က ယွန်းလေးဘေးဝင်ထိုက်လျက် ။
YOU ARE READING
Inversely Proportional(ပြောင်းပြန်အချိုးကျခဲ့သော)-Complete
Romanceယံုၾကည္မႈကလည္းအခ်စ္ နားလည္မႈကလည္းအခ်စ္ ေပးဆပ္မႈကလည္းအခ်စ္ ခြင့္လြတ္မႈကလည္းအခ်စ္ ဟု ဆိုခဲ့ေသာ္ ေျပာင္းျပန္အခ်ိဳးက်ခဲ့တဲ့ခ်စ္ျခင္းတစ္ခုရဲ႕ အဆံုးသတ္က ဘယ္လိုျဖစ္မလဲ? . . . . . ယုံကြည်မှုကလည်းအချစ် နားလည်မှုကလည်းအချစ် ပေးဆပ်မှုကလည်းအချစ် ခွင့်လွတ်မှုကလည်...
