ဒီနေ့မှာ အလင်းသစ်ဆေးရုံရဲ့ လူနာခန်းတစ်ခုထဲ မဟာနဲ့ချိန်း ရောက်နေကြသည် ။ မဟာရှာတွေ့ခဲ့တဲ့ ချိန်းရဲ့မိခင်သည် ကျန်းမာရေးမကောင်းတာကြောင့် အခြားဆေးရုံတစ်ခုမှာ တက်နေရတာမလို့ မဟာက အလင်းသစ်ဆေးရုံကိုပြောင်းစေခဲ့တာ ။
"အကို မာမီသက်သာမှာပါနော်"
ချိန်းက လူနာကုတင်ဘေးမှာထိုင်ရင်း မိခင်ရဲ့လက်ကလေးကိုဆုပ်ကိုင်ကာ ဆိုလာသည် ၊ မဟာကတော့ ဘေးနားမှာမက်တပ်ရပ်နေသည် ။
"အင်း သက်သာမှာပါ ချိန်းရဲ့ ၊ ဆေးစစ်ချက်အရ စိုးရိမ်စရာဘာမှမရှိပါဘူး"
"ကျွန်တော် ဒီလိုပုံစံနဲ့တွေ့ချင်ခဲ့တာမဟုတ်ဘူး"
မဟာ့ကိုယ်လေးကို မှီလျက်ဆိုလာသော ချိန်းကို မဟာပခုံးလေးအသာပုတ်ပေးရင်း နှစ်သိမ့်ပေးလိုက်သည် ။
"ကိုယ် စောင့်ရှောက်ပေးဖို့ Nurse ခေါ်ထားတာပေးတယ်"
"အင်း"
"ဒီမှာခဏနေခဲ့ဦးနော် ကိုယ်အလုပ်ကိစ္စလေးပြောစရာရှိလို့ သွားလိုက်ဦးမယ်"
"ဟုတ် အကို"
မဟာလည်း အလုပ်ရှိသေးတာကြောင့် ထွက်ခဲ့လိုက်သည် ။ မဟာထွက်သွားတာနဲ့ ချိန်း ထိုနေရာတွင်ထိုင်နေရာမှ ထလိုက်ကာ စက်တီခုံပေါ်ပြောင်းထိုင်လိုက်သည် ။
"ခင်ဗျား ဒီမှာရသလောက်အချိန်ဆွဲပြီးနေပါ"
ချိန်းရဲ့ အေးစက်စက်ထွက်ပေါ်လာတဲ့ စကားသံအဆုံး ကုတင်ပေါ်မှ ထိုအမျိုးသမီးက ထထိုင်လာသည် ။
"ဟုတ်ကဲ့"
"တစ်ခုခုမှားသွားရင် ခင်ဗျားအသက်ရှင်မယ်မထင်လိုက်နဲ့ အလုပ်ကိုသေချာလုပ်"
"ဟုတ်ကဲ့ပါရှင့်"
Ring...
ဖုန်းမြည်တာကြောင့် ချိန်းချက်ချင်းပင် ကိုင်လိုက်သည် ။
"သခင်လေး ဟိုလူ သတင်းရသွားတဲ့ပုံပဲ"
"ဘာပြောတယ်"
"ကျွန်တော်တို့တောင်းပန်ပါတယ်"
"မင်းတို့အဒီလောက်တောင် စောက်သုံးမကျဘူးလား"
YOU ARE READING
Inversely Proportional(ပြောင်းပြန်အချိုးကျခဲ့သော)-Complete
Romanceယံုၾကည္မႈကလည္းအခ်စ္ နားလည္မႈကလည္းအခ်စ္ ေပးဆပ္မႈကလည္းအခ်စ္ ခြင့္လြတ္မႈကလည္းအခ်စ္ ဟု ဆိုခဲ့ေသာ္ ေျပာင္းျပန္အခ်ိဳးက်ခဲ့တဲ့ခ်စ္ျခင္းတစ္ခုရဲ႕ အဆံုးသတ္က ဘယ္လိုျဖစ္မလဲ? . . . . . ယုံကြည်မှုကလည်းအချစ် နားလည်မှုကလည်းအချစ် ပေးဆပ်မှုကလည်းအချစ် ခွင့်လွတ်မှုကလည်...