ဒါလေးက စာအုပ်လေးမှာသာပါတဲ့ အပိုင်းပိုလေး။ 1M အမှတ်တရအနေနဲ့ ဒီမှာလာတင်ပေးတာပါ။
ချစ်ပေးကြတဲ့ တစ်ယောက်ချင်းစီတိုင်းကို ကျေးဇူးအများကြီးတင်ပါတယ်နော် ❣Extra - 4
အချိန်အားဖြင့် မနက် ၆ နာရီ
ခြေသံသေးသေးလေးနဲ့ တဒုန်းဒုန်းပြေးလွှားနေသံလေးက နားထဲတိုးဝင်လာသည် ။ ဘယ်သူ့အသံလဲဆိုတာတွေးစရာပင်မလို နေ့နေ့ညညပတ်မွှေနေတာ တစ်ဦးတည်းသာရှိသည် ။
ဒီနေ့လည်း ဟိုပြေးဒီပြေးနဲ့ ဘာတွေလုပ်နေသည်မသိ ။
မထချင်သေးတာကြောင့်ဖက်ထားပေးသော ရင်ခွင်ခပ်နွေးနွေးထဲ တိုးဝင်မိတော့ ပိုတိုးဖက်ပေးလာသည် ။
"အေးနေလား အချစ်"
"ဟင့်အင်း၊ ရှင်းလေးဘာတွေလုပ်နေပြန်လဲမသိ"
"အင်း မနိုင်စိန်လေး"
"ဒါနဲ့ မောင် အစည်းဝေးရှိတာဘယ်အချိန်လဲ"
"၁၀နာရီမှ သားနဲ့သမီးကို ကျောင်းပို့ပြီးအေးဆေး"
"အင်း"
ရင်ခွင်ထဲက ကိုယ်လုံးလေးဆီမှ အနွေးငွေ့လေးခံစားမိတာကြောင့် ၊ တုနှိုင်းမောင်က မဟာ့နဖူးလေးထက် လက်ကလေးချက်ချင်းရောက်သွားသည် ။
"အချစ် နေလို့မကောင်းဘူးလား"
"ကောင်းပါတယ် ၊ ခေါင်းနည်းနည်းကိုက်တာ"
"အဲ့ဒါဆို မောင်ပဲကျောင်းပို့ဖို့လုပ်လိုက်မယ် ၊ အချစ်နားနေလိုက်တော့နော်"
"ရပါတယ်ဆို ငါလည်းလိုက်မှာ"
"ခေါင်းကိုက်နေတာ နားလိုက်ပါလား အချစ်ရယ်"
"ခေါင်းကိုက်မှာပေါ့ ငါအိပ်ရေးမှ မဝသေးတာ ၊ အဲ့ဒါဘယ်သူ့ကြောင့်တုန်း!"
မဟာ စိတ်မကြည်တော့စွာ မော့ကြည့်ရင်းဆိုတော့ တုနှိုင်းမောင်က ပြုံးစိစိလုပ်ကာ
"မောင်ကြောင့်ပါ မောင့်ကြောင့်"
နဖူးလေးထက် အနမ်းခြွေရင်းပြောလာသော စကားအား မဟာက လက်မောင်းကို ဖြန်းခနဲချလျက်
"မျက်နှာမပြောင်စမ်းနဲ့"
"အချစ်ကလည်း"
"တော်စမ်းပါ"
YOU ARE READING
Inversely Proportional(ပြောင်းပြန်အချိုးကျခဲ့သော)-Complete
Romanceယံုၾကည္မႈကလည္းအခ်စ္ နားလည္မႈကလည္းအခ်စ္ ေပးဆပ္မႈကလည္းအခ်စ္ ခြင့္လြတ္မႈကလည္းအခ်စ္ ဟု ဆိုခဲ့ေသာ္ ေျပာင္းျပန္အခ်ိဳးက်ခဲ့တဲ့ခ်စ္ျခင္းတစ္ခုရဲ႕ အဆံုးသတ္က ဘယ္လိုျဖစ္မလဲ? . . . . . ယုံကြည်မှုကလည်းအချစ် နားလည်မှုကလည်းအချစ် ပေးဆပ်မှုကလည်းအချစ် ခွင့်လွတ်မှုကလည်...