လူနှစ်ဦးရှိပေမယ့် တိတ်ဆိတ်လွန်းလှတဲ့အခန်းတစ်ခု
မဟာက ကုတင်ပေါ်မှာ နောက်ကိုမီကာ ခြေဆင်းထိုင်နေရင်း စာအုပ်တစ်အုပ်ဖတ်နေသည် ။ တုနှိုင်းမောင်ဘေးဘက်က ဆိုဖာခုံတန်းရှည်ပေါ်ထိုင်နေရင်း မဟာ့ကို အကဲခက်နေသည် ။
အခုတစ်လော မဟာ့အပြုအမူတွေက ထူးဆန်းနေသည် ။ အခြားသူအတွက် သိသာလားမသိပေမယ့် တုနှိုင်းမောင်အတွက် ထူးဆန်းနေတာအမှန် ။
ဒေါက် ဒေါက်
အခန်းတံခါးခေါက်သံကြောင့် တုနှိုင်းမောင် မဟာ့ကိုကြည့်လိုက်တော့ မကြားသလိုပင် စာအုပ်ကိုပဲ ဆက်ကြည့်နေသည် ။
"ဝင်ခဲ့"
တုနှိုင်းမောင် အသံပေးလိုက်တော့ ဒေါ်မြက ကော်ဖီခွက် ကိုင်ကာဝင်လာသည် ။
"ဟို အကိုလေးအတွက် ကော်ဖီလာပို့တာပါ"
"ဒီကိုပေး အန်တီမြ"
မဟာဝင်ဖြေလျက် ကုတင်ပေါ်ကဆင်းလာပြီး ၊ ဒေါ်မြလက်ထဲက ကော်ဖီခွက်ကို ယူကာ ဝရံတာဘက်ထွက်သွားသည် ။
"သွားလိုက်ပါဦးမယ် သူဌေး"
"အင်း"
ဒေါ်မြထွက်သွားပြီး တုနှိုင်းမောင် မဟာ့နောက်ကိုလိုက်သွားသည် ။
ဘောင်တန်းကို မှီကာ ကော်ဖီသောက်ရင်း ကောင်းကင်ကိုငေးကြည့်နေတဲ့ မဟာက တုနှိုင်းမောင်ဘဝရဲ့ ရှင်သန်ရာပုံရိပ်လေး ။
ထိုပုံရိပ်လေးမရှိရင် တုနှိုင်းမောင်ဆိုတာလည်း ရှိမည်မဟုတ် ၊ သူ့မိဘတွေကို အရမ်းမုန်းသလောက် သူကကိုယ့်အတွက်ရူးမတတ်သေလောက်အောင်ချစ်ရတဲ့ တစ်ဦးတည်းသောသူ ။
မဟာဆိုတာ တုနှိုင်းမောင်ရဲ့ အသက်ပဲ ။"မင်း ညကြီးကိုကော်ဖီတွေသောက်နေပြန်တာလား"
မာကျောလှတဲ့အသံကြောင့် မဟာ နောက်လှည့်ကြည့်လာသည် ။ ထိုမျက်ဝန်းတွေမှာ အရင်လို ကြောက်လန့်တုန်လှုပ်တာတွေမရှိသလို ၊ အခြားမည်သည့်အရိပ်အယောက်မှလည်း ရှိမနေ ။
"အင်း"
တစ်ခွန်းထဲသာဖြေပြီး ပြန်လှည့်ကာ သောက်လက်စကော်ဖီကို ဆက်သောက်နေသည် ။ လေထဲကနေတောင်ရနေတဲ့ ခါးသက်သက်ကော်ဖီအနံ့ကြောင့်
YOU ARE READING
Inversely Proportional(ပြောင်းပြန်အချိုးကျခဲ့သော)-Complete
Romanceယံုၾကည္မႈကလည္းအခ်စ္ နားလည္မႈကလည္းအခ်စ္ ေပးဆပ္မႈကလည္းအခ်စ္ ခြင့္လြတ္မႈကလည္းအခ်စ္ ဟု ဆိုခဲ့ေသာ္ ေျပာင္းျပန္အခ်ိဳးက်ခဲ့တဲ့ခ်စ္ျခင္းတစ္ခုရဲ႕ အဆံုးသတ္က ဘယ္လိုျဖစ္မလဲ? . . . . . ယုံကြည်မှုကလည်းအချစ် နားလည်မှုကလည်းအချစ် ပေးဆပ်မှုကလည်းအချစ် ခွင့်လွတ်မှုကလည်...