မဟာအိမ်ပြန်ရောက်တော့ ၉နာရီကျော်ပြီ ၊ CCTVကို ထပ်တလဲလဲကြည့်ရင်းအချိန်ကုန်နေခဲ့တာ ဆိုင်ကဝန်ထမ်းလေးက ပိတ်တော့မည်ဟု သတိလာပေးမှ အချိန်ကြည့်မိသည် ။
"အကိုလေး ညစာစားမှာလား အန်တီမြပြင်ပေးမယ်လေ"
"ကျွန်တော်ဗိုက်မဆာဘူး အန်တီမြ"
မဟာ အိမ်ထဲဝင်လာတော့ ဧည့်ခန်းထဲမှာ ထွန်းအောင်ရော မင်းထိုက်ရော ရှိနေသည် ။ မဟာဝင်လိုက်ပြီး သူတို့နှစ်ယောက်နဲ့မျက်နှာချင်းဆိုင်အနေအထားဝင်ထိုင်တော့ ။
"ချိန်းနဲ့ညစာအတူစားနေလို့နောက်ကျနေပြန်တာလား"
"အင်း"
ထွန်းအောင်အမေးကို ပြန်ဖြေရင်း မဟာကတစ်ခုခုကိုတွေးနေသည့်ပုံ ။ ခဏကြာသက်ပြင်းသဲ့သဲ့ချသံနှင့်အတူ ။
"သက်နိုင်ဆုံးသွားပြီ"
"ဟင်"
ထွန်းအောင်နဲ့မင်းထိုက်ရဲ့ အမူအယာကို မဟာအကဲခက်ကြည့်နေသည် ။ သူလိုချင်တဲ့အံ့သြမှုမျိုးနှစ်ယောက်လုံးမှာ မရှိနေ ။
"ဘယ်လိုဖြစ်တာလဲ မဟာ"
"မပြောတတ်ဘူး ဘယ်လိုဖြစ်တယ်ထင်လဲ ကိုမင်းထိုက်"
မေးခွန်းကိုမေးခွန်းပြန်ထုတ်လာသော မဟာ ။
"ချက်ချင်းကြီး ဘာဖြစ်တာလဲ"
"ဟုတ်တယ် ချက်ချင်းကြီးဘယ်လိုဖြစ်တာများလဲ"
ထပ်မံပြီး ထွန်းအောင်မေးတော့လည်း ထိုနည်းတူပင် ။
"မဟာ"
"သွားနားတော့မယ် ၊ အာ မနက်ဖြန်နာရေး အဆင်ပြေရင် လာခဲ့ပေါ့ နေ့သစ်ဆေးရုံ"
အဓိပ္ပါယ်တစ်မျိုးဆောင်နေတဲ့ မဟာရဲ့ထိုစကားကြောင့် မင်းထိုက်နဲ့ထွန်းအောင် တစ်ယောက်ကိုတစ်ယောက်ကြည့်လိုက်ကြသည် ။ မဟာကတော့ ထထွက်သွားလေပြီ ။
"တစ်ခုခုများထူးနေတာလား"
"ထွန်း အသိဆရာဝန်ဆီ ဖုန်းဆက်ကြည့်ပါဦးလား"
"အင်း ကိုယ်ခေါ်ကြည့်လိုက်မယ်"
"တုနှိုင်းမောင်ရော သက်သာရဲ့လားမသိဘူး ငါသွားကြည့်လိုက်ဦးမယ်"
YOU ARE READING
Inversely Proportional(ပြောင်းပြန်အချိုးကျခဲ့သော)-Complete
Romanceယံုၾကည္မႈကလည္းအခ်စ္ နားလည္မႈကလည္းအခ်စ္ ေပးဆပ္မႈကလည္းအခ်စ္ ခြင့္လြတ္မႈကလည္းအခ်စ္ ဟု ဆိုခဲ့ေသာ္ ေျပာင္းျပန္အခ်ိဳးက်ခဲ့တဲ့ခ်စ္ျခင္းတစ္ခုရဲ႕ အဆံုးသတ္က ဘယ္လိုျဖစ္မလဲ? . . . . . ယုံကြည်မှုကလည်းအချစ် နားလည်မှုကလည်းအချစ် ပေးဆပ်မှုကလည်းအချစ် ခွင့်လွတ်မှုကလည်...
