စာရင်းအချို့လုပ်ရင်း အလုပ်များနေကြတဲ့ တုနှိုင်းမောင်နဲ့ မင်းထိုက် အနားလေးမှာ ယွန်းလေးက ပုံအရောင်ခြယ်ရင်းထိုင်နေသည် ။
"နှိုင်း ငါတို့ shareတွေထပ်စုထားဖို့လိုဦးမလား ချိန်းဘက်က ထပ်ဝယ်ဖို့လုပ်နေတယ်လို့ ငါကြားထားတယ်"
"လိုလိုမယ်မယ် ရသလောက်ပြန်စုထားကြတာပေါ့"
"အင်း"
"ဖေဖေ"
တစ်ချိန်လုံးငြိမ်နေခဲ့တဲ့ ယွန်းလေးကသူတို့စကားပြောမှသာ ဝင်ပြောလာသည် ။
"သမီး ဘာလို့လဲ"
"မိုးချုပ်နေပြီ daddyပြန်လာသေးဘူး"
"daddyအလုပ်မပြီးသေးလို့နေမှာလေ သမီးရဲ့"
"ဟုတ်"
"အလုပ်ပြီးတဲ့ ဦးဦးက ယွန်းငယ်အတွက်မုန့်တွေဝယ်လာပါတယ်"
"ဦးဦးထွန်း"
ကိတ်မုန့်ထုပ်လေးကိုရမ်းပြရင်း ဧည့်ခန်းထဲဝင်လာတဲ့ ထွန်းအောင်ဆီ ယွန်းလေးကထပြေးသွားသည် ။ ခန္ဓာကိုယ်လေးကသာ ထွားလာပေမယ့် ပေါ့ပါးနေဆဲကိုယ်လေးကို ထွန်းအောင်ပွေ့ချီလိုက်ရင်း ။
"အချွဲလေး"
"ကိတ်စားမယ်"
"ဟုတ်ပါပြီဗျာ"
တုနှိုင်းမောင်နဲ့မင်းထိုက်အလုပ်ဆက်လုပ်နေပြီး ထွန်းအောင်နဲ့ယွန်းလေးက ကိတ်စားနေသည် ။
"အာ"
မင်းထိုက် သူ့မျက်စိရှေ့ရောက်လာတဲ့ ဇွန်းလေးကြောင့် ၊ ထွန်းအောင်ဘက်မျက်နှာလှည့်လိုက်ပြီး
"ငါပြီးမှစားမယ်လေ"
"ဘာဖြစ်လို့လဲ"
"ဒါမပြီးသေးလို့"
"အဒါဘာဖြစ်လဲ လက်က စားရတာမဟုတ်ဘူးလေ ပါးစပ်က စားရတာ"
သူတို့ဖြစ်နေတဲ့ပုံကြောင့် ယွန်းလေးကသဘောကျစွာ တခ်ခ်ထရယ်သည် ။
"စားပါဆို"
"အင်း"
မင်းထိုက်က ဇွန်းကိုယူလိုက်ပေမယ့် ထွန်းအောင်ကလက်နောက်ဆုတ်ပြီး
"ဟ ခွံပေးနေတာကို"
"ထွန်း"
မင်းထိုက်ကရှက်တာကြောင့် ကိုယ်တိုင်ပင်စားဖို့လုပ်နေသည် ။
YOU ARE READING
Inversely Proportional(ပြောင်းပြန်အချိုးကျခဲ့သော)-Complete
Romanceယံုၾကည္မႈကလည္းအခ်စ္ နားလည္မႈကလည္းအခ်စ္ ေပးဆပ္မႈကလည္းအခ်စ္ ခြင့္လြတ္မႈကလည္းအခ်စ္ ဟု ဆိုခဲ့ေသာ္ ေျပာင္းျပန္အခ်ိဳးက်ခဲ့တဲ့ခ်စ္ျခင္းတစ္ခုရဲ႕ အဆံုးသတ္က ဘယ္လိုျဖစ္မလဲ? . . . . . ယုံကြည်မှုကလည်းအချစ် နားလည်မှုကလည်းအချစ် ပေးဆပ်မှုကလည်းအချစ် ခွင့်လွတ်မှုကလည်...