တုနှိုင်းမောင် ရဲအဖွဲ့နဲ့ထွက်သွားတာနဲ့ ထွန်းအောင်က မဟာဘက်လှည့်ကြည့်ပြီးမှ ၊ မင်းထိုက်ကိုကြည့်လျက်
"ကိုထိုက် သမီးလေးကိုအခန်းထဲခေါ်သွားပေးပါလား"
"အင်း"
မင်းထိုက်က ခေါင်းငြိမ့်ပြပြီး ယွန်းလေးကို ချီလိုက်ကာ
"သမီး ဦးဦးနဲ့သွားဆော့ရအောင်"
"ဖေဖေကကြာမှာလားဟင်"
ငိုမဲ့မဲ့မျက်နှာလေးထက် မင်းထိုက်ကပါးလေးနှစ်ဖက်ကို အသာကိုင်လိုက်ရင်း ။
"မကြာပါဘူး ခဏလေးပဲသွားတာ ဦးဦးနဲ့ဆော့နေမယ်နော် ၊ ယွန်းလေးကလိမ္မာပါတယ်"
"ဖေဖေကနေကောင်းဘူး"
ဖအေကိုစိုးရိမ်နေတဲ့ယွန်းလေးက မျက်ဝန်းလေးတွေက ငွေရောင်လဲ့နေလေပြီ ။
"အိုး ယွန်းလေး က ဖေဖေကိုစိတ်ပူနေတာပဲ ၊ ဖေဖေကလည်းယွန်းလေးကိုစိတ်ပူတယ်တဲ့"
"ဘာလို့လဲ"
"သူ့ကိုစိတ်ပူနေမှာစိုးလို့တဲ့ ဖေဖေကသက်သာပြီး ပျောက်သွားပြီတဲ့လေ"
"ဟုတ်"
"ကဲ ဦးဦးနဲ့သွားဆော့ရအောင် လာ"
မင်းထိုက်က ယွန်းလေးကိုချော့ရင်း ပွေ့ချီကာ ထထွက်သွားသည် ။ ယွန်းလေးနဲ့မင်းထိုက်သွားတော့မှ ထွန်းအောင် မဟာနဲ့မျက်နှာချင်းဆိုင်တွင် ဝင်ထိုင်လျက်
"ပြောကြည့်ပါဦး"
"ဘာကိုလဲ"
laptopကိုသာ ကြည့်နေတဲ့မဟာက ထွန်းအောင်မေးတာကို ပြန်ပြောပေမယ့် မော့ကြည့်မလာခဲ့ဘူး ။
"ငါမင်းကို နားလည်ခဲ့တယ်မဟာ ၊ လွန်ခဲ့တဲ့ ၁နှစ်ကျော်ကထိ"
ထွန်းအောင်စကားမှာ လှုပ်ရှားနေသော မဟာ့လက်တို့ရပ်သွားသည် ။ ထွန်းအောင်က အေးစက်စွာပင်ဆက်ဆိုလာသည် ။
"ငါမင်းကိုနားလည်တယ် ၊ မင်းဘာကိုပဲလုပ်လုပ် ငါလက်ခံပေးနိုင်ခဲ့တယ် ၊ မင်းကသိပ်အစွဲလမ်းကြီးတတ်သူမလို့ ငါနားလည်တယ် ၊ ဒါပေမယ့် "
"ဒါပေမယ့် အခုနားမလည်ဘူး ၊ အဒီလိုပြောချင်တာလား"
ထွန်းအောင်ပြောရင်း စကားရပ်သွားတော့ မဟာမေးလာသည် ။ ထွန်းအောင်သက်ပြင်းတစ်ချက်ချလျက်
YOU ARE READING
Inversely Proportional(ပြောင်းပြန်အချိုးကျခဲ့သော)-Complete
Romanceယံုၾကည္မႈကလည္းအခ်စ္ နားလည္မႈကလည္းအခ်စ္ ေပးဆပ္မႈကလည္းအခ်စ္ ခြင့္လြတ္မႈကလည္းအခ်စ္ ဟု ဆိုခဲ့ေသာ္ ေျပာင္းျပန္အခ်ိဳးက်ခဲ့တဲ့ခ်စ္ျခင္းတစ္ခုရဲ႕ အဆံုးသတ္က ဘယ္လိုျဖစ္မလဲ? . . . . . ယုံကြည်မှုကလည်းအချစ် နားလည်မှုကလည်းအချစ် ပေးဆပ်မှုကလည်းအချစ် ခွင့်လွတ်မှုကလည်...