တစ်ညလုံးမိုးရွာထားတာမလို့ ချမ်းစိမ့်စိမ့်လေးဖြစ်နေတဲ့ရာသီဥတုလေးကြောင့် မနက်ခင်းလေးက အိပ်ရာထဲမှမထချင်လောက်အောင် ဆွဲဆောင်နေသလိုပင် ။
ရာသီဥတုနဲ့ လိုက်ဖက်စွာပင် တိတ်ဆိတ်လွန်းလှသော အိမ်ဝန်းတစ်ခုကတော့ ၊ မနက် ၈နာရီထိုးပြီးနေပြီဖြစ်သော်လည်း မည်သည့်အသံမှ မကြားရသေး ။
အောက်ထပ်က အခန်းတစ်ခုတွင်လည်း တစ်ယောက်ကိုတစ်ယောက်ဖက်လျက် ၊ အခုထိတိုင်အိပ်မောကျနေဆဲဖြစ်တဲ့ ထွန်းအောင်နဲ့မင်းထိုက် ။
အပေါ်ထပ်က အခန်းတစ်ခုတွင်တော့ မဟာ့ရင်ခွင်ထဲ တိုးဝင်အိပ်နေဆဲဖြစ်တဲ့ယွန်းလေးရယ် ၊ မဟာ့အားနောက်မှသိုင်းဖက်ထားတာ အိပ်ပျော်နေဆဲဖြစ်တဲ့ တုနှိုင်းမောင်ရယ် ၊ တုနှိုင်းမောင်လက်မောင်းကိုခေါင်းအုံးကာ သမီးလေးကိုရင်ခွင်ထဲပွေ့ဖက်လျက် အိပ်ပျော်နေဆဲမဟာရယ် ။
အင်း ပြိုင်အိပ်နေသလား မှတ်ရလောက်အောင် အိပ်လို့ကောင်းနေကြဆဲ ။Ring....
ဘေးဘက် စာပွဲပေါ်မှဖုန်းသံကြောင့် မဟာနိုးလာသည် ။ သူဖုန်းကိုင်မလို့ အနည်းငယ်လှုပ်လိုက်တာနဲ့ သူ့ကိုဖက်တွယ်ထားကြတဲ့ တုနှိုင်းမောင်ရော ယွန်းလေးပါ နိုးသွားကြသည် ။
"အယ် ငါသာသာလေးထတာပါ"
"ဘာဖြစ်လို့လဲ အချစ်"
"ဘာမှမဖြစ်ပါဘူး ဖုန်းကိုင်မလို့လေ"
အဒီတော့မှ တုနှိုင်းမောင်က ဖုန်းသံကိုသတိထားမိကာ
"အာ ကျစ် စောစောစီးစီး ဘယ်ကဖုန်းကလည်းကွာ"
"သဲငယ်လေး daddyကြောင့်နိုးသွားတာလား ၊ အိပ်ချင်သေးရင် ပြန်အိပ်လေ"
"...ဟင့်အင်...မောနင်း daddy"
"မောနီး သမီးလေး"
ထိုအချိန် တုနှိုင်းမောင်က ဖုန်းကိုလှမ်းယူလိုက်ကာ ကြည့်လိုက်ပြီး အံ့သြစွာဖြင့်
"Oh! "
"ဘာဖြစ်တာလဲ"
"၉နာရီတောင်ထိုးတော့မှာ"
"ဟင်"
"ဒီနေ့လည်း မောင်တို့အကြာကြီး အိပ်ပျော်သွားတာပဲ"
YOU ARE READING
Inversely Proportional(ပြောင်းပြန်အချိုးကျခဲ့သော)-Complete
Romanceယံုၾကည္မႈကလည္းအခ်စ္ နားလည္မႈကလည္းအခ်စ္ ေပးဆပ္မႈကလည္းအခ်စ္ ခြင့္လြတ္မႈကလည္းအခ်စ္ ဟု ဆိုခဲ့ေသာ္ ေျပာင္းျပန္အခ်ိဳးက်ခဲ့တဲ့ခ်စ္ျခင္းတစ္ခုရဲ႕ အဆံုးသတ္က ဘယ္လိုျဖစ္မလဲ? . . . . . ယုံကြည်မှုကလည်းအချစ် နားလည်မှုကလည်းအချစ် ပေးဆပ်မှုကလည်းအချစ် ခွင့်လွတ်မှုကလည်...