I'm Not A Villian(oc) (Completed)

အပိုင်း ၂၀

အပိုင်း ၂၀

ကမ်းကပ်ခါနီးတွင် ချောင်ဘုရင်၏အရှိန်အဝါကြောင့် မည်သည့်သားရဲမှ မနှောင့်ယှက်ရဲသဖြင့် ဘေးရန်ကင်းစွာပင် ကမ်းကပ်နိုင်ခဲ့သည်။

သူတို့ကုန်းပေါ်တက်လာသည့်အချိန်တွင် အစိမ်းရောင်ဝတ်ထားသော ကျင့်ကြံသူ အုပ်စုသည် ရောက်လာကြပြီး စတင်မေးမြန်းတော့သည်။ စကားအသွားအလာကိုကြည့်ခြင်းဖြင့် ရန်လိုသည့်ပုံမပေါ်ပေ။ သူတို့အုပ်စုမှာ သာမန်လူများဖြစ်၍ တောင်ပေါ်ရှိ သားရဲများ၏အန္တရာယ်မှာအလွန်ကြီးမားကြောင်း ပြောပြနေခြင်းပင်။ ထန်ဟူလူကလည်း မိမိတို့သည် ဆေးဆရာများဖြစ်၍ ဆေးဖတ်ဝင်အပင်တချို့လာရောက်ရှာဖွေခြင်းဖြစ်ကြောင်း၊ တောင်ပေါ်သို့မတက်ပဲ တောင်ခြေတဝိုက်မှာပဲ ရှာဖွေမည်ဖြစ်ကြောင်း ပြောပြလိုက်သည်။

နောက်ဆုံးတွင် ထိုကျင့်ကြံသူအုပ်စုက ရှင်းယာတို့သွားမည့်နေရာရောက်သည်အထိ ကာကွယ်စောင့်ရှောက်မည်ဟု ပြောလာသဖြင့် ကျေးဇူးတင်စွာပင်လက်ခံလိုက်ကြသည်။

အစိမ်းရောင်အုပ်စုမှာ ကျောက်စိမ်းတောင်ဂိုဏ်းသားများဖြစ်ကြသည်။ စုစုပေါင်း ၇ယောက်ဖြစ်ကြပြီး မိန်းကလေးတစ်ယောက်သာပါသည်။ တစ်ဦးတည်းသောမိန်းကလေးသည် ချွဲ့နွဲ့တတ်ပြီး အတော်လေးလှသည်ဟုဆိုနိုင်သည်။ အကို၂ မှလွဲ၍ ကျန်သောဆရာတူအကိုများသည် ထိုဆရာတူညီမငယ်လေးကို မျက်နှာသာပေးအလိုလိုက်ကြသည်။

ထို၆ေယာက်ထဲတွင် အကို၂သည် ကြည့်လို့အကောင်းဆုံးဖြစ်သည်။

...အကို၂ကတော်တော်ချောတာပဲ ဒါပေမဲ့လည်းသနားစရာပဲ ငါ့သခင်ကပိုချောနေလို့လေ ဟားဟား...

"ဟီးဟီး''

ရှင်းယာ၏ ရယ်သံကြောင့် အားလုံးသူမကိုကြည့်လိုက်ကြသည်။ ချောင်ဘုရင်တောင်မှပေါ့...

"...''

"သွားစို့ သွားစို့''

တောင်ပေါ်စတက်တက်ချင်းပင် လူမျက်နှာပင့်ကူသားရဲနှင့်စတင်ရင်ဆိုင်ရတော့သည်။ ထိုသားရဲမျိုးမှာ စိုစွတ်သောဂူတွင်းပိုင်းများတွင်အနေများသည့်သားရဲမျိုးဖြစ်သဖြင့် အပြင်ထွက်လာခဲသည်။ ယခုလိုထွက်လာသည့်အချိန်တွင်လည်း တအားရန်လိုတတ်သော သားရဲမျိုးဖြစ်သည်။