"អ-អឺម ខ្ញ-ខ្ញុំមិនអីទេលោក!"។ នាងក្រមុំខាងនេះកាលបើឃើញរាងខ្ពស់សង្ហាហុចដៃមកហើយសួរនាំនាងធ្វើឲ្យនាងភាំងមួយសន្ទុះទម្រាំទាញស្មារតីតបនឹងគេបានវិញ។
"នេះក្បាលអ្នកនាងហើមហើយ! នេះពួកនោះច្រានអ្នកនាងដល់ថ្នាកើនឹងហេ៎? ក្រោកមកណា៎!"។ ណាមជូន កាលបើឃើញមុខមាត់នឹងថ្ងាសនាងមានរបួសជាំហើយហើមជាខ្លាំងក៏រុះរាន់ឈោងដៃមកលើកនាងក្រមុំនាងឡើង។
"អ-អរគុណលោក! ខ្ញុំមិនអីទេ!"។ ស៊ូសាន ក៏រហ័សទាញដៃខ្លួនមកវិញមុមនឹងអោនមុខចុះហើយនាយកម្លោះក៏នៅសម្លឹងនាងដោយក្តីបារម្ភ។
"នេះថាមិនអីយ៉ាងម៉េច? ថ្ងាសអ្នកនាងហើយពកមិនធម្មតាទេ! នេះអង្គុយចុះសិនទៅ! ពួកឯងទៅរកពងមាន់ស្ងោរតិចមក! ឲ្យអ្នកនាងខាងនេះបានស្អំថ្ងាសផង! នេះបើមិនយល់ទាស់អីមកអង្គុយសិនទៅចុះណា៎! ឈឺបែបនេះហើយមិនគួរធ្វើការទេ!"។ ណាមជូន ក៏អូសដៃស្រីតូចនេះមកកាន់សាឡុងហើយនាយក៏ទម្លាក់បង្គុុយចុះតែនាងនៅតែអោនមុខហើយឈរទើប ណាមជូន ចងចិញ្ចើម។
"មានអីមែនទេអ្នកនាង?"។ ណាមជូន ក៏សួរហើយ ស៊ូសាន ក៏ក្រវីក្បាល។
"នាងខ្ញុំគ្រាន់តែជាស្រីចាក់ស្រាទេ! មិនសមអង្គុយជាមួយភ្ញៀវឡើយ! សូមអធ្យាស្រ័យចុះលោក!"។ ស៊ូសាន ក៏តបហើយ ណាមជូន ក៏សើចបន្តិចមុននឹងញញឹមស្រស់ដាក់នាង។
"ខ្ញុំមិនមែនជាភ្ញៀវតែជាអ្នកមកជួយមើលការខុសត្រូវទីនេះជំនួសបង យ៉ុន ដែលជាថៅកែ! ឋានៈក៏មិនអន់! នាងនៅប្រកែកទៀតរឺ?"។ ណាមជូន ក៏តបមកដោយភាពរួសរាយតាមនិស្ស័យហើយ ស៊ូសាន ក៏សម្លឹងគេភ្លឹះៗ។
"មោះ! មកអង្គុយទៅ! ខ្ញុំមិនសីុនាងទេ! កុំខ្លាចខ្ញុំមើល! ខ្ញុំមានប្រពន្ធហើយ! មិនញ៉ែអ្នកនាងទេ!"។ ណាមជូន ក៏តបដោយសើចតិចៗហើយ ស៊ូសាន ក៏សម្លឹងគេទៀតមុននឹងសម្រេចដាក់ខ្លួនអង្គុយចុះតែមិនក្បែរនាយនោះទេ។
"លោក ណាមជូន នេះពងមាន់បាទ!"។ ពេលនោះកូនចៅគេក៏យកពងមាន់ស្ងោរបកស្រេចមកជូនហើយនាយកម្លោះក៏ទទួលមុននឹងហុចវាឲ្យទៅ ស៊ូសាន។
"នេះស្អំថ្ងាសនាងទៅ! ទុកយូរកក់ឈាមក្នុងនឹងមិនល្អទេ!"។ ណាមជូន ក៏ហុចពងមាន់ហើយនាងក៏ទទួលយកមុននឹងស្អំថ្ងាសនាងតិចៗមិនមាត់ករតែមុខនាងក៏ក្រហមតិចៗពេលឃើញថាគេយកចិត្តទុកដាក់នាងបែបនឹង។
YOU ARE READING
អន្តរាយស្នេហ៍ ( Our love is disaster ) 🖤🥀🔥 ( រដូវកាលទី 2 )(Completed ✅)
Romanceជារដូវកាលទីពីរក្នុងចំណោមរដូវកាលទាំង 7 ក្នុងស៊េរី : សំណព្វចិត្តម៉ាហ្វៀ ( Mafia's sweetheart ) 💜 ដែលនិយាយពីរឿងរ៉ាវរបស់ពួកគេទាំងពីរគឺជារបៀបស្នេហាដែលមិនសមហៅថាស្នេហាខណៈក្នុងជីវិតសព្វថ្ងៃពួកគេមានតែការយល់ច្រឡំឃើញសថាខ្មៅ ល្អថាអាក្រក់បែបនេះមករហូត។ ⚠️ 19+ (...
