វីឡាត្រកូល អាល់ហ្វាណូ ....
បន្ទាប់ពីសម្រាកនៅមន្ទីរពេទ្យបានមួយរយៈមកពេលនេះនាយកម្លោះក៏នាំរាងស្តើងនេះមកផ្ទះវិញប្រកបដោយកាំរយកចិត្តទុកដាក់ជាទីបំផុតមើលទៅគេហាក់ថ្នាក់ថ្នមនាងជាខ្លាំងក្រោយដឹងថាខ្លួនក្លាយជាឪពុកហើយគេក៏ប្រយ័ត្នជាមួយគ្រប់យ៉ាងដូចជាកាយវិការរឺពាក្យសម្តីព្រោះខ្លាចថាប៉ះពាល់ដល់នាង។
"ម៉ាលីស !!! នេះមានរំងាប់ស៊ុបឲ្យ រីណា ទេ?"។ ណាមជូន បានជូនស្រីស្រស់មកអង្គុយលើសាឡុងហើយមេការ ម៉ាលីស ក៏ដើរមកជាមួយចានស៊ុបក្តៅហ៊ុយៗ។
"ចា៎! នេះមកដល់ល្មម!!! អញ្ជើញពិសារទៅអ្នកនាង! ប៉ូវកម្លាំងនឹងប៉ូវសុខភាពចា៎!"។ ម៉ាលីស ក៏និយាយមកកាន់នារីដែលមុខស្ងួតនេះយ៉ាងស្វាហាប់តែបានត្រឹមការស្ងៀមស្ងាត់តបមកវិញទើប ណាមជូន ទាញចានមកជិតហើយដួសស៊ុុបមកផ្លុំឲ្យនាង។
"នេះអូនឆាប់ញាំុទៅណា៎! ស៊ុបនេះមានជាតិប៉ូវច្រើនណាស់សម្រាប់អូននឹងកូនយើងណា៎!"។ ណាមជូន ក៏លើកស្លាបព្រាមកបញ្ចុកនាងហើយ រីស្សាណា បែរជាមិនហើបមាត់ទទួលមានតែងាកមកសម្លឹងគេវិញ។
"លោកមានការងាររវល់នៅឯក្រុមហ៊ុនដែរមែនទេ? នេះលោកមករវល់ធ្វើអីនៅផ្ទះ? ត្រឹមរឿងប៉ុន្នឹងខ្ញុំចាត់ការបាន! មិនចាំបាច់រំខានទេហើយប្រញាប់រៀបចំក្រុមហ៊ុនឡើងវិញទៅ!"។ រីស្សាណា តបបែបនេះហើយ ណាមជូន ក៏ដាក់ស្លាបព្រាចុះមុននឹងគេមើលនាងដោយទឹកមុខស្រពោន។
"អូននៅខឹងបងមែនទេ? បងដឹងថាបងខុស! ទីបុំផុតបងយល់ហើយ! បងយល់សម្តីដែលគេនិយាយថាបងមិនទុកចិត្តអូនហើយ! អូនខឹងដែលបងប្រចណ្ឌអូនមែនទេ? នេះបងសុំទោសពិតមែនដែលប្រចណ្ឌអូនទាំងដឹងហើយថាអូនមិនដែលគិតចឹង! តាមពិតបងគួរទុកចិត្តអូនជាភរិយាឲ្យខ្លាំងជាងនេះ! នេះបងទទួលស្គាលថាបងខុស! បងខុសដែលរករឿងអូនកាលនោះ! តែមកពីបងស្រលាញ់អូនពេកក៏មានអារម្មណ៍មិនល្អកើតឡើងភ្លាមៗណា៎! បងសង្ឃឹមថាអូននឹងលើកលែងទោសឲ្យបងបានទេ?"។ ណាមជូន ក៏ស្រវាមកកាន់ដៃនាងហើយក្តោបថ្នមៗហើយ រីស្សាណ ក៏ងាកមកមើលគេដោយកែវភ្នែកស្មើធេងតែម្តង។
YOU ARE READING
អន្តរាយស្នេហ៍ ( Our love is disaster ) 🖤🥀🔥 ( រដូវកាលទី 2 )(Completed ✅)
Romanceជារដូវកាលទីពីរក្នុងចំណោមរដូវកាលទាំង 7 ក្នុងស៊េរី : សំណព្វចិត្តម៉ាហ្វៀ ( Mafia's sweetheart ) 💜 ដែលនិយាយពីរឿងរ៉ាវរបស់ពួកគេទាំងពីរគឺជារបៀបស្នេហាដែលមិនសមហៅថាស្នេហាខណៈក្នុងជីវិតសព្វថ្ងៃពួកគេមានតែការយល់ច្រឡំឃើញសថាខ្មៅ ល្អថាអាក្រក់បែបនេះមករហូត។ ⚠️ 19+ (...
