အပိုင်း ၃၉ / အပိုင္း ၃၉

7.4K 859 46
                                    

" ကိုကိုးရေ ခေါက်ဆွဲရပါပြီ "

" အားးး မွှေးနေတာပဲ ဂျစ်တူးက ဘယ်ဆိုးလို့လဲ "

မဟာ ထိုင်မယ့်ခုံလေးကို နောက်ကိုရွှေ့ပေးပြီးမှ သူလဲ တခြားခုံတစ်ခုမှ ဝင်ထိုင်လိုက်တယ် ။ မဟာကတော့ ဂျစ်တူးအပြူအမူမှန်သမျှကို သဘောကျနေလေရဲ့ ။

ခက်ရင်းနဲ့ခေါက်ဆွဲမျှင်တွေကိုယူပြီး စားနေတဲ့ မဟာ့ကို လက်ထောက်ပြီးကြည့်ကာ ဘယ်လိုလဲ လို့ မေးနေတဲ့မျက်လုံးလေးတွေ ။

" ဂျစ်တူး "

" ဗျာ မကောင်းဘူးလား "

" ဒီပုံစံမျိုးနဲ့ တခြားသူကို ချက်မကျွေးမိစေနဲ့ဦး "

" ဟင် !!!! ဘာလို့လဲ "

" ဂျစ်တူးကို ခိုးသွားမှာဆိုးလို့ "

" အာ ..... လန့်သွားတာပဲ ကိုကိုးရဲ့ "

မျက်စောင်းလေးတစ်ချက် မဟာ့ဆီလွင့်လာပြီး မဟာ့လက်ချောင်းတွေကလဲ ဂျစ်တူး ဆံပင်တွေကြားထဲ ထိုးဖွလျက် ။

" ဂျစ်တူး "

" ဗျာ "

" ချစ်တယ် "

" ပို ချစ်တာပေါ့ "

" ကိုကိုး အိမ်မှာ သောက်စရာမရှိဘူးလား "

" သောက်စရာ ???? အအေးလား "

" အအေးသောက်ရမယ့်အရွယ်လားဗျ "

" ဘုရားရေ ဘာများသောက်ချင်လို့လဲ "

" ကိုကိုးကလဲ တစ်ခုခု .... "

" ကိုယ်ပြောမယ် ဂျစ်တူး ဟော ဟိုအရှေ့က တံခါးတွေ့လား "

" အင်း တွေ့တယ်လေ "

" အဲ့တံခါးဝကိုဖြတ်ပြီး ဒီအိမ်ပိုင်ရှင် မဟာအာကာ ဆီကို လာတဲ့သူက တင်မောင်ထွန်းညို ပဲ ဖြစ်စေချင်တယ် ရမလား "

ကိုကိုးပြောတာကို ကျွန်တော် ကောင်းကောင်းကြီး သဘောပေါက်ပါသည် ။

" ဟုတ် အအေးသောက်ကြမလား "

" အင်း ကိုယ် သွားယူပေးမယ် "

ခဏကြာတော့ Shark နှစ်ဗူးကိုင်ကာ ကိုကိုးပြန်ရောက်လာပြီး ညစားစားချိန်ကို အမြန်ပင် ကုန်ဆုံးစေလိုက်သည် ။ စားသောက်ပြီးစီးလို့ ကျွန်တော်ပန်းကန်တွေဆေးနေတုန်း ကိုကိုးက နောက်‌က‌နေ ကျွန်တော့်ခါးလေးကိုဖက်ပြီး ပခုံးပေါ်မေးတင်ကာ ရပ်နေလေရဲ့ ။

အထွန်း / အထြန္း ( Completed )Where stories live. Discover now