တုန်လှုပ်သွားတဲ့စိတ်ကို မနည်း ငြိမ်အောင်လုပ်ပြီး အသံတွေပါ မတုန်အောင် ထိန်းလျက် မဟာ ပြန်ပြောရသည် ။
" ဘာတွေမေးနေတာတုန်း ဂျစ်တူးရဲ့ "
" ကျုပ်သိချင်လို့လေ ယောကျာ်းလေးတစ်ယောက်က တခြားယောကျာ်းလေးတစ်ယောက်ကို ချစ်လို့ရလား ဆိုတာ တကယ်သိချင်လို့ "
" ကလေးက ကလေးလို နေပါ ဂျစ်တူးရယ် စာအုပ်သာ ဖတ်နေ "
ဖတ်နေတဲ့စာအုပ်ကို ရင်ဘတ်ပေါ်တင်ကာ ကျွန်တော့်ကို မော့ကြည့်လာပြီး
" ဖြေပါ ချစ်လို့ရလား "
" စာအုပ်သာ ဖတ်နေပါကွာ "
" ဟာ ဖြေ လို့ ဆို "
တကိုယ်လုံးထွန့်ထွန့်လူးပြီး ခြေထောက်ကလဲ ဆောင့်နေသေးသည် ။
" ကဲ ပြော ရတယ်ဆို ဘာလုပ်မလို့လဲ "
" ရတယ်ဆိုရင် .... "
ပြောနေတဲ့စကားကို ရပ်လိုက်ပြီး ထ ထိုင်လိုက်ကာ မဟာ့ မျက်နှာနဲ့ တစ်ထွာအကွာလောက်ထိ သူ့မျက်နှာကို ကပ်လာပြီး
" ဒီက မဟာအာကာ ကို ယူမလားလို့ "
မဟာ့မျက်နှာတစ်ခုလုံး ရေနွေးပူနဲ့အပက်ခံလိုက်ရသလိုပင် ။ နားရွက်တွေပါနီရဲပူခြစ်လာသလိုလို ။
" ဂျစ်တူး ဖယ်စမ်းပါကွာ ကိုယ်က မင်းထက်အကြီးနော် နောက်စရာမဟုတ်ဘူး "
" မနောက်ပါဘူး ဟီးးး စ ရုံပဲ စ တာကို "
ပြောပြောဆိုဆိုနဲ့မဟာ့ပေါင်ပေါ်ခေါင်းပြန်အုံးကာ စာအုပ်ဖတ်နေပြန်ရော ။ ဒီကလေးကတော့ ဘာဖြစ်နေမှန်းမသိ ။ ထူးထူးဆန်းဆန်းတွေ ထထ ပြောနေသည် ။ ခဏနေတော့ မျက်လုံးလေးစင်းကာ အိပ်ပျော်သွားလေရဲ့ ။ မဟာ့လက်ချောင်းလေးတွေလဲ မျက်ခုံးထူထူလေးတွေကို ထိတွေ့ရင်း ဒီကလေးကို တစ်နေ့တစ်ခြား ချစ်မဝ ဖြစ်ဖြစ်လာရသည်
နာရီဝက်ကျော်လောက်ထိ ခြေထောက်ကျဉ်လာတာကို မမှုနိုင်ဘဲ မျက်နှာတော်လှလှကို မော်ဖူးနေမိသည် ။ အိပ်နေချိန်တိုင်း မျက်ခမ်းစပ်ကို ထိနေတဲ့ မျက်တောင်ရှည်ရှည်လေးတွေကြား ဝင်ပုန်းနေချင်မိတယ် ။ တော်တော်ကြာမှ ဂျစ်တူးလေးက လှုပ်စိလှုပ်စိနဲ့ နိုးလာလေရဲ့ ။
