(Unicode)
Yu Baizhou သည် ဖုန်း၏စခရင်ပေါ်တွင် ပေါ်လာသည့် မက်ဆေ့ချ်အကြောင်းကြားစာကို ကြည့်လိုက်သည်။ ၎င်းသည် Tu Gaoming မှ ပေးပို့သော မက်ဆေ့ချ်တစ်ခုဖြစ်သော်လည်း လောလောဆယ်တွင် ထိုမက်ဆေ့ချ်ကို မနှိပ်သေးပေ။ ဖုန်းမြည်လာပြန်သည်၊ ဒီတစ်ခါ He Yan ဆီက နောက်ထပ်မက်ဆေ့ချ်ပင်။
Yu Baizhou သည် သူ၏ အသိပေးချက်စာ(notification) များကို စစ်ဆေးလိုက်သည်။
【Tu Gaoming: "ဘော့စ်!!"】
[He Yan : "မအိပ်သေးဘူးလား?"]
ခဏလောက်စဉ်းစားပြီးမှ He Yan မက်ဆေ့ချ်ကို ဦးစွာနှိပ်လိုက်ရန် ရွေးချယ်လိုက်သည်။
He Yan "မအိပ်သေးဘူးလား"
Yu Baizhou က “မအိပ်သေးဘူး” ဟု ပြန်ရိုက်လိုက်သည်။
စက္ကန့်အနည်းငယ်ကြာပြီးနောက် He Yan ပြန်ပို့လာပြီး "မနက်ဖြန် မင်းမှာ စီစဉ်ထားတာရှိလား"ဟုမေးသည်။
He Yan ၏ အမေးကို ကြည့်လိုက်ကာ Yu Baizhou ၏ နှလုံးသား တုန်လှုပ်သွားရသည်။ He Yan ၏ ရည်ရွယ်ချက်များကို သူအတည်ပြုခဲ့ပြီး သူ့နှုတ်ခမ်းထောင့်များက အလိုအလျောက် ကွေးညွှတ်သွားခဲ့သည်။
ကုတင်ပေါ်တွင် လှဲချလိုက်ပြီး စာပို့သည့်ဘောက်စ်(text box)အထဲသို့ ဝင်လိုက်သည်-----မရှိဘူး။
သေချာစဉ်းစားပြီး စကားလုံးကို ဖျက်လိုက်ပြီးတဲ့နောက်မှာ သူက "မရှိဘူး" ဒါမှမဟုတ် "လောလောဆယ်မရှိဘူး" ဆိုပြီး ပြန်ရမလားဆိုတဲ့ ကိစ္စနဲ့ ဝေခွဲရခက်နေခဲ့သည်။
"မရှိဘူး" ဟု ပြန်ခဲ့ပါက၊ He Yan ၏ ဖိတ်ကြားချက်ကို စောင့်မျှော်နေသကဲ့သို့ ဖြစ်မည်ဖြစ်သည်။
သေချာစဉ်းစားပြီးနောက် သူသည် “လောလောဆယ်မရှိဘူး” ဟု စာပြန်ပို့ခဲ့သည်။
ဒီတစ်ကြိမ်မှာ He Yan ပြန်မဖြေခင် သူစက္ကန့်ပေါင်းများစွာ စောင့်ခဲ့ရသည်။
He Yan : “ဒီလိုဆိုရင် မနက်ဖြန် ရုပ်ရှင်အတူတူသွားကြည့်ချင်တာလား။ အသစ်ထွက်မယ့်တစ်ခုကက ကောင်းမယ့်ပုံဘဲ၊ အမျိုးအစားက မင်းကြိုက်တာထင်တယ်။"
အဆုံးမှာတော့ He Yan က “ငါတို့နှစ်ယောက်တည်း” ဆိုတဲ့ နောက်ထပ်စာကြောင်းတစ်ခုကို ထပ်ဖြည့်လိုက်တယ်။
YOU ARE READING
Transmigrated into a School Idol and Forced to Do Business
RomanceMyanmar translation (ျမန္မာဘာသာျပန္) Genre- comedy, drama, romance, school life, yaoi author- Yu Wu Xiao Tian Bing 雨雾小甜饼 Type- web novel Chapters- 61 + extra retranslated from CWAS translations