Transmigrated into a School Idol and Forced to Do Business

Chapter 49

(Unicode)

ပို့စ်တွင်ဖော်ပြထားသော ဓာတ်ပုံငါးပုံပါရှိပြီး ၎င်းတို့ထဲမှ ၃ပုံမှာ နောက်ဘက်မှရိုက်ချက်များဖြစ်ပြီး ကျန်နှစ်ပုံမှာ တစ်ယောက်ကိုတစ်ယောက်ကြည့်နေစဉ် ၎င်းတို့၏ဘေးတိုက်ပုံများဖြစ်သည်။ လမ်းမီးမှိန်ဖျဖျက ကောင်လေးနှစ်ယောက်၏ ရုပ်ပုံလွှာကို ပေါ်လွင်နေစေပြီး နှစ်ယောက်စလုံး၏ မျက်နှာများကို ရှင်းရှင်းလင်းလင်း မှတ်မိနိုင်သည်။ ဘယ်သူမဆို တစ်ချက်ကြည့်လိုက်ရုံနဲ့ သူတို့ဘယ်သူလဲဆိုသည်ကို သိနိုင်သည်။

ဒီဓာတ်ပုံတွေအားလုံးကို ခရစ္စမတ်အကြိုနေ့မှာ ရိုက်ခဲ့တာကို Yu Baizhou တွေ့လိုက်ရသည်။ ပိုပြီး အတိအကျပြောရလျှင် သူနဲ့ He Yan ပန်းခြံထဲက မီးရှူးမီးပန်းပြပွဲကို ကြည့်ပြီး လမ်းလျှောက်သွားချိန်မှာ ရိုက်ထားခြင်းဖြစ်သည်။

ဓာတ်ပုံထဲမှာ သူတို့ နှစ်ယောက် လမ်းပေါ် လျှောက်နေကြသည်။ သူ့ကို He Yan ရင်ခွင်ထဲတွင် ထည့်ဖက်ထားကာ သူတို့နှစ်ဦးစလုံးသည် တစ်ဦးနှင့်တစ်ဦး အလွန်ရင်းနှီးနေပုံရသည်။

တကယ်တော့ သူတို့နှစ်ယောက်က အလွန်ရင်းနှီးသူများဖြစ်သည်။ ဒါတွေအားလုံးက သူနဲ့ He Yan တို့ရဲ့ ဆက်ဆံရေးကို ပထမဆုံး အတည်ပြုခဲ့သည့်နေ့ကပင်။

He Yan သည် ဓာတ်ပုံများကိုမြင်ပြီးနောက် ဖြုတ်ချရန် တစ်စုံတစ်ဦးကိုရှာဖွေရန် Pan Yi ထံ ချက်ချင်းဆက်သွယ်ခဲ့သော်လည်း မည်သို့ပင်ဆိုစေကာမူ မနေ့ညအစောပိုင်းထဲကပင် တင်ထားသောကြောင့် ယင်းပို့စ်ကို မြင်လိုက်ရသည့်အချိန်၌ပင် အချိန်အတော်ကုန်ဆုံးသွားခဲ့ပြီဖြစ်သည်။ ထိုအချိန်အတွင်းတွင် ဒီပုံများကို ကိုယ်တိုင်တွေ့ခဲ့သည်ဖြစ်စေ မတွေ့ခဲ့သည်ဖြစ်စေ ယခုအချိန် လူတိုင်းတွေ့ပြီးသွားလောက်သည်။

ဓာတ်ပုံက အရေးမကြီးပေမယ့် နောက်ဆက်တွဲ ဆွေးနွေးမှုတွေက ပြင်းထန်သည်။

ဓာတ်ပုံတွေတင်ထားတဲ့ ပို့စ်ကို ဖျက်လိုက်ပေမယ့် လူထုအမြင်ကတော့ ပျောက်မပျက်သွားပေ။ ယခုဆိုလျှင် ဖိုရမ်တစ်ခုလုံးရှိ မှတ်ချက်များကို အုပ်စုသုံးစုခွဲထားနိုင်သည်။