ကမ်းကုန်အောင်အလိုလိုက်ခံထားရသည့် အမျိုးသားဇနီးသည် [ဘာသာပြန်]

23

U••

[Countdown to Wedding]

နံနက်မိုးလင်းလာသည့်နှင့်နီးတူ နေရောင်ခြည်ကလည်း လိုက်ကာစကိုဖြတ်၍ အိပ်ပျော်နေသောလူငယ်လေးနှစ်ယောက်ထံဖြာကျကာ နွေးထွေးမှုပေးနေ၏။

ရှန်ယွီရှန်း၏နေ့စဉ်နေ့တိုင်းအကျင့်အရ နံနက် ၇ နာရီထိုးသည်နှင့်မျက်လုံးကအော်တိုပွင့်လာလေသည်။ စက္ကန့်အနည်းငယ်လောက် အိပ်စုံမှုန်ဝါးဖြစ်နေပြီးသည့်နောက် သူ့ရင်ခွင်ထဲမှကောင်လေးထံသို့အကြည့်ပို့လိုက်၏။

နွေးထွေးသောနေရောင်ခြည်က ချန်းနင်၏မျက်နှာပေါ်သို့ဖြာကျလျက်။ မျက်တောင်ရှည်လေးများက မျက်ဝန်းပေါ်အရိပ်ကျနေကာ ထင်ရှာသောမျက်ခုံးတန်းလေးများ၊ နှာခေါင်ချွန်ချွန်လေးနှင့် နူးညံ့သောနှုတ်ခမ်းပါးတို့က ဖြားယောင်းသွေးဆောင်နေပေတော့သည်။ ယွီရှန်း၏လက်မောင်းကိုခေါင်းအုံးအဖြစ်အသုံးပြုရင်း ချန်းနင်ကညှင်သာစွာအသက်ရှုကာ အိပ်မောနေကျနေ၏။

ခပ်ဖူးဖူးနှုတ်ခမ်းလေးများမှတစ်ဆင့် အဖျားလေးအထိ ပွတ်ဆွဲနမ်းရှိုက်သွားရင်း ယွီရှန်း၏အကြည့်များကပို၍စူးရှလာတော့သည်။

နှောင်ယှက်မှုကိုသည်းမခံနိုင်တော့သည့်အဆုံး ချန်းနင်လဲနိုးလာ၏။ သူပထမဆုံးမြင်လိုက်ရသည်က ချောမောခန့်ညားသောထိုလူ၏မျက်နှာဖြစ်ကာ နှုတ်ခမ်းမှစိုစွတ်ပူနွေးသောအထိအတွေ့ကိုလဲခံစားလိုက်ရသည်။

"အွန်း..."

မနက်အစောပိုင်း၍ အနမ်းခိုးခြင်းကိုတားမြစ်သည့်ပုံစံဖြင့် သူခပ်တိုးတိုးလေးအသံပြုလိုက်လေသည်။

နမ်းရှိုက်ရင်းဖြင့်သူ့ချစ်သူလေးကိုနှိုးလိုက်မိပြီမှန်းသိသည်မို့ ယွီရှန်းက လူငယ်လေးကိုဝါးမြိုပစ်တော့မည့်အလား အနမ်းကိုပိုနက်ရှိုင်းဖို့ပင်ဆုံးဖြတ်လိုက်တော့သည်။

မိနစ်အနည်းငယ်ကြာသည်အထိနမ်းပြီးနောက် သတိလစ်လုဆဲဆဲချစ်သူလေးကို ယွီရှန်းကနောက်ဆုံး၌တွန့်ဆုတ်စွာလွှတ်ပေးလိုက်တော့သည်။ အနည်းငယ်ဖူးယောင်နေသော နှုတ်ခမ်းပါးလေးကို ပြွတ်ခနဲနမ်းကာအဆုံးသတ်ပြီးနောက် ယွီရှန်းကပျော်ရွှင်စွာနှုတ်ဆက်လာသည်။