ကမ်းကုန်အောင်အလိုလိုက်ခံထားရသည့် အမျိုးသားဇနီးသည် [ဘာသာပြန်]

41

U••

[ယင်မိသားစု၏အဆုံးသတ်-၃]

ရှန်ယွီရှန်း သည် သူ့လက်ထဲတွင် ဝိုင်တစ်ခွက်ကို ကိုင်ကာ ဟယ့်ချန်းနင် အနားတွင် အမြဲရှိနေခဲ့သည်။ တစ်ယောက်ယောက်က စကားစမြည်လာပြောတိုင်း သူ့မျက်နှာမှာ ဘာအမူအရာမှမရှိပဲကိုင်တွယ်ဖြေရှင်း၏။ ဟယ့်ချန်းနင် ကလည်း ပြုံးပြုံးရွှင်ရွှင်သာစကားပြောရင်း မျက်လုံးထောင့်ကနေ လင်ကျင်းရှန်၏ဖျော့တော့နေသော မျက်နှာကိုကည့်လျက်။ သူ့ကို စိုက်ကြည့်နေတဲ့ သွေးရောင်မျက်လုံးတွေနဲ့ ထိုမျက်နှာက တုန်လှုပ်ခြောက်ခြားနေသလို တွန့်လိမ်နေ၏။ ရှန်ယွီရှန်း ကိုကြည့်သောအခါတွင်မူ မထင်မရှား စွဲလမ်းမှုများစွာကအထင်းသား။ ဟယ့်ချန်းနင် သည် သူ့စိတ်ထဲတွင် ပျို့အန်ချင်လာရုံမှတပါး မကူညီနိုင်ပေ။

တော်တော်မိုက်မဲတဲ့မိန်းမပဲ။ စိတ်ခံစားမှုနှစ်ခုကြား ပြောင်းလဲနေတဲ့မျက်နှာကို သူမကပေါ်သွားမှာတောင်မကြောက်တော့ဘူး။ အဲ့လောက်တောင်မျက်နှာကြွက်သားတွေကို ပြင်းပြင်းထန်ထန် အလုပ်ပေးနေလို့ကတော့ မျက်နှာတစ်ခုလုံး ပုံပျက်သွားတော့မှာပဲ ကျစ် ကျစ်~

ယင်ဟောက်သည် ဟယ့်ချန်းနင်ကို တစ်ယောက်တည်း ပြင်ဆင်ထားသည့်နေရာသို့ ခေါ်သွားဖို့ ရှန်ယွီရှန်း ကို ဖယ်ထုတ်ရန် အခွင့်အလမ်းကို အမြဲရှာချင်နေ၏။ သို့သော်လည်း ဤလူနှစ်ယောက်က ကိုယ်ချင်းဆက်အမြွှာများကဲ့သို့ တစ်ယောက်က ရွေ့သွားတိုင်းနောက်တစ်ယောက်က အတူလိုက်သွားသည်မှာ တစ်စက်လေးပင်မခွဲခွာကြ။

မင်္ဂလာပွဲ ပြီးဆုံးတော့မှာမို့ ယင်ဟောက်က အလုပ်မဖြစ်မည်ကိုစိုးရိမ်နေကာ တခြားယောက်ျားကို ကြည့်ရင်း စွဲစွဲလန်းလန်းဖြစ်နေသော သူ့ဇနီးအမျိုးသမီးကို လှည်ကြည့်လိုက်မိ။ သူ့နှလုံးသားက မီးတောက်သွားပေမယ့် အမှားအယွင်းတစ်ခုခုရှိလာမည်စိုးသဖြင့် နှလုံးသားထဲက ဒေါသတွေကို ထိန်းဖို့ ပိုကြိုးစားရင်း ပိုကြိုးစားနေရသည်။ ထို့နောက်သူက ခပ်တိုးတိုးဆိုလာ၏။ 

"Jingxian မင်း ပင်ပန်းနေလား? ပင်ပန်းရင် အနားယူလေ"

ယင်ဟောက် ၏မေးခွန်းသည် လင်ကျင်းရှန် ကို လက်တွေ့ဘဝသို့ ပြန်လည်ရောက်ရှိစေပြီး သူမ၏အပြုအမူကို ဖုံးကွယ်ဖို့ကြိုးစားလိုက်၏။