Unicode
Extra-3
ပတ်ပတ်လည်ရှိ အမှောင်ထုကြီးအား ကြည့်ကာ ရီဟွားဆွံ့အသွားရသည်။ သူ ရောက်ရှိနေသောနေရာအား နားမလည်နိုင်။
ပုံဆွဲပြီး ပင်ပန်းသောကြောင့် တရေးအိပ်လိုက်ခြင်းအား မှတ်မိသည်။ သူ ဘာလို့ ဒီကို ရုတ်တရက်ရောက်လာရတာလဲ။
"ရှင်း...ရှင်း ဘယ်မှာလဲ"
ပတ်ပတ်လည် လှည့်ကာ ချစ်ရသူ နာမည်အား သူ အော်ခေါ်နေမိသည်။
သူ၏ရှေ့ မလှမ်းမကမ်းတွင် ပေါ်လာသော နောက်ကျောပေးထားသည့် ပုံရိပ်တစ်ခု။ ရီဟွား ကြောက်ရွံ့သွားရသော်လည်း ထိုလူက သူ့ဖက် မျက်နှာလှည့်လာသောအခါတွင်မူ ပျော်ရွှင်သွားရသည်။
"ရှင်း ဘယ်ပျောက်နေတာလဲ...ကျွန်တော် အရမ်းစိုးရိမ်နေတာ"
အနည်းငယ်ကွာဝေးသောနေရာတွင် ရပ်နေသောရှင်းက သူ့အား ပြုံးပြလာသည်။
"ကိုယ်အခုရောက်လာပြီလေ...ဘာမှမဖြစ်တော့ဘူး...မစိုးရိမ်နဲ့"
ရီဟွား ရှင်းအား ခေါင်းညိတ်ပြလိုက်သည်။
" ဒါ ဘယ်နေရာရောက်နေတာလဲ ရှင်း...မနက်ဖြန် ကျွန်တော့်အတွက် အရေးကြီးတဲ့နေ့ပဲ...ကျွန်တော်လုပ်စရာတွေရှိသေးတယ်...ဒီကထွက်နိုင်အောင် လုပ်ပေးပါဦး"
သူ၏ အပြောကြောင့် ရှင်းက သူ့အား စူးစမ်းသလိုကြည့်လာသည်။ ရီဟွား ရှင်းအကြည့်ကြောင့် စိတ်ထဲထူးဆန်းသွားရ၏။
"မနက်ဖြန် ကိုယ့်အတွက်လည်း အရေးကြီးတယ်လား...ကိုယ် အခုတလော ကျင့်စဥ်မကျင့်ဖြစ်တော့ စွမ်းအားတွေလျော့လာပြီးခဏခဏ သတိမေ့နေတတ်လို့"
ရီဟွား ရှင်းအား မကျေနပ်သော မျက်နှာအမူအရာဖြင့် ကြည့်လိုက်၏။
"မနက်ဖြန် ကျွန်တော့်ရဲ့ ဒီဇိုင်းပြပွဲလေ...ဒါလေးတောင် မမှတ်မိဘူးလား...ကျွန်တော့်လည်ပင်းက ဆွဲကြိုးက အဓိကပြမယ့် ဒီဇိုင်း...ဒီ ဒီဇိုင်းအတွက် အချိန်အများကြီးပေးထားရတာ...လှတယ်မလား"
သူ၏ အမေးအား ရှင်းက ပြုံး၍ ပြန်ဖြေလာသည်။
"အင်း လှတယ်"
YOU ARE READING
ရာဇဝင်ထဲက ကျွန်တော့်ချစ်သူ(Complete)
Historical FictionZawgyi "ကိုယ့်ပြည်သူတွေ ကိုယ်ဂရုစိုက်ပါတယ်။ ဒါပေမဲ့ မင်းနဲ့ယှဥ်လာရင်တော့ ကိုယ်မင်းတစ်ယောက်ကိုပဲ မြင်တယ်" ကံကြမ္မာသည် ဆန်းကြယ်လွန်းလှသည်။ ရာဇဝင်ထဲ အချိန်ခရီးသွားပြီးနောက် သူ၏နှလုံးသားတစ်ခုလုံးနှင့်ရင်း၍ ချစ်ရသူအား ရှာဖွေတွေ့ရှိခဲ့သည်။ Unicode "ကိုယ့္...
