Unicode
အပိုင်း(၁၂) ဆီမီးလွှတ်ပွဲ၌ တစ်ညတာ
တောင့်တင်းသန်မာပုံရသော သူ့အား ရင်ခွင်ထဲထည့်၍ ဖက်ထားသူကြောင့် ရီဟွား လူအုပ်၏ တွန်းထိုးခံရမှုများမှ ကင်းလွတ်သွားရသည်။
သူ ခေါင်းမော့ ကြည့်လိုက်တော့ နူးညံ့သော မျက်ဝန်းများဖြင့် သူ့အား ကြည့်နေသော ရှင်းအား မြင်လိုက်ရသည်။
"ရှင်း"
"ခုထိ ဒဏ်ရာ အရှင်းမပျောက်သေးတာကို အိမ်မှာနားမနေဘဲ ဘယ်လိုလုပ် လူအုပ်ကြားထဲရောက်နေရတာလဲ...ကိုယ့်ဘေးမှာဘဲ အမြဲနေခိုင်းထားစေချင်တာလား"
ရှင်းလို အလုပ်အရမ်းများသည့် ဧကရာဇ်တစ်ပါးက လူအုပ်ကြားထဲရောက်ရှိနေမည် မထင်သောကြောင့် ရီဟွား အတန်ကြာ ဆွံ့အနေမိသည်။
တဖြည်းဖြည်းနှင့် လူအုပ်သည် စဲသွားပြီး လမ်းမထက်တွင် လူနည်းစုသာ ကျန်ရှိနေတော့သည်။
ရှင်းသည် သူ့ကို ဖက်ထားသော လက်အား လွှတ်ပေးလာသည်။
"ဆီမီးလွှတ်ပွဲ ကြည့်ချင်လို့ တစ်ယောက်တည်း ထွက်လာတာလား"
"အင်း ရှင်းရော"
ရီဟွား ရှင်းရန်အား ထိခိုက်မည် စိုးရိမ်သောကြောင့် လိမ်ညာလိုက်သည်။
"ကိုယ်က တချို့ကိစ္စလေးတွေရှိလို့"
ရီဟွား ရှင်းအား ငေးကြည့်နေလိုက်မိသည်။ အဖြူရောင်ဝတ်ရုံရှည်နှင့် အဖြူရောင် ခေါက်ယပ်တောင်အား ကိုင်ဆောင်ထားကာ သာမန်သခင်လေးတစ်ယောက်အလား ရုပ်ဖျက်ထားသည့် ရှင်းသည် အမြဲမြင်တွေ့နေကြအတိုင်း ဘယ်အချိန်ကြည့်ကြည့် ကြည့်ကောင်းကာ ကျက်သရေရှိနေသည်။
"ကိုယ့်ကို ငေးလှချည်လား"
ရှင်းသည် ကိုင်ထားသော ခေါက်ယပ်တောင်ဖြင့် သူ၏ နဖူးအား မနာအောင် ခပ်ဖွဖွခေါက်ကာ ပြောလာသည်။
"လာ ကိုယ်တို့ ဒီရောက်တုန်း ဆီမီးလွှတ်ပွဲကြည့်သွားရအောင်"
ရှင်းက သူ၏ လက်တစ်ဖက်အား ဆွဲကိုင်ကာ ရှေ့မှ ဦးဆောင်ခေါ်သွားလေသည်။ ရှင်း ခေါ်ရာနောက်သို့ သူ လက်ဆွဲကာ လိုက်သွားလိုက်သည်။
YOU ARE READING
ရာဇဝင်ထဲက ကျွန်တော့်ချစ်သူ(Complete)
歷史小說Zawgyi "ကိုယ့်ပြည်သူတွေ ကိုယ်ဂရုစိုက်ပါတယ်။ ဒါပေမဲ့ မင်းနဲ့ယှဥ်လာရင်တော့ ကိုယ်မင်းတစ်ယောက်ကိုပဲ မြင်တယ်" ကံကြမ္မာသည် ဆန်းကြယ်လွန်းလှသည်။ ရာဇဝင်ထဲ အချိန်ခရီးသွားပြီးနောက် သူ၏နှလုံးသားတစ်ခုလုံးနှင့်ရင်း၍ ချစ်ရသူအား ရှာဖွေတွေ့ရှိခဲ့သည်။ Unicode "ကိုယ့္...
