အပိုင်း(၂၅)
မေချင်းနတ်ဘုရားမမှန်း သိရှိခြင်း
အနီရောင်များဖြင့် အလှဆင်ထားသော မင်္ဂလာဦးအခန်းထဲတွင် အနီရောင်ဝတ်စုံများအား ဆင်မြန်းထားသည့် သတို့သားနှင့် သတို့သမီးတို့သည် ကုတင်ပေါ်တွင် ဘေးချင်းကပ်ထိုင်နေကြသည်။
ရှင်းရန် သူ(မ) ခေါင်းထက်ရှိ ပုဝါအား လက်တဖက်ဖြင့် ဆွဲချွတ်လိုက်ပြီး ကျောက်ဟွမ်အား ကြည့်လိုက်သည်။
"ကျောက်ဟွမ် နေရခက်မနေနဲ့...နင်နဲ့ငါ ငယ်ကတည်းက အတူတူကြီးလာတာ...နင် ငါ့ကို စိတ်မဝင်စားမှန်း ငါသိတယ်...ငါလည်း နင့်ကို စိတ်မဝင်စားဘူး"
ရှင်းရန်၏ အပြောကြောင့် ကျောက်ဟွမ် ရှင်းရန်အား ကြည့်လိုက်မိသည်။ သူ့စိတ်ထဲတွင်လည်း ရှင်းရန်အား အမှန်ပင် မိန်းမတစ်ယောက်ဟု မခံစားရ။ ရှင်းရန်နှင့် ပတ်သတ်၍ သူ၏ စိတ်ဝင်စားမှုသည်လည်း အောက်ဆုံးအဆင့်တွင် ဖြစ်သည်။
ရှင်းရန်သည် ဆက်၍ ပြောလာလေသည်။
"ငါတို့မိဘတွေအတွက် လက်စားချေဖို့ လက်ထပ်လိုက်ရတာ...နင်နဲ့ငါ ဆက်ဆံရေးက အရင်တိုင်းပဲ ဘာမှပြောင်းလဲသွားမှာ မဟုတ်ဘူး...အဲဒါကြောင့် အရင်လိုပဲ ပြောဆိုဆက်ဆံမယ်"
ရှင်းရန်၏ စကားတို့သည် သူတို့ကြား နေရခက်နေ ခြင်းမှ သက်သာသွားစေသည်။
"ကောင်းပြီ...ရှင်းရန် ငါတို့က အမြဲ သူငယ်ချင်းပဲ...အဲဒါကြောင့် နောက်ကျ နင်လည်း နင်ကြိုက်တဲ့သူပြန်လက်ထပ်လို့ရတယ်...ငါလည်း ငါကြိုက်တဲ့သူ ပြန်ယူမယ်"
"ကျောက်ဟွမ်...နင်ကပြန်လက်ထပ်လို့ရတယ်...ငါကမိန်းကလေး ပြန်လက်ထပ်လို့ မရဘူး"
"ငါသာ ဘုရင်ဖြစ်လာရင် နင်ကြိုက်တဲ့သူ လက်ထပ်လို့ရတယ်...နင်က ငါ့သူငယ်ချင်းပဲ ငါဒီလောက်တော့ပြန်ကူညီမှာပါ...နင်ကြိုက်တဲ့သူကိုသာ လက်ညိုးထိုးလိုက် အပိုင်သိမ်းရအောင် ငါကူညီမယ်"
"ဟီးဟီး ဒါမှ ငါ့သူငယ်ချင်း"
ထို့နောက် နှစ်ယောက်သည် တစ်ယောက်မျက်နှာ တစ်ယောက်ကြည့်ပြီးနောက် ရယ်လိုက်ကြလေသည်။
YOU ARE READING
ရာဇဝင်ထဲက ကျွန်တော့်ချစ်သူ(Complete)
Historical FictionZawgyi "ကိုယ့်ပြည်သူတွေ ကိုယ်ဂရုစိုက်ပါတယ်။ ဒါပေမဲ့ မင်းနဲ့ယှဥ်လာရင်တော့ ကိုယ်မင်းတစ်ယောက်ကိုပဲ မြင်တယ်" ကံကြမ္မာသည် ဆန်းကြယ်လွန်းလှသည်။ ရာဇဝင်ထဲ အချိန်ခရီးသွားပြီးနောက် သူ၏နှလုံးသားတစ်ခုလုံးနှင့်ရင်း၍ ချစ်ရသူအား ရှာဖွေတွေ့ရှိခဲ့သည်။ Unicode "ကိုယ့္...
