အပိုင်း(၄၀)
နောက်ဆုံး နှုတ်ဆက်ရခြင်း
ရီဟွား ရေဆာသောကြောင့် စားပွဲပေါ်ရှိ ရေကရားအိုးထဲမှ ရေအား ရေခွက်ထဲငှဲ့၍ သောက်ရန်ယူလိုက်သည်။
စိတ်ရှုပ်ထွေးနေသောကြောင့် ခွက်အား အာရုံမစိုက်မိ။ ပါးစပ်နားတေ့ကာနီးမှ ရင်ထဲ ဆစ်ကနဲ နာကျင်မှုကြောင့် လန့်ကာ ကြွေခွက်လေးအား လွှတ်ချလိုက်မိသည်။
"ခွမ်း"
အစိတ်စိတ်အမြွှာ ကွဲကြေသွားသော ကြွေခွက်လေးအား ကြည့်ကာ ရီဟွား ရင်ထဲနာကျင်လာသည်။ စိတ်ခံစားချက်တို့ လုံးဝမကောင်းတော့ချေ။ မကောင်းတာ တစ်ခုခုဖြစ်တော့မည်ဟု ရင်ထဲ ခံစားနေရသည်။
"ဧကရီ...ဧကရီ တစ်ခုခုများ ဖြစ်လို့လား"
အပြင်ဘက် အစောင့်တစ်ယောက်၏ မေးမြန်းမှုအား ရီဟွားပြန်ဖြေကြားလိုက်သည်။
"ဘာမှမဖြစ်ဘူး...ရေခွက်ကျကွဲတာ"
အပြင်မှ အသံထပ်၍ ထွက်ပေါ်လာခြင်း မရှိတော့ချေ။
တခဏအကြာ နန်းဆောင်တံခါးပွင့်လာပြီး ရှောင်ကုန်းဇီ ထိတ်လန့်သော အမူအရာဖြင့် နန်းဆောင်ထဲ ဝင်လာလေသည်။
"ဧကရီ ဧကရီ"
"ရှောင်ကုန်းဇီ ဘာလို့ ဒီလောက် ပျာယာခတ်နေတာလဲ"
"ဧကရီ စစ်သူကြီး...စစ်သူကြီး"
ဆက်၍ ပြောမလာသော ရှောင်ကုန်းဇီကြောင့် ရီဟွား လွန်စွာစိုးရိမ်သွားရသည်။ ရေခွက်ကျကွဲခြင်းနှင့် ပတ်သတ်၍ ခံစားချက်မကောင်းသောကြောင့် ရီဟွား အမြန်မေးလိုက်၏။
"အကိုကြီး အကိုကြီး ဘာဖြစ်လို့လဲ"
"စစ်သူကြီး ဆုံးပြီတဲ့"
ရီဟွား မယုံကြည်နိုင် ဖြစ်သွားရသည်။ သူ၏ လက်ထပ်ပွဲအား သေချာပေါက်တက်ရောက်မည်ဟု ကတိပေးခဲ့သော အကိုကြီးက..။
မဖြစ်နိုင်။ လုံးဝ မဖြစ်နိုင်။ သူ လုံးဝ လက်မခံနိုင်ပါ။
"ရှောင်ကုန်းဇီ မင်းခုလို မဟုတ်တဲ့သတင်းတွေ သယ်လာပြီး လျှောက်ပြောနေရင် ငါကိုယ်တိုင် ကျောက်ဟွမ် လက်ထဲမင်းကိုသတ်ဖို့ အပ်လိုက်မယ်"
YOU ARE READING
ရာဇဝင်ထဲက ကျွန်တော့်ချစ်သူ(Complete)
Historical FictionZawgyi "ကိုယ့်ပြည်သူတွေ ကိုယ်ဂရုစိုက်ပါတယ်။ ဒါပေမဲ့ မင်းနဲ့ယှဥ်လာရင်တော့ ကိုယ်မင်းတစ်ယောက်ကိုပဲ မြင်တယ်" ကံကြမ္မာသည် ဆန်းကြယ်လွန်းလှသည်။ ရာဇဝင်ထဲ အချိန်ခရီးသွားပြီးနောက် သူ၏နှလုံးသားတစ်ခုလုံးနှင့်ရင်း၍ ချစ်ရသူအား ရှာဖွေတွေ့ရှိခဲ့သည်။ Unicode "ကိုယ့္...
