ရာဇဝင်ထဲက ကျွန်တော့်ချစ်သူ(Complete)

အပိုင်း(၁၈) ရွှေကြာပန်းအား ရယူရန် ကြိုးစားခြင်း

Unicode

အပိုင်း(၁၈) ရွှေကြာပန်းအား ရယူရန် ကြိုးစားခြင်း

ရီဟွား ဟူရာချောက်ကမ်းပါးဆီသို့ ရောက်ရန် စိတ်လောနေမိသည်။ သူ၏ကိုယ်သည် ခရီးပန်းသောကြောင့် နာကျင်ကိုက်ခဲနေသော်လည်း သတိမမူမိ။ သူ၏ စိတ်ထဲတွင် အချိန်မီ ရွှေကြာပန်းရရန်သာ အရေးကြီးနေသည်။

ဟူရာချောက်ကမ်းပါးသည် ဟူရာတောင်ထိပ်တွင် ရှိသောကြောင့် သူကြိုးစားပန်းစား တောင်တက်နေသည်မှာ သုံးနာရီခန့်ပင် ရှိနေပြီ။ ဟူရာချောက်ကမ်းပါးနှင့်နီးလေ တောရိုင်းတိရစ္ဆာန်များ၏ အန္တရာယ်နှင့် ရင်ဆိုင်ရနိုင်လေ ဖြစ်သောကြောင့် သူ ပိုပြီး သတိထားနေရသည်။

အရမ်းပင်ပန်းလာသောကြောင့် လွယ်ထားသော အိတ်အား ဘေးချလိုက်ပြီး သစ်ပင်တစ်ပင်အောက်တွင် ရီဟွား ခဏအပန်းဖြေလိုက်သည်။

သူ ရွှေကြာပန်းကိုယူရန် အတော်လေး စိတ်ဆောင်နေသော်လည်း သူ၏ ခန္ဓာကိုယ်သည်တော့ စိတ်စေရာအတိုင်း မလိုက်နိုင်တော့ပေ။ သူ မျက်လုံးများ မှေးစင်းကာ အိပ်ပျော်သွားသည်။

သူ မှီကာ အိပ်ပျော်နေသော သစ်ပင်ထက်မှ အတော်အတန် ရှည်လျားသော မြွေစိမ်းတစ်ကောင် လျောဆင်းလာလေသည်။ ရီဟွား၏​​လည်ပင်းနားရောက်သည်နှင့် မြွေသည် ပါးပြင်းထောင်ကာ ကိုက်ရန်ပြင်လိုက်သည်။

ရုတ်တရက် လင်းလက်သွားသော အလင်းရောင်များနှင့်အတူ မြွေ၏ကိုယ်သည် အဝေးသို့ လွင့်စင်သွားပြီး ချောမောသော ယောကျာ်းတစ်ယောက်၏ ပုံရိပ်သည် နှစ်ခြိုက်စွာ အိပ်မောကျနေသော ဝူရီဟွားရှေ့တွင် ပေါ်လာလေသည်။

ထိုသူသည် အနက်ရောင်ဝတ်ရုံကို ဝတ်ဆင်ထားပြီး ရှည်လျားနက်မှောင်သော ဆံနွယ်များ၊ စူးရှနက်မှောင်သော မျက်ဝန်းများနှင့် လွန်စွာကြည့်ကောင်းလွန်းသော ရုပ်ရည်ကို ပိုင်ဆိုင်ထားသည်။

"မင်း သူ့ကို အဲလောက်ထိ ဂရုစိုက်တာလား"

ထိုသူ၏ အဓိပ္ပါယ်ဖော်ရခက်သော မျက်ဝန်းများသည် ရီဟွားအား စိုက်ကြည့်နေခဲ့သည်။

"မင်း သူ့အပေါ် ခံစားချက်ရှိနေတာလား...ဘာလို့ သူ ဖြစ်နေရတာလဲ"