ရာဇဝင်ထဲက ကျွန်တော့်ချစ်သူ(Complete)

Extra-1

Extra 1

"ရှင်း ထဦး ထဦး"

မနက်အစောကြီး အနှိုးခံလိုက်ရသောကြောင့် ရှင်းယွဲ့ မျက်လုံးများ ပွင့်လာရသည်။ သူ့အား လှုပ်နှိုးနေသည့် တရားခံမှာ တခြားသူ မဟုတ်။ သူ့ချစ်သူ ရှောင်ဟွားပင်။

"ဘာဖြစ်လို့လဲ ရှောင်ဟွား"

"ရှင်း ကျွန်တော် မနေ့ညက ဒီဇိုင်းဆွဲထားတဲ့ စာရွက်ပျောက်သွားလို့"

"စာရွက်ပျောက်တာ ကိုယ့်ကို ကူရှာပေးစေချင်တာလား...အဲဒါကြောင့် လာနှိုးတာလား"

"ကျွန်တော့်စာရွက် သူခိုး ခိုးသွားပြီထင်တယ်...ကျွန်တော် လိုက်ရှာတာ နှံ့နေပြီ...ဘယ်မှာမှ မတွေ့သေးဘူး...ကျွန်တော် တညလုံး ဆွဲထားတာလေး သွားပါပြီ...အဲဒီ ဒီဇိုင်းသာထွက်လာရင် ငွေသန်းချီ ကျွန်တော်ရမှာ"

မကျေနပ်စွာ ဆက်တိုက် ရေရွတ်နေသော ရှောင်ဟွားကြောင့် ရှင်းယွဲ့ အိပ်ချင်စိတ်များပင် ပျောက်သွားရသည်။

"အဲသူခိုး ရဲတိုင်မယ်...24နာရီအတွင်း ရအောင်ဖမ်းခိုင်းမယ်...တစ်ညလုံး ဆွဲထားတာ မကျေနပ်ဘူး...အပြင်ဘက် CCTVတွေ ပြန်စစ်ရမယ်...သူခိုးစုတ် ငါ့လက်ထဲက ပြေးမလွတ်စေရဘူး...ငါ ရအောင် ဖမ်းပြမယ်"

ရှင်း ရှောင်ဟွားအား ကြည့်ကာ စိတ်လေသွားရသည်။ မနေ့ညက သူတို့မအိပ်ခင် စုံထောက်ကား တစ်ကား ကြည့်ဖြစ်ကြသည်။ ပျင်းစရာကောင်းသောကြောင့် ရှင်းယွဲ့ စောစောအိပ်ရာဝင်လိုက်သော်လည်း သူ ထလာသည်အထိ ရှောင်ဟွား ကြည့်ကောင်းနေဆဲပင်။ သူ အိပ်ပျော်မသွားခင်ထိ အိပ်ရာပေါ် ရှောင်ဟွားရောက်မလာခဲ့။ ကြည့်ရတာ ညက စုံထောက်ကား အကြည့်လွန်သွားပုံရသည်။

"ခြေရာလက်ရာ ပျက်လို့ မဖြစ်ဘူး...ရှင်း ဘာပစ္စည်းမှ မထိနဲ့...လက်ဗွေရာ ပျက်သွားလိမ့်မယ်"

ရှင်း ရီဟွားအား ကြည့်ကာ ခေါင်းခါရမ်းလိုက်မိသည်။

သူ၏ လက်အား ဝှေ့ယမ်းလိုက်တော့ ရွှေရောင်အလင်းတန်းများ နေရာအနှံ့တွင် ထွက်ပေါ်လာကြသည်။ ထို့နောက် အလင်းများသည် သူ၏ ဘေးရှိ ရှောင်ဟွား ခေါင်းအုံးတွင် စုစည်းသွားကြပြီး ခေါင်းအုံးသည် တဖြေးဖြေး အထက်သို့ မြင့်တက်သွားကြသည်။