Unicode
အပိုင်း(၆.၁)ဇာတ်ကောင် အများကြီး ပေါ်လာပြီ
လွန်စွာ လှပသော နန်းတော်ဥယျာဉ်ထဲတွင် ရီဟွားတစ်ယာက် ပန်းမျိုးစုံအား ရှုစားကာ လမ်းလျှောက်နေသည်။
"အကိုကြီးကလည်း မင်းကြီးက ခေါ်ခိုင်းတယ်လို့ ပြောပြီး ခေါ်လာတယ်...မင်းကြီးနန်းဆောင်လည်း ရောက်ရော အရေးကြီးကိစ္စဆွေးနွေးစရာရှိလို့ ဒီမှာခဏနေခဲ့ဆိုပြီး ပစ်ထားသွားတယ်...ဟိုမင်းကြီးကလည်း လူကိုထွက်တောင် မကြည့်ဘူး...သူတို့ဆွေးနွေးပြီးတဲ့ထိ နန်းဆောင်မှာ စောင့်နေရရင် ငါ ပျင်းပြီးသေသွားလိမ့်မယ်...တော်သေးတယ် ဘုရင့်အပါးတော်မြဲ ရှောင်ကုန်းဇီက ဒီနားဟိုနား လျှောက်သွားခွင့်ပြုလို့...ဒါနဲ့ အနီးအနား မဟုတ်တော့ဘဲ နည်းနည်းဝေးလာသလိုပဲ"
အငြိမ်မနေနိုင်သော ရီဟွားတစ်ယောက် တစ်ယောက်တည်း ပွစိပွစိပြောကာ ဆက်လျှောက်လာသည်။
"ကြည့်ရတာ ငါလေး ယွီလေးနဲ့ အနေများပြီး သူ့အကျင့်တွေ ကူးကုန်တာနေမယ်...ဟုတ်တယ် အဲဒါ သေချာတယ်"
သူ့ဖာသာပြော သူ့ဖာသာ တစ်ယောက်တည်း ဖြေနေလိုက်၏။
တဖြည်းဖြည်း လျှောက်လာရင်း ဥယျာဉ်အလယ် ရေကန်နားရောက်လာသောအခါ သူ၏ ခြေလှမ်းတို့ ရပ်တန့်သွားရသည်။
"ဝိုး....လှလိုက်တာ"
အမှန်ပင် ကြည်လင်နေသော ရေများ ကြာပန်းများဖြင့် ရေကန်ကြီးသည် လွန်စွာလှပနေသည်။ ရေကန်အလယ်တွင် ဇရပ်တစ်ဆောင်ရှိနေပြီး ဥယျာဉ်မြေနှင့် ထိုဇရပ်အား တံတားတစ်ဆင်းက ဆက်သွယ်ပေးထားသည်။ တံတားလက်ရန်းတို့သည် အချိန်ကြာမြင့်စွာရှိခဲ့သောကြောင့် အနည်းငယ် ယိုင်နဲ့နေပုံရသော်လည်း မည်သူမျှသတိမထားမိနိုင်အောင် ပတ်ဝန်းကျင်အလှက အမြင်အား ဆွဲဆောင်နိုင်လွန်းနေသည်။
ရီဟွား တံတားပေါ်မှ ဖြတ်ကာ ရေကန်အလယ် ဇရပ်ဆီသို့ သွားလိုက်ပြီး ရေကန်အလှအား ရှုစားနေလိုက်၏။ အချိန်တော်တော်ကြာအောင် လတ်ဆတ်သောလေအား တဝရှုရှိုက်နေသောကြောင့် ပတ်ဝန်းကျင်အား သတိမထားမိလိုက်။
YOU ARE READING
ရာဇဝင်ထဲက ကျွန်တော့်ချစ်သူ(Complete)
Historical FictionZawgyi "ကိုယ့်ပြည်သူတွေ ကိုယ်ဂရုစိုက်ပါတယ်။ ဒါပေမဲ့ မင်းနဲ့ယှဥ်လာရင်တော့ ကိုယ်မင်းတစ်ယောက်ကိုပဲ မြင်တယ်" ကံကြမ္မာသည် ဆန်းကြယ်လွန်းလှသည်။ ရာဇဝင်ထဲ အချိန်ခရီးသွားပြီးနောက် သူ၏နှလုံးသားတစ်ခုလုံးနှင့်ရင်း၍ ချစ်ရသူအား ရှာဖွေတွေ့ရှိခဲ့သည်။ Unicode "ကိုယ့္...