အပိုင်း(၂၄)
အမှောင်နတ်ဘုရား၏ ခံစားချက်
ရီဟွား အခန်းထဲသို့ ဝင်လိုက်ပြီး နောက်ဘက်မှနေ၍ သူ၏ရှေ့ရှိ အနီရောင်ဝတ်စုံနှင့် မှန်ရှေ့တွင်ထိုင်နေသော မိန်းမလှလေးအား ကြည့်လိုက်သည်။ အမြဲလိုလို အဆော့မက်သည့် မိန်းကလေးနှင့် တစက်မှ မတူခဲ့သော သူငယ်ချင်းမသည် ထူးဆန်းစွာပင် လက်ထပ်ခါနီး တည်ငြိမ်နေသည်။
"ရှင်းရန်"
သူ၏ ခေါ်သံကြောင့် နောက်လှည့်ကြည့်လာသော သူမ။
နှင်းဆီရောင် နှုတ်ခမ်းဖူး၊ ပိတုန်းရောင်ဆံကေသာ၊ လှပသော အဆင်တန်ဆာများ၊ အနီရောင်သတို့သမီးဝတ်စုံတို့ဖြင့် အရမ်းလှပနေသည်။
"ဟွားအယ် နင်ရောက်လာပြီလား"
"အင်း မင်္ဂလာဝေါယာဉ်ရောက်နေပြီ ရှင်းရန်...နန်းတွင်းဝင်ကြစို့"
ရှင်းရန်သည် ထိုင်နေရာမှ ထကာ သူ့ဆီသို့ လျှောက်လှမ်းလာသည်။
"ဒီအိမ်ကို နင့်ကို ပေးခဲ့တယ် ဟွားအယ်...ငါ့အတွက် အဖိုးတန်အိမ်မို့ ငါ ပြန်လာတဲ့ထိစောင့်ရှောက်ပေးပါ"
"စိတ်မပူပါနဲ့...ဟိုမှာသာ ကျန်းမာရေး ဂရုစိုက် ရှင်းရန်"
"အင်း ဟွားအယ်"
ထို့နောက် သူ၏ သူငယ်ချင်းမသည် သူ့အား တင်းကျပ်စွာ ဖက်လိုက်လေသည်။
"ရှင်းရန် အရမ်း မဖက်နဲ့ဦး...နောက်ကျနေပြီ နန်းတော်သွားရတော့မယ်"
ရှင်းရန်သည် တင်းကြပ်စွာ ဖက်ထားခြင်းအား လွှတ်မပေးဘဲ ပိုတိုး၍ပင်ဖက်လာသည်။
"ကျေးဇူးပါ ဟွားအယ်...ငါ့အတွက် လုပ်ပေးခဲ့တဲ့အရာအားလုံးတွက် ကျေးဇူးပါ နင်နဲ့သူငယ်ချင်းဖြစ်ခဲ့ရတာ ငါ့ဘဝအတွက် အကောင်းဆုံးဆုလာဘ်ပဲ...ငါမရှိရင် ကိုယ့်ကိုကိုယ် ဂရုစိုက်ရမယ်နော်"
သူ၏နောက်ကျောဘက်ဆီမှ စိုစွတ်မှုကို ခံစားရသောကြောင့် ရှင်းရန် ငိုနေမှန်း သူသိလိုက်ရသည်။ သူ(မ)၏ ဝူရီဟွားအပေါ် ထားရှိသော သံယောဇဉ်သည် အနှိုင်းအစ မရှိပင်။ ရီဟွားပင်လျှင် ခံစားသိရှိနိုင်သည်။
YOU ARE READING
ရာဇဝင်ထဲက ကျွန်တော့်ချစ်သူ(Complete)
Historical FictionZawgyi "ကိုယ့်ပြည်သူတွေ ကိုယ်ဂရုစိုက်ပါတယ်။ ဒါပေမဲ့ မင်းနဲ့ယှဥ်လာရင်တော့ ကိုယ်မင်းတစ်ယောက်ကိုပဲ မြင်တယ်" ကံကြမ္မာသည် ဆန်းကြယ်လွန်းလှသည်။ ရာဇဝင်ထဲ အချိန်ခရီးသွားပြီးနောက် သူ၏နှလုံးသားတစ်ခုလုံးနှင့်ရင်း၍ ချစ်ရသူအား ရှာဖွေတွေ့ရှိခဲ့သည်။ Unicode "ကိုယ့္...
