အပိုင်း(၄၂)
ပြန်လည်နိုးထလာခြင်း
ကျန်းဖုန်း ရှင်းယွဲ့၏ ကျောပြင်ကို ထိကပ်ထားသည့် လက်တို့အား ချလိုက်သည်နှင့် သူတို့အနီးတစ်ဝိုက်ရှိ အလင်းများ ပျောက်ကွယ်သွားတော့သည်။
သူ၏ တစ်ကိုယ်လုံး အားအင်ချိနဲ့သလို ခံစားနေရသည်။သူ၏အစွမ်းတို့ မလုံလောက်တော့။ သူ သေချာပေါက် အနားယူမှ ဖြစ်တော့မည်။
သို့သော် သူ အနားမယူနိုင်သေး။ ဟွားအား သူကယ်ရပေဦးမည်။
"ကျန်းဖုန်း မင်း အနားယူမှ ဖြစ်မယ်...ငါ့ဒဏ်ရာကို ကုပေးတဲ့ ကျေးဇူးကို ငါတစ်နေ့ပြန်ဆပ်မယ်...ရှောင်ဟွားကိုတော့ ငါ့ဘာသာသွားကယ်လိုက်မယ်"
"မင်း သူ့ကို သေချာပေါက် ကယ်နိုင်တယ်ဆိုတာ ငါသိပါတယ်...သူ အန္တရာယ်ကင်းတာကို ငါ့မျက်လုံးနဲ့ ကိုယ်တိုင်မြင်ချင်လို့"
ရှင်းယွဲ့ ကျန်းဖုန်းအား နားလည်ပေးနိုင်သည်။ ကျန်းဖုန်း၏ ရှောင်ဟွားအပေါ် စိုးရိမ်စိတ်သည် သူနှင့်ထပ်တူထပ်မျှပင်။။
ရှင်းယွဲ့ ရှောင်အန်းဘက် လှည့်ကာ ပြောလိုက်သည်။
"ရီရီ့ ကိုယ်ထဲက ဝိညာဉ်အပိုင်းအစကို ခံစားလိုက်ရတယ်"
ရှောင်အန်း ချက်ချင်း ဖြေကြားလိုက်၏။
"မှန်ပါ အရှင်...မင်းသမီးရီရီ သေဆုံးသွားပါပြီ...သူ(မ)ကိုယ်ထဲက ဝိညာဉ်အပိုင်းအစကို ဝိညာဉ်မီးအိမ်ထဲ ထည့်ယူလာပါတယ်...မင်းသမီးရီရီအပြင် စစ်သူကြီးပါ သေဆုံးသွားတာပါ"
ရှင်းယွဲ့နှင့် ကျန်းဖုန်း၏ မျက်နှာထက်တွင် အံ့သြမှုတို့အထင်းသား ပေါ်လာက သည်။ နှစ်ယောက်လုံး စိုးရိမ်စွာ ပြောလိုက်မိသည်က-
"ရှောင်ဟွား"
"ဟွား"
ထို့နောက် တစ်ယောက်ကို တစ်ယောက် ကြည့်လိုက်မိသည်။
ကျန်းဖုန်း အရင်ဦးစွာ ပြောလိုက်သည်။
"ရှောင်ဟွား တော်တော်ဝမ်းနည်းနေမှာ...ခုချိန် သူ အလိုအပ်ဆုံးက မင်းပဲ ရှင်းယွဲ့...မင်း သူ့ဆီကို အမြန်သွားကယ်မှ ဖြစ်မယ်"
VOUS LISEZ
ရာဇဝင်ထဲက ကျွန်တော့်ချစ်သူ(Complete)
Roman HistoriqueZawgyi "ကိုယ့်ပြည်သူတွေ ကိုယ်ဂရုစိုက်ပါတယ်။ ဒါပေမဲ့ မင်းနဲ့ယှဥ်လာရင်တော့ ကိုယ်မင်းတစ်ယောက်ကိုပဲ မြင်တယ်" ကံကြမ္မာသည် ဆန်းကြယ်လွန်းလှသည်။ ရာဇဝင်ထဲ အချိန်ခရီးသွားပြီးနောက် သူ၏နှလုံးသားတစ်ခုလုံးနှင့်ရင်း၍ ချစ်ရသူအား ရှာဖွေတွေ့ရှိခဲ့သည်။ Unicode "ကိုယ့္...
