Unicode
အပိုင်း(၆.၂) ဇာတ်ကောင်အများကြီး ပေါ်လာပြီ
"ကျောက်ရန် သားတော်က ကိုယ့်ညီမတော်ကို ရေကန်ထဲတွန်းချတဲ့သူကိုကျ အပြစ်မပေးဘဲ ညီမတော်ကို အပြစ်ပေးတယ်ပေါ့လေ"
မယ်တော်ကြီး၏ ဒေါသဖြင့်ဆိုသော စကားကို ဧကရာဇ်ကျောက်ရန် ငြင်းပယ်လိုက်သည်။
"ရှောင်ဟွားက ညီမတော်ကို ထိခိုက်အောင် မလုပ်ပါဘူး...မယ်တော်ကြီး အထင်လွဲနေတာပါ...ကိုယ်တော်ပေးတဲ့ အပြစ်ဒဏ်က မှန်ကန်မျှတတဲ့ အပြစ်ဒဏ်ပါပဲ မယ်တော်ကြီး...ညီမတော် ရီရီကိုတောင် သက်ညှာတဲ့ အပြစ်ဒဏ်ပေးထားတာကို မယ်တော်ကြီးက ကိုယ်တော့်စီရင်ချက်က လွဲမှားနေတယ်လို့ ဆိုလိုချင်တာလား"
မင်းကြီး၏ အပြောအဆိုကြောင့် ရီဟွားစိတ်ထဲဇဝေဇဝါဖြစ်သွားရသည်။ မယ်တော်ကြီးနှင့် မင်းကြီးကြားတွင် ရင်းနှီးသော အရိပ်အယောင်လုံးဝမရှိသည့်အပြင် ရန်သူများနှင့်ပင် ပို၍တူနေသည်။ သူ မင်းကြီးနဲ့ မယ်တော်ကြီး ဇာတ်ကြောင်းထိရောက်အောင် မဖတ်ခဲ့ရသောကြောင့် သူတို့၏ သွေးသားတော်စပ်မှုအား သေချာစွာ မသိရှိပေ။
"ဝူရီဟွားက ရီရီကို တွန်းမချဘူးဆိုတာ သက်သေမပြနိုင်ဘဲနဲ့ သားတော်က စီရင်ချက်ချတာလေ...မယ်တော်က ဘယ်လိုလုပ်ယုံကြည်
ပေးရမှာလဲ"
"ကျွန်တော် သက်သေပြမယ်"
ရီဟွား သူတို့၏ စကားတိုက်ပွဲတွင် ဝင်ရောက်စွက်ဖက်လိုက်သောကြောင့် အားလုံး၏ အကြည့်သည် သူ့ဆီသို့ ကျရောက်လာသည်။
"မင်းက ဘယ်လိုသက်သေပြမှာလဲ"
မယ်တော်ကြီး အနောက်ရှိ အမတ်ဝတ်စုံဝတ်ထားသူသည်လည်း စကားဝိုင်းထဲသို့ ဝင်လာလေသည်။
"တံတားလက်ရန်းနားက ဖိနပ်ရာတွေကို ကြည့်လိုက်လေ...ဒီကိစ္စတွေ အားလုံးဖြစ်ပြီးတဲ့နောက်ကို အဲဒီနေရာ ဘယ်သူမှ မသွားထားဘူး...တံတားပေါ်မှာ သဲတွေရှိနေလို့ လောလောလတ်လတ် ဖိနပ်ရာတွေကျန်ရှိနေလိမ့်မယ်"
YOU ARE READING
ရာဇဝင်ထဲက ကျွန်တော့်ချစ်သူ(Complete)
Historical FictionZawgyi "ကိုယ့်ပြည်သူတွေ ကိုယ်ဂရုစိုက်ပါတယ်။ ဒါပေမဲ့ မင်းနဲ့ယှဥ်လာရင်တော့ ကိုယ်မင်းတစ်ယောက်ကိုပဲ မြင်တယ်" ကံကြမ္မာသည် ဆန်းကြယ်လွန်းလှသည်။ ရာဇဝင်ထဲ အချိန်ခရီးသွားပြီးနောက် သူ၏နှလုံးသားတစ်ခုလုံးနှင့်ရင်း၍ ချစ်ရသူအား ရှာဖွေတွေ့ရှိခဲ့သည်။ Unicode "ကိုယ့္...
