My Cherry Will Explode in the Apocalypse 《Myanmar Translation》

𝙲𝚑𝚊𝚙𝚝𝚎𝚛 𝟷《ကျန့်ယွင်နှင့်‌ နောက်တဖန်ပြန်ဆုံခြင်း》

My Cherry Will Explode in the Apocalypse

Chapter 1

Author: Drunken Light Song
Source: Jostena M
Translator: オタク

【Unicode】

နေသာနေတဲ့ နေ့လည်ခင်းတစ်ခု၌ စုရွေ့ကျယ် တစ်ယောက် ဘာဘီကျူးဆိုင်တစ်ခုရဲ့အပြင်ဘက်မှာ ရပ်နေရင်း သူ့မျက်လုံးတွေကိုမှိတ်လိုက်ပြီး အသက်ပြင်းပြင်းတစ်ချက်ကိုရှူသွင်းလိုက်တယ်။

သူတစ်ကယ်ကြီး ဒီအနံ့ကို လွမ်းနေခဲ့တာ....

❝ဝူရှူ! ကျနော့်ကို ကြက်ကင်ဆယ်ချောင်း အသားကင်ဆယ်ချောင်း နဲ့ အမဲသားဆယ်ချောင်း ပေးပါ ❞

【 T/N ; ဝူရှူ က ဦးလေးဝူ လို့ ခေါ်လိုက်တာပါ။ 】

စုရွေ့ကျယ် သူ့တံတွေးကိုခက်ခက်ခဲခဲမျိုချလိုက်ရပြီး သူ့ကျောင်း၀တ်စုံ‌ဟောင်းလေးရဲ့အိပ်ကပ်ထဲကနေ
အကြွေတချို့ကိုထုတ်ယူလိုက်ကာ ပေးလိုက်သည်။

ဘာဘီကျူးဆိုင်ပိုင်ရှင် ဝူချီက သက်လတ်ပိုင်းအရွယ် အမျိုးသားတစ်ယောက်ဖြစ်ပြီး အသက်လေးဆယ်နီးပါးလောက်ရှိပြီဖြစ်ကာ သူကပုံမှန်ပုံပန်းသွင်ပြင်နဲ့ အရပ်က 175cm လောက်ရှိသည်။ မျက်မှန်တစ်လက်ကိုတပ်ထားပြီး အလွန်ကိုကျက်သရေရှိပြီး ပြေပြစ်သန့်စင်ကာ နူးညံ့သိမ်မွေ့ ယဉ်ကျေးတဲ့ပုံပေါက်‌သည်။

❝ ရှောင်ကျယ်လား? ဘာလို့ဒီနေ့မှအများကြီး စားတာလဲ? ❞

ဝူချီရဲ့ ဘာဘီကျူးဆိုင်က နံပါတ်တစ်အလယ်တန်းကျောင်းရဲ့ အပေါက်၀နားမှာတည်ရှိသည်။ စုရွေ့ကျယ်က နွေရာသီအာလပ်ရက်‌တွေမှာ အမြဲအချိန်ပိုင်းအလုပ်လာလုပ်လေ့ရှိတာကြောင့် ဝူချီက စုရွေ့ကျယ်နဲ့ ရင်းနှီးပြီး ကောင်လေးကသူ့အစားအစာတွေကို နှစ်သက်တယ်ဆိုတာသူသိတယ်လေ။

ဒါပေမယ့် စုရွေ့ကျယ်ရဲ့ စီးပွားရေးအခြေအနေဟာ အမြဲတမ်းကျပ်တည်းသည်မို့ သူခုနစ်ရက် ရှစ်ရက်လောက်စုပြီးမှသာ အသားတစ်ချောင်း‌လောက်ကို၀ယ်ပြီး သူ့အဖိုးနဲ့မျှစားတတ်သည်။ သူက သူ့ပါးစပ်ထဲဖြည့်ရုံလောက်ကလွဲပြီး ဘယ်တော့မှ ဒီလောက်ပိုက်ဆံအများကြီးမသုံးခဲ့ဖူးဘူးလေ။