My Cherry Will Explode in the Apocalypse
Chapter 21
Author: Drunken Light Song
Source: Jostena M
Translator: オタク【 Unicode 】
လူသုံးယောက်သည် အနောက်ဘက်အခြမ်းရှိပြတင်းပေါက်ဆီသို့လာခဲ့ကြသည်။ ကျန့်ယွင်သည် စုရွေ့ကျယ်ပေးထားသောကြိုးကို ကျွမ်းကျင်စွာချည်နှောင်လိုက်၏။ ထို့နောက် စုရွေ့ကျယ်နှင့် စုန့်ချန်ရှုတို့ကို အရင်ဆုံးဆင်းစေကာ ပြီးမှ သူဖြည်းဖြည်းချင်းဆင်းလာပြီး နောက်ဆုံး၌ကြိုးကို သူတို့ဆီသို့ဖြတ်ယူလိုက်ကာ ချောချောမွေ့မွေ့ရောက်သွားလေသည်။
သို့သော်လည်း ထွက်ပေါက်နားတွင် တစ်စုံတစ်ယောက်ရှိနေ၏။ သေချာတာပေါ့, သူတို့နေရာလွတ်ထဲမှကားကို ထုတ်မောင်းလို့မဖြစ်တော့ချေ။ ထို့ကြောင့် နောက်ကလှည့်ပတ်ပြီး သွားဖို့ဆုံးဖြတ်လိုက်သည်။ သူတို့လမ်းလျှောက်နေစဉ်မှာပဲ အုပ်စုတစ်ခုထဲပြေး၀င်သွားမှန်း ဘယ်သူသိမှာလဲ။
ထိုလူများတွင် အမျိုးသားခြောက်ယောက်နှင့် အမျိုးသမီးသုံးယောက် စုစုပေါင်းကိုးယောက်ရှိလေသည်။သူတို့အားလုံးတွင် ဘေ့စ်ဘောရိုက်တုတ်များ၊ ဂေါ့ဖ်ရိုက်တံများ၊ ထိုင်ခုံခြေထောက်များ နှင့်တခြားကိရိယာများရှိကြပြီး သူတို့သည် အနီးအနားတွင်နေထိုင်ကြသူများဖြစ်နိုင်ကာ စူပါမားကတ်သို့ အစားအသောက်ရှာဖွေရန်အတွက် လာခဲ့ကြခြင်းဖြစ်ပုံရသည်။ ကျန့်ယွင်ဦးဆောင်လာသောလူသုံးယောက်အုပ်စုကိုမြင်ပြီးနောက် သူတို့၏မျက်လုံးများတောက်ပသွားကြလေသည်။ ကြည့်လိုက်ရုံဖြင့်ပင် ကျန့်ယွင်၏ခန္ဓာကိုယ်သည် တိုက်ခိုက်ခြင်းအတွက် အလွန်စွမ်းရည်ရှိနိုင်သည်။ တစ်ခြားနှစ်ယောက်သည် အားနည်းကြသော်လည်း သူတို့လက်များထဲတွင် ဓားများရှိနေကြပြီး အားကောင်းသောတိုက်ခိုက်ရေးအဖွဲ့တစ်ခုလည်းဖြစ်နိုင်သည်။
၀တ်စုံပြည့်၀တ်ထားသောလူတစ်ယောက်သည် ချက်ချင်းရှေ့သို့ထွက်လာကာပြောလာ၏။
“မင်းတို့သုံးယောက်လည်း ဒီကို အစားအသောက်စုဆောင်းဖို့လာခဲ့တာလား”
YOU ARE READING
My Cherry Will Explode in the Apocalypse 《Myanmar Translation》
Romance《 ငါ့ချယ်ရီက ကမ္ဘာပျက်ကပ်ကြီးမှာ ပေါက်ကွဲလိမ့်မယ် 》 ပျက်ကပ်ကြီးမတိုင်မီပြန်လည်မွေးဖွားလာခြင်းရဲ့ အရေးကြီးဆုံးအရာကအဘယ်နည်း? အစားအစာအသီးအနှံတွေသိုလှောင်ခြင်းလား? ဘယ်ဟုတ်လိမ့်ပါ့မလဲ အဲ့ဒါက ပြန်မမွေးဖွားမီ အတိတ်ဘ၀ရဲ့အရေးအပါဆုံးသောသူကိုရှာဖွေဖို့ကြိုးစ...