My Cherry Will Explode in the Apocalypse 《Myanmar Translation》

𝙲𝚑𝚊𝚙𝚝𝚎𝚛 𝟹 《ဆက်ဆံရေးက အလွဲတစ်ခုနဲ့စတင်ခဲ့တယ်》

My Cherry Will Explode in the Apocalypse

Chapter 3

Author: Drunken Light Song
Source: Jostena M
Translator: オタク
.
.
.

【 Unicode 】

300,000 ကျော်သည် စု‌ရွေ့ကျယ်အတွက်တော့ အသားလတ်လတ်ဆတ်ဆတ် ကီလိုထောင်ပေါင်းများစွာ ၀ယ်ရန်လုံလောက်ပေသည်။ နေရာလွတ်တွင် ကြက်နှင့်ဘဲများကိုမွေးမြူရန် ၀ယ်ယူသင့်သလားသူမသိသေးပေ။ ကြက်နှင့်ဘဲများကို၀ယ်ပြီးမွေးထား လိုက်ပါက နောက်ပိုင်းတွင် နေ့တိုင်းစားဖို့ဥများရနိုင်ပြီး တစ်ခါတရံ အသားလတ်လတ်ဆတ်ဆတ်အတွက် တစ်ကောင်လောက်ကိုသတ်နိုင်လေသည်။

သူ့အရင်ဘ၀၌ အစပိုင်းတွင် နေရာလွတ်စွမ်းအားသည် သေပြီးသားပစ္စည်းများကိုသာ သိမ်းဆည်းနိုင်သည်။ နောက်ပိုင်းမှသာ အဆင့်မြင့်လာပြီး အသီးအရွက်များစိုက်ပျိုးလာနိုင်သည့်အပြင် လယ်ကွင်းများထဲ၌ပါ သန္ဓေပြောင်းတိရိစ္ဆာန်များကိုပါ မွေးမြူလာနိုင်ခဲ့သည်။ ကြက်ဘဲများအသက်ရှင်ဖို့နေနေသာသာ အသားစားနိုင်ဖို့က ကောင်းကင်ဘုံတက်နိုင်ဖို့ထက်ပိုခက်လေသည်။ ဒီအချိန်မှာတော့ ပိုကြာရှည်ခံသည့်အသားများကို များများ ပြင်ဆင်ထားရမည်။ နေ့စဉ်သုံးပစ္စည်းများကိုလည်း ပြင်ဆင်ထားရမည်ဖြစ်ပြီး ဆား၊ ပဲငံပြာရည်နှင့် ရှာလကာရည်များကို သိုလှောင်ထားဖို့လည်း လိုအပ်သည့်အပြင် အ၀တ်အစားနှင့် ဖိနပ်များကိုလည်း ၀ယ်ရအုံးမည်ဖြစ်သည်။

သူတွေးတောနေရင်း ယွမ် 300,000 က သိပ်အလုပ်မဖြစ်ကြောင်း စုရွေ့ကျယ် ခံစားလိုက်ရသည်။

ဟေး, ဘယ်လိုပဲဖြစ်ဖြစ် သင်္ဘောကတံတားဆီရောက်လာကတည်းက ဖြောင်ဖြောင့်ပဲလာခဲ့တယ်ဆိုတာ သဘာ၀ပဲလေ*။ ဘာပဲဖြစ်ဖြစ် ဖြိုဖျက်ကြေးငွေအရင်ဆုံးယူကြရအောင်။ လူတွေက အမြဲတမ်းအကြပ်အတည်းနှင့်ကြုံလာတိုင်း လွတ်မြောက်ဖို့နည်းလမ်းတွေပေါ်လာစမြဲပါပဲ။

【 T/N; ပြဿနာနဲ့ကြုံလာရင် ဖြေကို ဖြေရှင်းရမှာပဲလို့ဆိုလိုတာပါတဲ့။ 】

စုရွေ့ကျယ်မျက်လုံးတွေမှိတ်လိုက်ပြီး အိပ်လိုက်တော့သည်။
နောက်တစ်နေ့မှာတော့ စုရွေ့ကျယ်စောစောအိပ်ယာထလိုက်ပြီး သူ့အဖိုးအမှိုက်ကောက်ရာတွင်သုံးလေ့ရှိသော တွန်းလှည်းလေးကိုထုတ်ယူလိုက်ကာ ယမန်နေ့ကပြင်ဆင်ထားသော အသီးအရွက်နှင့် သစ်သီး၀လံများကိုတင်လိုက်ပြီး အရှေ့လမ်းရှိ ဟင်းသီးဟင်းရွက်ဈေးအ၀င်၀သို့ ဆွဲလာလိုက်သည်။