My Cherry Will Explode in the Apocalypse 《Myanmar Translation》

𝙲𝚑𝚊𝚙𝚝𝚎𝚛 𝟺𝟽《အဖိုးတန်ပဲစေ့များ》

My Cherry Will Explode in the Apocalypse

Chapter 43

Author: Drunken Light Song
Source: Callis & Jostena M
Translator: オタク

【 Unicode 】

ထိုနေရာတွင် အထူးသဖြင့် ပွင့်လင်းရိုးသားသော အသားအနည်းငယ်မဲသည့်စစ်သားငယ်လေးတစ်ယောက်ရှိလေ၏။ သူသည် ကျန့်ယွင်အား ကြည့်ပြီး စိတ်လှုပ်ရှားလျက်

“ခင်ဗျား စွမ်းအားတစ်ခုကို သုံးခဲ့တာနော် ဟုတ်တယ်မလား? ခင်ဗျားရဲ့ စွမ်းအားရဲ့ အသုံး၀င်ပုံကဘာလဲဟင်? အရမ်းစွမ်းအားကြီးတဲ့ဖုတ်ကောင်တွေအားလုံးကိုတစ်ကြိမ်တည်းနဲ့ဖိနှိပ်ထားနိုင်လောက်အောင် ဘယ်လိုတောင်စွမ်းအားကြီးလိုက်သလဲ?”

“မှန်တယ် မှန်တယ်၊ ညီငယ်လေး မင်းမှာစွမ်းအားရှိလား? ”

စုရွေ့ကျယ်အား မေးမြန်းကြသောလူများလည်းရှိ၏။ အရင်ကဆို ဘယ်လောက်ပဲ ကြီးကြီးမားမား ပစ်ခတ်ခဲ့သော်လည်း အသုံးမ၀င်ပေမယ့် စုရွေ့ကျယ် သူ့သေနတ်မှ အကြိမ်အနည်းငယ် ပစ်ခတ်ခဲ့ရုံသာ။ ဖုတ်ကောင်တွေရဲ့ ခန္ဓာကိုယ်တစ်ခုလုံးက ပစ်လဲကျသွားပြီး အလွန်ကို ထိတ်လန့်စရာပင်။

“အို့၊ ခုဏက လူချောလေးက ဘာလို့မလာတာလဲ? သူကလည်း စွမ်းအားရှင်တစ်ယောက်ဖြစ်ရမယ် ”

သူတို့ပြောနေသော ထိုလူမှာ ကျန့်ကျားဟယ်ဖြစ်နိုင်၏။

【TN : ရွှိုက်ကောကော ကျန့်ကျားဟယ် 😎】

ကျန့်ယွင်နှင့်စုရွေ့ကျယ်တို့သည် စစ်သားများဝိုင်းရံခံနေရပြီး မေးခွန်းများ မြောက်များစွာ အမေးခံနေရ၏။ သူတို့အနေဖြင့် မည်သည့်မေးခွန်းအားပြန်ဖြေရမည်ကိုမသိတော့ဘဲ အလွန် စိတ်ဖိစီးသွားကြရ၏။

ထိုအခိုက်မှာပင် ခေါင်းရိတ်ထားသော အရပ်ရှည်ရှည် အသက်လေးဆယ်အရွယ်အရာရှိတစ်ဦးရောက်လာပြီး

“ဒါတွေက ကျိုးကြောင်းဆီလျော်တဲ့စကားတွေလား? မင်းတို့ တာ၀န်ကျတဲ့နေရာတွေဆီ ပြန်သွားကြတော့! ”

“ခေါင်းဆောင်ကျန်း !”

စစ်သားငယ်လေးများသည် မတ်မတ်ရပ်ကာ ရောက်လာသောလူအား အလေးပြုကြလေ၏။ သူတို့သည် ပါးစပ်မပါသော လုံခြုံရေးအစောင့်တစ်ယောက်ကဲ့သို့ အသံတစ်သံမှ မထွက်ရဲကြချေ။ သူတို့သည် သူတို့တာ၀န်ကျရာနေရာများဆီသို့ အလျင်အမြန်ပြန်သွားကြလေ၏။