My Cherry Will Explode in the Apocalypse 《Myanmar Translation》

𝙲𝚑𝚊𝚙𝚝𝚎𝚛 𝟻𝟷《ချန်းမောင်နှမများ》

My Cherry Will Explode in the Apocalypse

Chapter 51 《ချန်းမောင်နှမများ》

Author: Drunken Light Song
Source: Jostena M
Editors: playerprophet & Callis
Translator: オタク

【Unicode】

ဖုတ်ကောင်ခွေး လဲကျသွားချိန်တွင် သူတို့အနေဖြင့် ကျန်သည့်ဖုတ်ကောင်များကို ကြောက်စရာမရှိတော့ချေ။ ပဲစေ့ကျည်ဆန်များ၏ မယှဉ်နိုင်သောသေစေနိုင်စွမ်းအောက်တွင် ဆိုင်ပတ်လည်တွင်ရှိနေသော ဖုတ်ကောင်များကို အလျင်အမြန်ပင် ဖယ်ရှားပစ်ခဲ့သည်။

သူ့ခန့်မှန်းယူဆချက်အား စစ်ဆေးရန်အတွက် စုရွေ့ကျယ်သည် ဓားတစ်ချောက်ကို ထုတ်လိုက်ပြီး ဒုတိယဖုတ်ကောင်ခွေး၏ခေါင်းအားဖွင့်လိုက်၏။ ထို့နောက် ထူးခြားသောအရောင်နှင့် အမြုတေအခဲတစ်ခုကို တွေ့လိုက်လေ၏။ အမြုတေသည် ၎င်းကိုယ်တိုင် အနီရောင်ဖျော့ဖျော့ရှိနေပြီး အပြင်ဘက်တွင် အလွှာတစ်ထပ်ရှိနေပြီး ခါ့မိုင်းအနီရောင်ဖြင့် ဆေးသုတ်ထားသကဲ့သို့ပင်။

【TN : Carmine red သည် အစားအစာများ၊ cosmetics များတွင်အရောင်ဆိုးသော ဆိုးဆေးနေရာတွင် အသုံးပြုသည်။ (source from Google)】

အကယ်၍ ဆင့်ကဲပြောင်းလဲပြီးသောခွေးသာ တခြားခွေး၏အမြုတေအား စားလိုက်ပြီးပါက ၎င်း၏အမြုတေသည် ပြောင်းလဲသွားပေလိမ့်မည်။ အကယ်၍ စုရွေ့ကျယ် အချိန်မှီမပစ်လိုက်မိပါက ၎င်းသည် မတွေ့ဝံ့စရာအကျိုးဆက်များနှင့်အတူ နောက်တစ်ကြိမ် ဆင့်ကဲပြောင်းလဲသွားနိုင်လေသည်။

ဆယ်ဖွဲ့မြောက်အဖွဲ့သည် ဆိုင်ခေါင်မိုးပေါ်တွင် အချိန်အတော်ကြာပိတ်မိနေခဲ့ကြ၏။ အန္တရာယ်မှ လွတ်မြောက်လာခဲ့ပြီးနောက် သူတို့သည် ဆယ့်နှစ်ဖွဲ့မြောက်အဖွဲ့နှင့် ပြန်ပေါင်းလိုက်ကြသည်။ သို့သော်လည်း သူတို့၏အရေအတွက်သည် လေးဆယ်မှ နှစ်ဆယ့်ငါးအထိ လျော့ကျသွားလေ၏။ စစ်သားဆယ့်ငါးယောက်သည် ကျဆုံးသွားခဲ့ကြရ၏။

လက်ခံနိုင်လောက်သော ဆုံးရှုံးမှုပင်။

【TN : အန္တရာယ်ကြီးနဲ့ ကြုံရပေမယ့် သူတို့မှန်းသလောက် ဒီထက်အများကြီးမသေဘဲ နည်းလို့ပြောချင်တာပါ။ 】