Unicode
ကျောင်းဆောင်များကိုဖြတ်လျှောက်ပြီးနောက်မိမိတက်ရောက်ရမည့်အခန်းဆီသို့ရောက်သောအခါ အခန်းထဲက လော့ကာထဲမှလိုအပ်သည့် စာအုပ်တို့ကိုယူလိုက်ပြီး မိမိထိုင်ရာ ပြတင်းပေါက်နားကခုံမှာဝင်ထိုင်လိုက်သည်။
အရင်နေ့ကသင်ခဲ့သည့်စာများကိုပြန်လည်ကြည့်ရင်း ဆရာဝင်မည့်အချိန်ကိုစောင့်နေလိုက်သည်။
ဒေါက်!
ဦးခေါင်းမှနာကျင်မှုကြောင့်လှည့်ကြည့်မိတော့
လွှင့်စင်သွားသည့်အအေးဘူးအခွံနဲ့အတူ အမြဲစိတ်အနှောက်အယှက်ပေးတတ်သည့် ဂန်ဂျီဝမ် တို့အုပ်စုက ကျွန်တော့်အဖြစ်ကိုကြည့်ကာ လှောင်ပြုံးတို့ကမျက်နှာထပ်ချိတ်ဆွဲလျက်။
စကားလဲမများချင်ရန်လဲမဖြစ်ချင်တော့သောကြောင့် သူ့လုပ်ရပ်ကို လစ်လျူရှုလိုက်ပြီး စာကိူပဲပြန်ဆက်ကြည့်လိုက်သည်။
''ကျစ်''
''ဟေ့ကောင် ကင်မ်ထယ်ယောင်း''
ထိုကောင်ကမကျေမနပ်ပင် ကျွန်တော့အနားလာပြီး ကျွန်တော့် အင်္ကျီလည်တိုင်ကိုဆွဲကာ သူနဲ့မျက်နှာချင်းဆိုင်အနေအထားဖြစ်အောင် လုပ်သည်။
''မင်း ဘာဖြစ်ချင်နေတာလဲ ဂန်ဂျီဝမ်''
ကျွန်တော်စိတ်မရှည်သလိုမေးတော့ ဒီကောင်ကအထင်သေးတဲ့မျက်လုံးတွေနဲ့ထပ်ကြည့်သည်။ မကြည့်နဲ့ မင်းဆီက အဲ့အကြည့်တွေကိုမုန်းတယ်။
''ရန်ဖြစ်ချင်လို့လေ ငါ့ကိုဘာလို့ရှောင်နေတာလဲ အရင်လိုပဲဆွဲထိုးပစ်လိုက်လေ ''
''မင်းနဲ့ကစားပေးဖို့ငါ့မှာအချိန်မရှိဘူး''
''တောက်စ်!! ကင်မ်ထယ်ယောင်း မင်းကအမြဲစိတ်ရှုပ်စရာကောင်းအောင်ပဲလုပ်နေတော့မှာလား ''
လည်တိုင်ကကိုင်ဆွဲထားသည်ကိုလွှတ်ချပြီးစာရေးခုံတစ်လုံးကိုကန်ကာဒေါကြီးမောကြီးထွက်သွားတော့သည်။
ဂန်ဂျီဝမ်ထွက်သွားသည်နှင့် ထယ်ယောင်းလည်းအင်္ကျီကိုပြန်ပြင်ပြီး ကြည့်လက်စ စာကိုသာအာရုံပြန်စိုက်လိုက်သည်။
အတန်းထဲကလူတွေရဲ့တီးတိုးသံနဲ့စပ်စုသည့်အကြည့်တို့ကိုလဲမမြင်ချင်ယောင်သာဆောင်လိုက်သည်။
YOU ARE READING
𝑇ℎ𝑒 𝑂𝑏𝑠𝑒𝑠𝑠𝑖𝑜𝑛❥ (Completed)
Fanfiction{''ဂျွန်က ဘဝတစ်လျှောက်လုံးမှာ ရူးမိုက်စွာစွဲလမ်းမိတဲ့ စွဲလမ်းမှုလှလှလေးပေါ့...''} Taekook fanfiction Started date: July 1,2022. Ended date: October 31,2022. Uni+Zawgyi
