Unicode
နူးညံ့သောနှုတ်ခမ်းပါးခြင်းစုပ်ယူငုံထွေးကာနူးညံ့သောအနမ်းတို့ပုံဖော်လိုက်သည်မှာအချိန်ဘယ်ရွေ့ကြာသွားသည်မသိ အလင်းရောင်ပင်ပျောက်ကာနေပင်ဝင်သွားသည်။
ရှူး!!ဒိုင်း!!!
အမှောင်ရိပ်သန်းသွားသည်နှင့်ကစားကွင်းအတွင်းမီးပန်းတို့ကိုဖောက်ကြတော့မှအနမ်းတို့ကိုရပ်မိလိုက်ကြသည်။ သူတို့ရောက်နေသည်ကကစားကွင်းဧရိယာအတွင်းဆိုသည်ကိုတောင်မေ့မောနေခဲ့တာ..။
အခုမှနှစ်ယောက်သားရှက်ကိုးရှက်ကန်းတွေဖြစ်ကာ မီးပန်းဖောက်လွှတ်ရာကောင်းကင်ထက်ကြည့်သူကကြည့် ပတ်ဝန်းကျင်အကဲခတ်ပြီးလည်ဂုတ်ကိုပွတ်သူကပွတ်နှင့်အလုပ်ပင်ရှုပ်နေကြတော့သည်။
''ဒါဆို လူကြီးနဲ့ကျွန်တော်ကဘာတွေလဲဟင်''
ကောင်းကင်ကိုအကြည့်မပျက်ကာပြောလာသည့်ထယ်ယောင်း...။ဂျောင်ဂုလဲကလေးကတောင်သတ္တိရှိစွာမေးနေပြီမို့ သူလဲရှက်မနေတော့ဘဲ ထယ်ယောင်းပုခုံးနှစ်ဖက်ကို သူနှင့်မျက်နှာချင်းဆိုင်အနေအထားဖြစ်အောင်ဆွဲလှည့်လိုက်သည်။
''ကိုယ်မင်းကိုချစ်တယ် ကင်မ်ငယ်''
''....''
ကြယ်တာရာတွေပြည့်နှက်နေသည့်မျက်ဝန်းဟာတောက်တောက်ပပ, နှစ်ကိုယ်သာကြားအောင်ပြောသည့်အသံကခပ်ရှရှ, မပူမနွေးခုနကအနမ်းချိုချိုတို့နှင့် ထပ်မံထွက်ပေါ်လာသည့် ဝန်ခံချစ်စကား အရာရာတိုင်းဟာစိတ်လှုပ်ရှားဖွယ်အတိ။
ကျွန်တော့်နှလုံးသားဟာသူ့ပိုင်ရှင်ကိုတွေ့သွားသည်မို့ထင် မြူးထူးခုန်ပေါက်နေတော့သည်။
''ကျွန်တော်လဲ လူကြိီးကိုချစ်တယ်''
အဖြေစကားလက်ခံကြားနာအပြီးမှာတော့နှစ်ဦးသားလုံးရဲ့မျက်နှာထပ်ဝယ်အပြုံးတို့ဖြစ်တည်ရင်း နူးညံ့လွန်းသည့်နှုတ်ခါးပါးနှစ်ခုကိုထပ်မံကာထိကပ်လိုက်ကြသည်။
မီးပန်းတို့ကြောင့်ဝင်းဝါလှပနေသည့်ကောင်းကင်အောက်မှာ နူးညံ့လှပသည့်အနမ်းတို့ကိုပုံဖော်နေသည့်ကောင်လေးနှစ်ယောက်....။
YOU ARE READING
𝑇ℎ𝑒 𝑂𝑏𝑠𝑒𝑠𝑠𝑖𝑜𝑛❥ (Completed)
Fanfiction{''ဂျွန်က ဘဝတစ်လျှောက်လုံးမှာ ရူးမိုက်စွာစွဲလမ်းမိတဲ့ စွဲလမ်းမှုလှလှလေးပေါ့...''} Taekook fanfiction Started date: July 1,2022. Ended date: October 31,2022. Uni+Zawgyi
