Unicode
''ကင်မ်လို့ပဲခေါ်...အဲ့ဒါဆိုအားလုံးအဆင်ပြေပြီ''
မင်းသားငယ်ဟာထိုသို့ပြောသော်ငြား ဘယ်လိုပင်မင်းကြီးရဲ့ညာလက်ရုံးသေနာပတိချုပ်နေရာမှာရှိနေပါစေ မိမိခစားရသည့်မင်းကြီးရဲ့သားတော်ကိုတော့ ရိုသေမှုမရှိသည့်အမည်နာမ်စားအားသူနှုတ်ကမထွက်ဝံ့...။
''ကျွန်တော်မျိုး မခေါ်ဝံ့ပါဘူး မင်းသားငယ်''
''ဂျွန်...ကျွန်တော်တောင်ရာထူးအာဏာကိုတပ်မခေါ်နေတာ ဂျွန်ကဘာလို့မရဲတရဲဖြစ်နေရသလဲ''
မင်းသားငယ်ဟာသူသိခဲ့ရသည့်အတိုင်းခေါင်းမာသည့်လူမှန်းဂျောင်ဂုယခုပင်သိလိုက်ရသည်။ အဘယ်ကြောင့်ဆိုသော် မခေါ်လျှင်မသွားဘူးဆိုသည့်ပုံစံနှင့် ဆိပ်ကမ်းနားမှာအခင်းမပါဘာမပါနှင့်ထိုင်ချလိုက်ခြင်းကြောင့်ဖြစ်သည်။
''ထပါ မင်းသားငယ်...ခရီးလမ်းကြောင့်ကြာအောင်မလုပ်ပါနဲ့''
''ဟွန့်...ကင်မ်လို့ခေါ်ရတာဘာများအပန်းကြီးသလဲ''
လက်ကိုပိုက်ကာထိုင်ရာကမထဆက်ပြောနေသည့်မင်းသားငယ်ဟာပြောရဆိုရခက်သည့်ကလေးတစ်ယောက်ပမာ..။
စကားများများပြောလေ့မရှိသည့်ဂျောင်ဂုကမင်းသားငယ်နဲ့မှအတွေးလဲများပြောစရာလဲများနေရသည်။
''ထ ထပါ...က..ကင်မ်''
''အော ထပြီ''
မရဲတရဲထစ်ထစ်အအအသံဖြင့်ခေါ်မိတော့မင်းသားငယ်ဟာသဘောတကျပြုံးသည်။ သေချာတာတော့ သည်အပြုံးတွေထဲကျွန်တော်ဟာကျရှုံးသွားနှင့်ခဲ့ပြီဆိုတာပါပဲ...။
''ဂျွန်..''
မည်သူမှခေါ်လေ့မရှိသည့်အမည်နာမ်စားကို
ကင်မ်ကခေါ်ဆိုသည်။
သူခေါ်ဆိုသည့်သည်နာမ်စားနှင့်သူ့အသံခပ်သြသြဟာလိုက်ဖက်လွန်းလှနေသလား ကျွန်တော့်နှလုံးသည်းပွတ်တို့ကိုတရွေ့ရွေ့တုန်ခါစေသည်အထိ...။
''ကျွန်တော့်ရဲ့အကိုတော်ကိုမြင်ဖူးလား''
အမှတ်တမဲ့မင်းသားထံမှထွက်လာသည့်စကားဟာသူ့အကိုတော်ရဲ့အကြောင်းပင်။ဂျောင်ဂုကိုယ်တိုင်လဲ ကင်မ်မျိုးနွယ်မိဖုရားမှာသားတော်နှစ်ပါးရှိသည်ဆိုတာကိုပဲသိရပြီး တခါမျှတော့မမြင်ဖူးခဲ့ပါ...။
YOU ARE READING
𝑇ℎ𝑒 𝑂𝑏𝑠𝑒𝑠𝑠𝑖𝑜𝑛❥ (Completed)
Fanfiction{''ဂျွန်က ဘဝတစ်လျှောက်လုံးမှာ ရူးမိုက်စွာစွဲလမ်းမိတဲ့ စွဲလမ်းမှုလှလှလေးပေါ့...''} Taekook fanfiction Started date: July 1,2022. Ended date: October 31,2022. Uni+Zawgyi
