Unicode
''ဂျွန်ဂျောင်ဂုနဲ့ အခုကိစ္စက ဘာတွေပတ်သတ်နေတာလဲ အမငါ့ကိုပြော''
အခြေအနေတွေငြိမ်သက်သွားချိန် ထယ်ယောင်းထံမှထွက်ပေါ်လာသည့်စကား...။
''သူနဲ့ပတ်သတ်နေတယ်မလား''
''ဖုံးကွယ်ထားဖို့မကြိုးစားနဲ့''
ထယ်ယွန်းဖြေရခက်ဟန် နှုတ်ခမ်းကိုဖိကိုက်ထားမိသည်။ ထယ်ယောင်းကလဲ အမဖြစ်သူအနားကိုကပ်ကာ မျက်နှာချင်းဆိုင်ကာ ပြောခိုင်းနေတော့သည်။
''သူအိမ်ကိုလာတယ် နင်တို့နှစ်ယောက်ထဲစကားပြောဖို့ ငါ့ကိုရှောင်ခိုင်းတယ်။နောက်နေ့ကျ ဘာတွေပြောကြလဲမေးရင် တစ်ယောက်မှငါ့ကိုမဖြေဘူး ။
အိပ်မက်တွေစမက်တာလဲအဲ့ကထဲကပဲ။ငါ့ကိုရူးမသွားစေချင်ရင်အခုပဲဖြစ်ဖြစ်ပြော''
ဖြေမယ့်ပုံမပေါ်သည့် ထယ်ယွန်းကို ပုခုံးနှစ်ဖက်ကိုဆုပ်ကိုင်ရင်းမေးမိသည်။
ဒီတနေ့ဖြစ်ရပ်တွေနဲ့တင်သူရူးချင်နေပြီ။ဒါကိုဖုံးကွယ်ထားဖို့လုပ်နေတာမို့ အမဖြစ်သူကိုပါ ဒေါသထွက်မိနေသည်။
''ထယ်ယောင်း...အဲ့ဒါက''
''ကိုယ်ပြောပါ့မယ် ကင်မ်ငယ်''
ထယ်ယွန်းကထစ်အစွာပြောဖို့ကြိုးစားနေတုန်း အိမ်ထဲဝင်လာသည့် ဂျောင်ဂုကဝင်ပြောတော့ ရှိနေသူသုံးယောက်ရဲ့အကြည့်ဟာ ဂျောင်ဂုထံသိူ့တပြိုင်တည်း...။
.
.
.
''ဒါဆိုသူက လူကြီးရဲ့ယောက်ဖတော်တာပေါ့''
အကြောင်းစုံများအားလုံးရှင်းပြပြီးသည့်နောက်မှာ ပိုမိုကာအလိုမကျသောမျက်နှာဖြင့် ထယ်ယောင်းမေးလာလျှင် ဂျောင်ဂုလဲခေါင်းသာငြိမ့်ပြလိုက်ရတော့သည်။
''အခုဒါကိုဘယ်လိုလုပ်ကြမှာလဲ''
''ကင်မ်ငယ်...''
''ခင်ဗျားကိုမမေးဘူး ကျွန်တော့်အမကိုမေးတာ''
မျက်စောင်းထိုးကာ ပြောရင်းကျောပေးကာ သူ့အမဘက်လှည့်သွားသည့် ထယ်ယောင်းကြောင့် ဂျောင်ဂု ပြုံးမိလိုက်သေးသည်။
أنت تقرأ
𝑇ℎ𝑒 𝑂𝑏𝑠𝑒𝑠𝑠𝑖𝑜𝑛❥ (Completed)
قصص الهواة{''ဂျွန်က ဘဝတစ်လျှောက်လုံးမှာ ရူးမိုက်စွာစွဲလမ်းမိတဲ့ စွဲလမ်းမှုလှလှလေးပေါ့...''} Taekook fanfiction Started date: July 1,2022. Ended date: October 31,2022. Uni+Zawgyi
